ᐃᓕᓐᓂᐊᕈᑎᑦᓴᓄᑦ ᐊᑭᓖᒍᑎᕕᓃᑦ ᑕᐅᕐᑎᖃᕐᑎᑕᐅᓂᖏᑦ
ᑲᑎᕕᒃ ᐃᓕᓴᕐᓂᓕᕆᓂᖅ ᑲᒪᒋᔭᖃᓲᖅ ᐱᓇᓱᒍᑎᑦᓴᖃᕐᑎᓯᒍᑎᓂᒃ ᐃᓕᓐᓂᐊᕈᑎᑦᓴᓄᑦ ᐊᑭᓖᒍᑎᕕᓃᑦ ᑕᐅᕐᑎᖏᓐᓂᒃ ᐊᑭᓖᓂᕐᒥᒃ. ᑖᓐᓇ ᐱᓇᓱᒍᑎᑦᓴᖃᕐᑎᓯᒍᑎ ᑭᓇᐅᔭᑎᒍᑦ ᐃᑲᔪᕐᓯᒍᑎᖃᕐᑎᓯᓲᖅ ᐊᖏᖃᑎᒌᓐᓂᒧᑦ ᐃᓚᐅᔪᓂᒃ ᐃᓕᓐᓂᐊᑎᓂᒃ ᐃᓕᓐᓂᐊᑐᓂᒃ ᓄᓇᕕᐅᑉ ᓯᓚᑖᓂ ᓇᐅᓕᒫᑦ ᐃᓕᓐᓂᐊᕕᖏᓐᓂᑦ.
ᑮᓇᐅᔭᑎᒍᑦ ᐃᑲᔪᕐᓯᒍᑏᑦ ᐃᓚᐅᔪᓄᐊᖓᔪᑦ
ᐃᓘᓐᓇᑎᒃ ᓄᓇᕕᒻᒥ ᐊᖏᖃᑎᒌᓐᓂᒧᑦ ᐃᓚᐅᔫᑦᓱᑎᒃ ᐃᓕᓐᓂᐊᑏᑦ ᐃᓕᓐᓂᐊᑐᑦ ᓄᓇᕕᐅᑉ ᓯᓚᑖᓂ ᓇᐅᓕᒫᑦ ᐃᓕᓐᓂᐊᕕᖏᓐᓂ ᑖᒃᑯᓂᖓ ᐱᓇᓱᒍᑎᑦᓴᖃᕈᑎᓂᒃ ᐱᕙᓪᓕᕈᑎᖃᕈᓐᓇᑐᑦ. ᐃᓕᓐᓂᐊᑏᑦ ᐃᓕᓐᓂᐊᑐᑦ ᓇᐅᓕᒫᓄᑦ ᐃᓕᓐᓂᐊᕕᒋᔭᐅᖕᖏᑐᓂ ᐃᓕᓐᓂᐊᕕᓐᓂ ᑖᒃᑯᓄᖓ ᐃᓚᐅᒍᓐᓇᑎᑕᐅᖕᖏᑐᑦ.
ᖃᓄᖅ ᐊᑐᕐᑕᐅᓲᖑᕙ?
ᑕᒡᒐᓂ ᐃᓕᓐᓂᐊᓇᐅᑉ ᐊᕐᕌᒍᖓᓂ ᐊᑐᕐᑐᒥ ᐃᓕᓐᓂᐊᓂᕐᒧᑦ ᐊᑭᓖᒍᑎᕕᓃᑦ ᑕᐅᕐᑎᖏᓐᓂᒃ ᐊᑭᓕᕐᑕᐅᒐᔭᕐᑐᑎᑦ.
ᐊᒡᓚᒋᐊᖃᕐᑐᑎᑦ ᑕᑕᕐᓴᒌᑦᓯᐊᓗᒍ ᐊᑭᓖᒍᑎᕕᓃᑦ ᑕᐅᕐᑎᖏᓐᓄᑦ ᑕᑕᕐᓴᒐᖅ ⭳ ᑐᓂᓗᒍᓗ ᖃᕆᑕᐅᔭᒃᑯᑦ ᐊᒡᓚᑖᕐᑎᓯᒍᑎᒃᑯᑦ, ᐃᓚᖃᕐᑎᓗᒍ ᐊᑭᓕᕋᑦᓴᑖᕕᓂᕐᐱᑦ ᐊᑦᔨᖏᓐᓂᒃ ᐃᑲᔪᕐᓯᒪᒍᓐᓇᑐᓂᓪᓗ ᐊᒡᓚᓯᒪᔪᓂᒃ ᐊᑐᕆᐊᖃᑐᐊᕐᐸᑕ.
ᐊᒡᓚᑖᕐᑎᓯᒍᑎᒃᑯᑦ: school.operations@kativik.qc.ca
ᑐᓂᔨᒌᕐᑐᕕᓂᐅᓕᕈᕕᑦ ᐊᑭᓖᒍᑎᕕᓂᑎᓐᓂᒃ ᐊᒻᒪᓗ ᕿᑐᕐᖓᐱᑦ ᓇᐅᓕᒫᑦ ᐃᓕᓐᓂᐊᕕᖓᓂ ᐃᓕᓐᓂᐊᑎᐅᓂᖓᑕ ᓱᓪᓕᑕᐅᒍᑎᖓᓂᒃ ᓄᐃᑦᓯᒍᑎᒥᒃ, ᐃᓘᓐᓇᖏᑦᑕ ᑕᐅᕐᑎᖏᓐᓂᒃ ᐊᑭᓕᕐᑕᐅᓂᐊᕐᑐᑎᑦ ᐅᑯᓄᖓ:
- ᐃᓕᓐᓂᐊᕕᒻᒥ ᐊᑐᕐᑕᐅᒋᐊᓖᑦ ᐊᓐᓄᕌᖏᑦ (ᐃᓕᓐᓂᐊᕕᖓᑕ ᐊᓐᓄᕌᕆᔭᐅᖁᔭᖏᑦᑕ ᐊᒡᓚᓯᒪᔪᖏᑦ ᐱᑕᖃᕆᐊᓖᑦ);
- ᓇᐅᓕᒫᑦ ᐃᓕᓐᓂᐊᕕᖏᓐᓂ ᐊᑭᓕᕆᐊᓖᑦ ᐃᓚᐅᑎᓪᓗᒋᑦ ᐃᓕᓐᓂᐊᒐᕐᓂ ᐃᓕᓐᓂᐊᕈᒪᔭᕐᓱᒍᓐᓇᑕᖏᓐᓂ ᐃᓕᓐᓂᐊᕈᑎᑦᓭᑦ ᐆᒃᑐᕋᐅᑎᒋᓗᒋᑦ ᓴᓇᖕᖑᐊᓃᑦ, ᐊᑦᔨᓕᐅᕆᓂᖅ, ᐊᓯᖏᓪᓗ. (ᐃᓘᓐᓇᖓᓄᐊᖓᔪᓄᑦ ᐊᑭᓕᕆᐊᓖᑦ ᐊᑭᓕᕐᑕᐅᖁᔭᐅᒍᓐᓇᑐᑦ ᐃᑲᔪᕐᓯᒪᒍᑎᖏᓐᓂᒃ ᐊᒡᓚᓯᒪᔪᖃᕐᑎᓗᒋᑦ ᑭᓯᐊᓂ);
- ᐃᓕᓐᓂᐊᑎᓂᒃ ᐁᑦᓯᕋᐅᑎᓂᒃ ᓇᐅᓕᒫᑦ ᐁᑦᓯᕋᐅᑎᖏᓐᓂᓗ ᐃᓂᕐᕋᐅᑎᖃᕐᓂᒧᑦ ᑮᓇᐅᔭᕐᑐᕈᑏᑦ;
- ᐅᐱᕐᖔᑯᑦ ᐃᓕᓐᓂᐊᒐᕐᓄᑦ ᐊᑭᓕᕆᐊᓖᑦ.
ᓇᐅᓕᒫᑦ ᐃᓕᓐᓂᐊᕕᖏᓐᓂ ᐊᑐᕆᐊᓕᓐᓂᒃ ᓱᓇᑐᐃᓐᓇᓂᒃ ᐊᑭᓖᒍᑎᕕᓃᑦ ᑕᐅᕐᑎᖏᑦᑕ ᐊᑭᓕᕐᑕᐅᓂᖏᑦ ᐅᓄᕐᓂᐹᕆᓂᐊᕐᑕᖓ ᐋᕐᕿᑕᐅᓯᒪᓲᖅ (ᐊᒡᓚᐅᑏᑦ, ᑲᒃᑭᒍᑎᑦᓭᑦ, ᓇᖕᒪᒑᑦ, ᖃᕆᑕᐅᔭᒧᑦ ᑲᐅᑎᑎᒉᑦ, ᐅᓪᓗᒍᒥᑕᖃᐅᑏᑦ, ᕿᓪᓚᕿᐊᑦ ᐴᑦᓴᔦᑦ, ᐊᓯᖏᓪᓗ.):
- $225 ᐃᓕᓐᓂᐊᕆᐊᖕᖓᑐᓂ ᐊᒻᒪᓗ ᐳᒃᑭᓂᕐᓴᒥ ᐃᓕᓐᓂᐊᕕᓐᓂ
- $300 ᐳᕐᑐᓂᕐᓴᓂ ᐃᓕᓐᓂᐊᕕᓐᓂ
ᐊᑭᓖᓲᖑᖕᖏᑐᒍᑦ ᐊᑭᓖᒍᑎᕕᓂᕐᓂᒃ ᐃᒣᑦᑐᓂᒃ:
- ᐃᑯᒪᐅᑎᒨᕐᑐᐃᑦ ᐆᒃᑐᕋᐅᑎᒋᓗᒋᑦ ᖃᕆᑕᐅᔦᑦ ᐊᒻᒪᓗ ᖃᕆᑕᐅᔭᒃᑯᑦ ᐱᓇᓱᒍᑏᑦ;
- ᐊᑭᓕᕆᐊᓖᑦ ᐃᓕᖓᔪᑦ ᐊᓯᐊᓅᕐᑎᑕᐅᑦᓱᑎᒃ ᓱᓇᓱᐊᕐᑎᓯᓂᕐᓄᑦ, ᑐᓂᔭᐅᒋᐊᓕᓐᓄᑦ ᐊᑭᓕᕆᐊᓖᑦ (ᐊᑭᓕᕆᐊᖃᕐᑎᑕᐅᒐᓗᐊᕐᐸᑕ ᐊᑭᓕᕆᐊᖃᖕᖏᒃᑲᓗᐊᕐᐸᑕᓘᓐᓃᑦ) ᐊᒻᒪᓗ ᓴᓇᖕᖑᐊᓂᕐᒧᑦ ᐅᕝᕙᓘᓐᓃᑦ ᐃᙯᓕᓴᕐᓂᒥ-ᐃᓕᓐᓂᐊᓂᕐᒧᑦ ᓱᖃᑦᓯᑎᑕᐅᒍᑏᑦ;
- ᐊᑭᓕᕆᐊᓖᑦ ᐊᒻᒪᓗ ᑮᓇᐅᔭᕐᑐᕈᑏᑦ ᓇᐅᓕᒫᓄᑦ ᐃᓕᓐᓂᐊᕕᒋᔭᐅᖕᖏᑐᒥ ᕿᑐᕐᙰᑦ ᐃᓕᓐᓂᐊᑎᐅᑐᐊᕐᐸᑦ;
- ᐃᓕᓐᓂᐊᕕᐅᑉ ᐯᕆᑦᓯᕕᖏᓐᓂ ᐱᑦᔪᔭᐅᒍᑏᑦ (ᐊᑭᓕᕆᐊᓖᑦ ᐃᓕᖓᔪᑦ ᐸᒡᒋᔨᔭᐅᓂᕐᒧᑦ ᐃᓕᓐᓂᐊᓇᓚᐅᕐᑎᓇᒍ, ᐃᓕᓐᓂᐊᓇᕇᕐᑎᓗᒍ ᐊᒻᒪᓗ ᐅᓪᓗᒍᒥᑕᕐᓇᐅᑎᓪᓗᒍ).
ᐊᐱᕐᓲᑎᖃᑐᐊᕈᑦᓯ ᖃᓄᑐᐃᓐᓇᖅ ᐅᖄᓚᕕᒋᓗᑎᒍᑦ ᐅᕙᓂ 819-964-1136 ᐅᕝᕙᓘᓐᓃᑦ 1-877-964-1136 ᖃᕆᑕᐅᔭᒃᑯᓘᓐᓃᑦ ᐊᒡᓚᕕᒋᓗᑎᒍᑦ.