ᐱᓇᓱᑦᑐᖅ ᑐᕌᕐᓱᓂ ᐃᓗᕐᖁᓯᒃᑯᑦ ᐃᒻᒥᓂᒃ ᒪᑭᑕᓂᕐᒧᑦ
ᐱᐅᓯᑐᖃᒃᑯᑦ ᐊᑐᕐᓯᒪᒐᓗᐊᕐᓱᑎᒃ ᐆᒪᔪᕐᓂᐊᓂᕐᒧᑦ, ᖃᔦᑦ ᐊᑐᕐᑕᐅᓂᖓ ᐊᓯᐅᓯᒪᒌᔭᑦᓯᐊᑐᖅ ᒫᓐᓇᐅᓕᕐᑐᖅ ᓄᓇᕕᒻᒥ. ᐅᓪᓗᒥ, ᑑᒪᓯ ᒪᖏᐅᖅ, ᑲᒪᔨᒻᒪᕆᐊᐱᒃ ᓄᕝᕕᑎ ᐃᓕᓴᕐᕕᒥ, ᐊᔭᐅᕐᑐᖅ ᐅᑎᕐᑎᓯᒍᒪᑦᓱᓂ ᖃᔭᕐᒥᒃ ᐊᕐᖁᑕᐅᖁᑦᓱᒍ ᐃᓄᐃᑦ ᐱᑐᒋᐊᑦᓯᐊᓂᖓᓄᑦ ᐱᐅᓯᑐᖃᕐᒥᓄᑦ ᐊᒻᒪᓗ ᐃᓗᕐᖁᓯᕐᒥᓄᑦ.
ᑑᒪᓯ ᒪᖏᐅᖅ” job=”ᑲᒪᔨᒻᒪᕆᐊᐱᒃ ᓄᕝᕕᑎ ᐃᓕᓴᕐᕕᒥ”]“ᐃᓗᕐᖁᓯᑦᑎᓂᒃ ᐱᒋᓕᐅᑦᔨᒋᐊᑦᓯᐊᓂᕐᒥᒃ ᐱᔪᒪᓕᕐᐸᓕᐊᑐᐃᓐᓇᒪᑕ. ᖃᔭᖅ ᐃᓚᐅᕗᖅ ᑕᒪᑐᒧᖓ ᐅᐱᓐᓇᕋᓂ ᖃᔭᖅ ᐅᕙᑦᑎᓄᑦ ᐃᓚᐅᒻᒪᑦ. ᐃᓕᓐᓂᐊᑏᑦ ᙯᒐᒥᒃ ᐃᓗᕐᖁᓯᕐᒥᒃ ᐃᓕᓐᓂᐊᕕᒻᒧᑦ, ᑕᒪᑐᒪᖕᖓᑦ ᐱᕙᑦᑐᑦ ᐃᑉᐱᒍᓱᓕᐅᒥᓂᕐᒥᒃ ᐱᔭᖃᕆᐊᒥᒃ ᐊᒻᒪᓗ ᓱᓕᒋᐊᖓ ᑭᓇᐅᓂᖓ. ᖃᓄᐃᖕᖏᓂᕐᒥᓂᒃ ᑌᒣᑦᑑᓗᑎᑦ ᐊᒻᒪᓗ ᐊᓯᐊᖕᖑᓗᑎᒃ ᑭᓯᐊᓂᐅᖕᖏᓂᕐᒥᓂᒃ; ᐃᓅᒐᒥᒃ
ᖃᔭᖅ ᐃᓅᑉ ᐊᑕᐅᓯᐅᑉ ᐅᒥᐊᕆᕙᐅᒃ ᓴᓇᔭᐅᒋᐊᖕᖓᓯᒪᑦᓱᓂ ᐃᓄᓐᓄᑦ ᐊᕐᕌᒍᐃᑦ ᑕᐅᓴᓐᑎᒐᓵᓗᐃᑦ ᖃᒻᒥᐅᖏᑦᑐᖅ ᓴᓇᕐᖁᑎᓕᐊᕆᑦᓱᒍ ᐊᖑᓇᓱᑦᑏᑦ ᖃᓂᓪᓕᐅᒥᒍᓐᓇᓯᓂᐊᕐᒪᑕ ᓇᑦᓯᓄᑦ ᕿᓇᓗᒐᕐᓄᓗ. ᐱᐅᓯᑐᖃᒃᑯᑦ ᓴᓇᒪᕙᑦᑐᕕᓂᖅ ᓯᑦᔭᓕᑯᕕᓂᕐᓂᒃ ᕿᔪᓐᓂᒃ ᐅᕝᕙᓗᓘᓐᓃᑦ ᐊᕐᕖᑦ ᓴᐅᓂᕕᖏᓐᓂᒃ ᓯᓚᑉᐱᐊᖃᕐᓱᓂ ᐳᐃᔨᕕᓃᑦ ᐊᒥᖏᓐᓂᒃ, ᒥᑭᔪᐊᐱᒻᒥᓗ ᐊᒻᒪᓂᖃᕐᓱᓂ ᖄᖓᓂ ᖃᔭᖅ ᐃᓱᐊᕐᑑᓗᓂ ᐃᑦᓯᕙᕕᑦᓴᐅᓂᐊᕐᒪᑦ ᐊᒻᒪᓗ ᐊᖁᑕᐅᓲᖑᓯᒪᕗᖅ ᐃᐳᑎ ᐊᑐᕐᓱᒍ. 40 ᐅᖓᑖᓂ ᐊᑦᔨᒌᖕᖏᑐᓂᒃ ᐱᐅᓯᑐᖃᕐᓯᐅᑎᓂᒃ ᖃᔭᕐᖃᕐᓯᒪᔪᖅ ᓴᓇᒻᒪᖏᑦ ᓇᓂ ᐊᑐᕐᑕᐅᓲᖑᓂᖓᓂᒃ ᒪᓕᑦᑎᓗᒋᑦ.
ᓯᓚᕐᔪᐊᒥ ᓇᓂᓕᒫᖅ, ᖃᔭᖅ (ᖃᐅᔨᒪᔭᐅᓂᕐᓴᖅ ᑲᔭᒃ ᐅᖃᕐᓱᒍ) ᐊᒥᓱᕐᔪᐊᕌᓗᓐᓄᑦ ᐊᓕᐊᒋᔭᐅᓕᕐᓯᒪᔪᖅ, ᐊᒥᓱᓂᒃ ᐱᓯᑎᐅᓕᐅᑎᓂᖃᕐᐸᑎᓗᒍ ᓇᓂᑐᐃᓐᓇᖅ ᓯᓚᕐᔪᐊᒥ ᐅᓕᒻᐱᒃᔅᓂ ᐊᓪᓛᑦ ᐅᐱᕐᖔᑯᑦ ᐱᖕᖑᐊᓂᕐᔪᐊᓂ. ᑕᒪᓐᓇᐅᒐᓗᐊᕐᑎᓗᒍ, ᖃᔦᑦ ᐊᑐᕐᑕᐅᓂᖓ ᐊᓯᐅᑲᓵᑦᓯᐊᓕᕐᑐᖅ ᓄᓇᕕᒻᒥ. ᐊᑕᐅᓯᖅ ᐃᕗᔨᕕᒻᒥᐅᖅ ᐊᔪᐃᓐᓇᓱᓂ ᐱᓇᓱᐊᕐᐸᑐᖅ ᑕᒪᓐᓇ ᐋᕐᕿᕈᒪᑦᓱᒍ.
ᑑᒪᓯ ᒪᖏᐅᖅ, ᑲᒪᔨᒻᒪᕆᐊᐱᒃ ᓄᕝᕕᑎ ᐃᓕᓴᕐᕕᒥ ᐃᕗᔨᕕᒻᒥ, ᑐᑭᒧᐊᑦᑎᓯᕙᓕᕐᑐᖅ ᖃᔭᓕᐅᕐᓂᒥᒃ ᐃᓕᓐᓂᐊᕈᑎᓂᒃ ᐃᓕᓴᕐᕕᐅᑉ ᐃᓗᕐᖁᓯᕐᒥᒃ ᐃᓕᓐᓂᐊᕈᑎᖓᑕ ᐃᓗᐊᒍᑦ ᐊᕐᕌᒍᓂ ᐊᓂᒍᕋᑖᓂ. ᐃᑉᐱᒋᔨᖃᕐᓱᑎᒃ ᑕᑯᓐᓇᕋᓱᑦᓯᐊᑐᒥᒃ ᓴᓇᔨᒻᒪᕆᒻᒥᒃ ᐊᓓᑦ ᑯᓘᑦᓰ, ᓄᓇᕕᓕᒫᒥ ᑲᑎᒪᓂᐊᕈᓯᑎᒍᑦ, ᐃᓕᓐᓂᐊᑏᑦ ᐊᒥᓱᒐᓚᓐᓂᒃ ᖃᔭᓕᐅᕇᕐᑐᕕᓃᑦ. ᐃᓚᖓ ᐳᕕᕐᓂᑐᒥᓂᑕᖅ ᓂᐅᕕᐊᕆᔭᕕᓂᐅᒻᒥᔪᐊᓪᓛᑦ ᓄᐃᑕᑎᑕᐅᕕᒻᒦᖏᓐᓇᓂᐊᓕᕐᑎᓗᒍ ᑲᓇᑕᒥ ᖃᔭᕆᐊᓂᒃ ᑕᑯᔭᒐᖃᕐᕕᖓᓂ, Peterborough, Ontario-ᒥ.
ᐃᓕᓐᓂᐊᑎᓂᒃ ᖃᔭᕐᑐᖁᔨᓲᖑᑦᔭᖏᑦᑐᖓ ᐃᓄᑑᓗᑎᒃ. ᐃᓕᒪᓇᕐᑐᖃᕐᒪᑦ ᓯᓚ, ᑕᒪᓐᓇ ᐊᐅᓚᑕᐅᖃᑦᑕᕆᐊᓕᒃ ᐃᑉᐱᒋᔨᖃᑦᓯᐊᑎᓪᓗᒍ… ᐃᒪᕐᒦᓂᖅ ᐊᑦᑕᓇᕐᑐᖃᕈᓐᓇᐳᖅ, ᐱᓗᐊᕐᑐᒥᒃ ᓄᓇᓂ ᓂᓪᓚᓱᓐᓂᓴᓂ.
ᐃᓗᕐᕈᓯᑦᑎᓂᒃ ᐱᒋᓕᐅᑦᔨᕈᒪᕙᓪᓕᐊᕗᒍᑦ, ᖃᔦᑦ ᐊᑐᕐᑕᐅᓂᖏᑦ ᐃᓚᐅᑎᓪᓗᒋᑦ ᐃᓗᕐᕈᓯᑦᑎᓄᑦ ᑐᖕᖓᕕᐅᒻᒥᒪᑕ. ᐃᓕᓐᓂᐊᑏᑦ ᐃᓗᕐᕈᓯᓕᕆᓂᕐᒥᒃ ᐃᓕᓐᓂᐊᓕᕋᒥ ᑭᓇᐅᓂᖏᑦ ᐱᒍᓐᓇᓂᖏᓪᓗ ᓱᕐᕈᐃᑕᐅᑦᓯᐊᓲᑦ. ᖃᓄᐃᖕᖏᓂᖏᑦ ᓈᒻᒪᓯᐊᕐᑐᑦ ᑭᓇᑐᐃᓐᓇᐅᕋᓱᕆᐊᑐᒐᑎᓪᓗ; ᐃᓅᕇᒐᒥᒃ”.
ᑐᑭᒧᐊᑦᑎᓯᓂᖅ ᐃᓕᓐᓂᐊᕈᑎᖏᓐᓂᒃ ᑌᒫᑐᐃᓐᓈᔭᖏᒻᒥᔪᖅ. ᓴᓇᒍᑎᑦᓭᑦ ᐊᒥᓲᓂᕐᓴᖏᑦ ᐱᒋᐊᖃᓲᑦ ᑎᑭᑎᑕᐅᓗᑎᓪᓗ ᓯᕿᓂᕐᒥᐅᓂᒃ, ᑭᓯᐊᓂ ᐊᔪᐃᓐᓇᕈᑕᐅᓂᖓ ᐱᓐᓇᓯᐊᕐᒥᔪᖅ. ᐃᓕᓐᓂᐊᑐᑦ ᐃᓕᑦᓯᑎᑕᐅᕙᑦᑐᑦ ᐊᑦᔨᒌᖕᖏᑐᓂᒃ ᐱᒍᓯᕐᓂᒃ ᐆᑦᑑᑎᒋᓗᒍ ᐃᑲᔪᕐᑎᒌᓐᓂᒥᒃ ᐊᒻᒪᓗ ᕿᔪᓕᕆᐅᓯᕐᓂᒃ ᐆᑦᑑᑎᓪᓗᐊᓂᒃ ᐱᒋᐊᖕᖓᐅᑎᒧᑦ ᒪᑭᑕᔪᓂᒃ ᖁᓕᕈᐊᓕᐅᕐᓂᒥᒃ ᐃᓕᓐᓂᐊᕈᑎᒧᑦ. ᐱᒋᐊᖕᖓᓂᖓᓂᒃ ᐱᔭᕇᕐᓂᖓᓄᑦ, ᖃᔭᓕᐅᕐᓂᖅ ᐱᓇᓱᐊᕈᓰᑦ ᐱᖓᓱᑦ ᒥᑦᓵᓂ ᐊᑐᕆᐊᖃᓲᖑᕗᖅ.
ᖃᔭᕐᒥᒃ ᐃᒫᕆᓂᖅ ᐱᔭᕆᐊᑐᓂᕐᓴᐅᓴᑐᐃᓐᓇᑐᖅ. ᐊᑯᓂᐅᖕᖏᑐᐊᐱᒃ ᐱᕕᑦᓴᖃᓲᖑᕗᖅ ᖃᔭᕐᑐᓂᕐᒥᒃ ᐃᓕᓐᓂᐊᕕᑦᓴᒥᒃ ᓯᓚ ᐱᑦᔪᑎᒋᑦᓱᒍ, ᐊᒻᒪᓗ ᐱᒋᐅᕐᓴᕈᑕᐅᒍᓐᓇᖁᖅ ᐃᓓᓐᓇᖏᓐᓂ ᐃᓂᓂ ᓴᐴᓗᑕᓕᓐᓂ. ᐃᓕᓐᓂᐊᑎᑦᓯᔨᖓᑦ ᐋᓓᓐ ᑯᓖᑦᓰ ᐅᖃᕐᑐᖅ ᐃᒣᓕᑦᓱᓂ “ᐃᓕᓐᓂᐊᑎᓂᒃ ᖃᔭᕐᑐᖁᔨᓲᖑᑦᔭᖏᑦᑐᖓ ᐃᓄᑑᓗᑎᒃ. ᐃᓕᒪᓇᕐᑐᖃᕐᒪᑦ ᓯᓚ, ᑕᒪᓐᓇ ᐊᐅᓚᑕᐅᖃᑦᑕᕆᐊᓕᒃ ᐃᑉᐱᒋᔨᖃᑦᓯᐊᑎᓪᓗᒍ… ᐃᒪᕐᒦᓂᖅ ᐊᑦᑕᓇᕐᑐᖃᕈᓐᓇᐳᖅ, ᐱᓗᐊᕐᑐᒥᒃ ᓄᓇᓂ ᓂᓪᓚᓱᓐᓂᓴᓂ.”
ᐱᒻᒪᕆᐅᓂᕐᐹᑦ ᐱᒋᐅᕐᓂᐅᒍᑏᑦ ᐃᓚᖓᑦ ᖃᔭᕐᑐᑏᑦ ᖃᐅᔨᒪᒋᐊᓕᖓᑦ ᓅᖕᖏᓂᕐᒥᓂ ᐱᒋᐅᕐᓴᕕᐅᓲᒥᒃ ᑌᓐᓇᐅᕗᖅ ᖃᔭᐅᑉ ᐳᓯᑦᑑᑉ ᒪᑭᑎᑕᐅᓂᖓ. ᖃᔭᕐᒥᒃ ᒪᑭᑦᓯᓂᖅ ᐱᔪᓐᓇᕈᑕᐅᕗᖅ ᖃᔭᕐᒥᒃ ᒪᑭᒋᐊᓪᓚᑎᑦᓯᓂᕐᒥᒃ ᖃᔭᕐᑐᑐᖅ ᐅᒥᐅᑦᓴᓂᐊᕐᐸᑦ. ᑕᒪᓐᓇ ᖃᐅᔨᒪᔭᐅᓪᓗᑐᕆᒋᐊᓕᒃ ᓄᓇᕕᐅᑉ ᓯᓚᖓᓂ ᑕᐸᓀᓐᓂᓴᒥ, ᐅᒥᐅᒍᐊᕐᓇᓂᕐᓴᐅᒪᑦ ᐃᒪᖓ. ᐊᓓᓐ ᐱᒻᒪᕆᓪᓗᑑᑎᑦᓯᔪᖅ ᓇᒻᒥᓂᖅ ᐊᑦᑕᓇᕐᑌᓕᓂᕐᒥᒃ ᖃᔭᕐᑐᑐᖃᓕᕈᓂ: “ᐃᓄᓐᓂᒃ ᐱᒋᐅᕐᓴᖁᔨᓲᖑᕗᖓ ᐊᕐᕌᒍᓐᓂᒃ ᒪᕐᕉᓂᒃ ᐱᖓᓱᓂᓪᓘᓃᑦ ᐃᒻᒥᓂᕿᓗᑎᒃ ᒪᙯᖃᕐᑕᓯᖕᖏᓂᕐᒥᓂ.”
ᓱᓂᐊᓕᕆᕚᑦ ᖃᔭᖅ ᐊᒻᒪᓗ ᓄᕝᕕᑎ ᐃᓕᓴᕐᕕᒃ ᐱᑦᔪᑎᒋᓗᒋᒃ? ᑑᒪᓯ ᐃᓱᒪᒥᐅᑕᖃᑦᓯᐊᑐᖅ: “ᐃᓱᒪᒐᓂ ᑭᓗᒥᐅᑕᕐᔫᔭᕐᑐᖅ ᐊᑯᓂ, ᐅᑎᕐᑎᒍᒪᑦᓱᒍ, ᖃᔭᓕᐅᖃᑦᑕᖁᔨᑦᓱᖓ, ᑭᓯᐊᓂ [ᐱᐅᓯᑐᖃᒃᑯᑦ] ᐃᕗᔨᕕᒻᒥᐅᔭᓂᒃ… ᑕᒪᑐᒪ ᐱᕕᖃᕐᓂᖓ ᐊᒥᓲᖕᖏᑐᓄᑦ ᐊᑦᑐᐊᔪᖅ ᑭᓯᐊᓂ ᓱᒃᑫᑑᒐᓗᐊᒥᒃ ᐱᓕᓂᖕᖑᐸᓪᓕᐊᓕᕐᑐᒍᑦ ᐃᓂᑖᕐᐸᓕᐊᑦᓱᑕᓗ ᖃᔭᕐᓅᓕᖓᑐᐃᓐᓇᑐᒥᒃ.” ᐊᔪᐃᓐᓇᕆᐊᖃᕐᓇᑐᑦ ᐱᓲᖑᒐᓗᐊᕐᑎᓗᒋᑦ ᓱᓇᑐᐃᓐᓇᒥᒃ ᐱᓇᓱᐊᕐᓱᓂ ᐱᒋᐊᖕᖓᓂᖓᓂ, ᑑᒪᓯ ᓄᕐᖃᓚᐅᕐᓯᒪᒐᓂ ᐱᓇᓱᑦᑐᖅ ᒪᑭᑦᓯᒐᓱᐊᕐᓱᓂ ᖃᔭᕐᑐᓂᕐᒥᒃ ᐃᓕᓐᓂᐊᕕᒻᒥᒃ, ᓱᓇᒥᑦᓯᑎᓪᓗᒍ ᓴᓐᓇᕕᓐᓂᒃ, ᓴᓂᕐᕚᑎᕆᕕᓐᓂᒃ ᐊᒻᒪᓗ ᖃᔭᕐᑐᕆᐅᕐᓴᐅᑎᓂᒃ ᓄᓇᓕᒻᒧᑦ. ᖃᐅᔨᑎᑦᓯᖃᑦᑕᓛᕐᖁᒍᑦ ᑐᓴᕋᑦᓴᖃᓕᕐᒥᐸᑕ. ᑭᓯᐊᓂ ᑌᒣᖕᖏᓂᑦᑎᓂ: ᐊᓕᐊᓱᓪᓗᓯ ᐊᑦᑕᓀᑦᑑᓗᓯᓗ ᖃᔭᕐᑐᕙᓱᖔᕆᑦᓯ!