ᐃᓱᒪᓕᕆᓂᕐᒧᑦ ᐃᑲᔪᕐᓯᕕᒃ ᐃᓚᖃᕐᒥᔪᖅ ᐃᑲᔪᕈᓐᓇᐅᑎᓂᒃ ᐃᓕᓐᓂᐊᓯᓄᑦ ᐊᑦᑐᑕᐅᒪᑐᐃᓐᓇᕆᐊᓕᓐᓄᑦ ᐃᓅᖃᑎᒥᓂ ᐅᕝᕙᓘᓐᓃᑦ ᓄᓇᓕᐅᑉ ᐅᖁᒣᓐᓂᖓᓂᑦ, ᐊᕐᓱᕈᓐᓇᓂᖓᓂᒃ. ᑖᒃᑯᐊ ᐃᓕᓐᓂᐊᑏᑦ ᐃᑲᔪᕐᑕᐅᒍᓐᓇᑐᑦ ᐱᒍᓐᓇᐅᑎᓕᓐᓄᑦ ᐃᑲᔪᓲᓄᑦ.

ᓄᓇᓕᓐᓂ, ᐊᒥᓲᓂᕐᓭᑦ ᐃᓕᓐᓂᐊᕕᒻᒥ ᑲᑐᑦᔨᖃᑎᒌᑦ ᐃᓚᖃᕐᐳᑦ ᐅᑯᓂᖓ ᑎᒍᒥᐊᕐᑎᐅᔪᓂᒃ:

• ᐃᓕᓐᓂᐊᑏᑦ ᐃᑲᔪᕐᑎᒪᕆᖓ
• ᐃᓕᓐᓂᐊᑏᑦ ᐃᑲᔪᕐᑎᖓ
• ᐱᐅᓯᐊᔪᓂᑦ ᖃᐅᔨᓴᕐᑏᑦ

ᓄᓇᓕᓐᓂ, ᐃᓱᒪᒃᑯᑦ ᐃᓅᖃᑎᒌᓐᓂᑯᓪᓗ ᐃᑲᔪᕐᓯᒪᓂᕐᒧᑦ ᐱᓇᓱᐊᕐᑏᑦ ᐃᓚᖃᕐᐳᑦ ᐅᑯᓂᖓ ᑎᒍᒥᐊᕐᑎᐅᔪᓂᒃ:

• ᐃᓱᒪᓕᕆᓂᕐᒧᑦ ᐃᓕᓐᓂᐊᑎᑦᓯᔨ
• ᓄᓇᓕᓕᒫᓂ ᐃᓕᓐᓂᐊᑎᓄᑦ ᐃᑲᔪᕐᑏᑦ
• ᐋᓪᓂᐊᕕᒻᒥ ᐊᖓᔪᕐᖄᒃ—ᐃᓕᓐᓂᐊᑎᓄᑦ ᐃᑲᔪᕐᑎᓄᑦ ᐃᑲᔪᕐᑎᒪᕆᓐᓄᓗ
• ᐃᓱᒪᓕᕆᔨ—ᐱᐅᓯᓕᕆᔨ ᑕᑯᓐᓇᑕᖃᕐᓱᓂ ᐱᐅᓯᕐᓂᑦ ᐃᑉᐱᓂᐊᕐᓂᓂᓪᓗ
• ᐱᓗᑲᕐᓂᒥᒃ-ᐊᑭᓂᐊᕐᓂᒧᑦ ᐃᓕᓐᓂᐊᓂᓕᕆᓂᕐᒧᑦ ᐃᑲᔪᕐᑎ

ᐃᓕᓐᓂᐊᓂᒃᑯᑦ ᐃᑲᔪᕐᑕᐅᕆᐊᓕᓐᓄᑦ ᐃᑲᔪᕐᓯᒪᓂᕐᒥ ᑐᕌᒐᖃᕐᐳᑦ ᐃᓕᓐᓂᐊᑎᓐᓄᑦ ᐃᓕᓐᓂᐊᓂᒃᑯᑦ ᐊᕐᓱᕈᕐᑐᓂᒃ. ᑖᒃᑯᐊ ᐃᓐᓂᐊᑏᑦ ᐃᑲᔪᕐᑕᐅᒍᓐᓇᑐᑦ ᐃᑲᔪᕐᑕᐅᒋᐊᖃᕐᓂᖓ ᖃᓄᖅ ᑕᑯᔭᐅᓗᓂ ᐃᓕᓐᓂᐊᓯᐊᕐᓂᖏᓐᓄᑦ ᐃᑲᔪᕐᓯᒍᑎᑦᓴᓂᒃ.

ᓄᓇᓕᒻᒥ, ᐃᓕᓐᓂᐊᕕᒻᒥ ᐱᓇᓱᑦᑏᑦ ᐊᑐᐃᓐᓇᐅᑎᑦᓯᓲᑦ ᐅᑯᓂᖓ:

• ᐃᓕᓐᓂᐊᓂᓕᕆᓂᕐᒧᑦ ᐱᑦᔪᔨᒍᑎᓂᒃ ᐃᓕᓐᓂᐊᑎᑦᓯᓂᕐᒧᓗ ᑲᔪᓯᑎᑦᓯᒋᐊᕐᓂᒧᑦ ᐱᑦᔪᔨᒍᑎᓂᒃ (ᐅᖃᐅᓯᕐᓂᒃ ᐱᖓᓱᓂᒃ ᐊᑐᕐᓱᑎᒃ)
• ᐃᑲᔪᕐᓯᓂᕐᒥᒃ ᐱᓯᒪᔪᒥᒃ ᐃᓕᓐᓂᐊᓂᒃᑯᑦ ᐱᓀᓗᑕᓕᓐᓂ ᐃᓕᓐᓂᐊᓂᓕᕆᓂᕐᒧᑦ ᐱᓇᓱᐊᕐᑎ ᐱᓪᓗᑯᒋᐊᓕᓕᕆᔨᒥᒃ

ᓄᓇᓕᓕᒫᑎᒍᑦ,  ᐃᓚᒋᐊᕈᑎᓄᑦ ᐱᑦᔪᔨᒍᑏᑦ ᐱᓇᓱᐊᕐᑏᑦ ᐃᓚᖃᕐᐳᑦ ᐅᑯᓂᖓ ᐱᓇᓱᒐᓕᕆᔨᓂᒃ:

• ᐃᓕᓐᓂᐊᓂᓕᕆᓂᕐᒧᑦ ᐃᑲᔪᕐᑏᑦ—ᑐᕃᓐᓇᑐᒥᒃ ᐃᑲᔪᒍᓐᓇᑐᑦ ᐃᓕᓐᓂᐊᑎᑦᓯᔨᓂᒃ ᐱᓀᓗᑕᓕᓐᓂᓗ ᐃᑲᔪᕐᑎᐅᔪᓄᑦ (ᐅᖃᐅᓯᕐᓂᒃ ᐱᖓᓱᓂᒃ ᐊᑐᕐᓱᑎᒃ)
• ᐅᖄᕈᓐᓇᓯᐊᖕᖏᑐᓄᑦ ᐃᑲᔪᕐᑏᑦ
• ᐃᓱᒪᓕᕆᔩᑦ—ᖃᐅᔨᓴᕐᓂᒧᑦ ᐃᓕᑦᓯᕙᓪᓕᐊᓂᕐᒧᑦ

ᐃᓕᓐᓂᐊᑎᑦᓯᔨ (ᐱᓇᓱᖃᑎᒥᓄᑦ ᐃᑲᔪᕐᑕᐅᓗᓂ, ᐃᑲᔪᕐᑕᐅᒋᐊᖃᑐᐊᕈᓂ) ᑕᑯᓐᓇᑕᐅᒐᔭᕐᑐᖅ ᐃᓕᓐᓂᐊᑎ ᐱᔭᕐᓃᓕᐅᓐᓂᖓ ᖃᐅᔨᔭᕕᓕᐅᕈᓂ, ᖃᐅᔨᔭᐅᒍᓂ ᓱᓇᒥᒃ ᐊᕐᓱᕈᒍᑎᖃᕐᒪᖔᑦ ᐊᑐᐃᓐᓇᕈᕐᑕᐅᓯᒐᔭᕐᑐᐃᑦ ᐃᑲᔪᕐᑕᐅᒍᑎᑦᒪᖏᑦ.

ᐊᕐᓱᕈᕐᓂᖓ ᐱᓕᐅᒥᑐᐃᓐᓇᑐᐊᕐᐸᑦ, ᐃᓕᓐᓂᐊᑎᑦᓯᔨ ᐃᓕᓐᓄᑦ ᐅᖃᓯᒐᔭᕐᑐᖅ ᐋᕐᕿᓱᐃᓗᓂᓗ ᑐᑦᓯᕋᐅᑎᒥᒃ ᐃᑲᔪᕐᑕᐅᒍᑎᒃᓴᖓᓂᒃ ᑭᖕᖒᒪᒋᔭᖏᓐᓂᒃ ᓇᓗᓀᕐᓯᓗᓂ ᓄᓇᓕᒻᒥ ᐃᑲᔪᕐᓯᓲᓄᑦ ᐃᓕᓐᓂᐊᑎᑦᓯᔨᓄᑦ.

ᐱᔭᕆᐊᖃᕐᐸᑦ, ᐊᖏᕐᓯᒪᑐᐊᕈᕕᑦ, ᑖᒃᑯᐊ ᓇᓗᓀᕐᓯᒪᔪᒥᒃ ᐃᑲᔪᕐᑏᑦ ᐋᕐᕿᑕᐅᒐᔭᕐᑐᐃᑦ ᕿᑐᕐᖓᐱᑦ ᐃᓕᓐᓂᐊᓂᖓ ᐱᐅᓯᒋᐊᖁᓗᒍ. ᑕᑯᓐᓇᓗᒋᑦ ᒪᓕᒋᐊᓖᑦ ᐱᔭᐅᔭᒋᐊᓖᑦ, ᖃᐅᔨᓴᕐᑕᐅᒋᐊᑦᓯᐊᑐᐃᓐᓇᕆᐊᓕᒃ ᓄᓇᓕᐅᑉ ᐃᑲᔪᕐᑎᖏᓐᓄᑦ ᐃᓕᓐᓂᐊᑎᑦᓯᒋᐊᓪᓚᒍᑎᓄᑦ.

ᐃᓄᒻᒨᓕᖓᔪᓂᒃ ᐃᓕᓐᓂᐊᓂᕐᒧᑦ ᐸᕐᓇᓯᒪᐅᑎᒥᒃ ᐋᕐᕿᓱᐃᒍᓐᓇᑐᑦ ᐊᑑᑎᔭᐅᖁᓪᓗᒍ ᑲᒪᒋᔭᐅᑦᓯᐊᓗᓂᓗ        ᐱᓇᓱᐊᕈᑎᑦᓭᑦ ᐱᕙᓪᓕᐊᑎᑦᓯᒋᐊᕈᑎᐅᓂᐊᕐᑐᑦ ᐃᓕᓐᓂᐊᑎᐅᑉ ᐱᒍᓐᓇᓂᓕᒫᖓᓂᒃ.

ᐃᓕᓐᓂᐊᑎᐅᑉ ᐃᓕᑦᓯᕙᓪᓕᐊᓂᖓ ᐱᒻᒪᕆᐅᕗᖅ ᓯᕗᓂᑦᓴᖓᓄᑦ, ᑕᒪᒋᓪᓗ ᐃᓕᓐᓂᐊᕕᒻᒥ ᐱᓇᓱᐊᑦᑏᑦ ᐃᓚᒌᓪᓗ ᐱᓇᓱᐊᕐᓂᒥᒃ ᐱᒻᒪᕆᐅᔪᒥᒃ ᑎᒍᒥᐊᕐᐳᑦ. ᐃᓄᒻᒨᓕᖓᔪᓂᒃ ᐃᓕᓐᓂᐊᓂᕐᒧᑦ ᐸᕐᓇᓯᒪᐅᑎ ᐋᕐᕿᓱᕐᑕᐅᓲᖑᕗᖅ   ᐱᓇᓱᐊᖃᑎᒌᑦᓱᑎᒃ ᐃᓄᓕᒫᑦ ᑎᒍᒥᐊᕐᑐᑦ ᐃᓕᓐᓂᐊᑎᒥᒃ. ᐊᖓᔪᕐᖄᕆᔭᐅᔪᑦ ᐃᓚᐅᓂᖓ ᐱᒻᒪᕆᐊᓘᒻᒥᔪᖅ     ᑕᒪᑐᒧᖓ; ᐊᖓᔪᕐᖄᕆᔭᐅᔪᑦ ᑐᖕᖓᓱᑦᓯᐊᓲᖑᕗᑦ ᑲᑎᒪᓂᕐᓄᑦ ᐁᓯᒪᖁᔭᐅᑦᓱᑎᒃ

ᒪᓕᓪᓗᒋᑦ ᐱᔪᓐᓇᓂᖏᑦ ᐊᕐᓱᒍᓐᓂᖏᓪᓗ ᐃᓕᓐᓂᐊᕕᒻᒥ, ᓇᓗᓇᐃᕐᑕᐅᓯᒪᔪᑦ ᑐᕌᒐᑦᓴᖏᑦ ᐃᓄᓐᓄᑦ ᐃᓕᓐᓂᐊᕈᑎᒃᓴᓄᑦ ᐊᒻᒪᓗ ᖃᓄᕐᑑᕈᑎᑦᓭᑦ ᓇᓗᓇᐃᕐᑕᐅᓂᐊᕐᑐᑦ ᐸᕐᓇᓯᒪᐅᑏᑦ ᐃᑲᔪᕐᑕᐅᓗᓯ ᑲᑎᒪᓗᓯ.

ᐃᓱᒪᒍᕕᑦ ᕿᑐᕐᙰᑦ ᐃᑲᔪᕐᓯᔭᐅᒍᓐᓇᓂᖓᓂᒃ ᐃᓄᓐᓂᒃ ᐱᒍᑦᔨᓂᕐᒧᑦ ᐃᓕᓐᓂᐊᓂᕐᒧᓗ ᐱᑦᔪᔨᒍᑎᓄᑦ, ᑐᑭᓯᒋᐊᕐᕕᒋᑦᑌᓕᒪᒍᓐᓀᓗᒋᑦ ᖃᐅᔨᒋᐊᕆᑦ ᐃᓕᓐᓂᖓᑎᑦᓯᔨᖓᓄᑦ ᐅᕝᕙᓘᓐᓃᑦ ᐃᓕᓴᕐᕕᐅᑉ ᑲᒪᔨᖏᓐᓄᑦ

ᓱᓕᒋᐊᓪᓚᖅ, ᑭᓇᑐᐃᓐᓇᖅ ᐃᓕᓐᓄᑦ ᖃᐅᔨᒋᐊᕐᕕᖃᕐᐸᑦ ᐅᖃᖃᑎᖃᕈᒪᓗᓂ ᐋᕐᕐᑭᓱᐃᓂᕐᒥᒃ ᐃᓛᒃᑯᑦ ᑲᑎᓯᖃᑦᑕᓗᓂ ᐃᓕᓐᓂᐊᕐᓂᕐᒧᑦ ᐸᕐᓇᓯᒪᐅᑎᒥᒃ (IEP) ᕿᑐᕐᖓᓄᑦ, ᐃᓚᐅᖃᑕᐅᑦᑌᓕᖃᑦᑕᕈᓐᓀᓗᑎᑦ ᐱᓇᓱᐊᕐᑕᐅᔪᒧᑦ. ᖃᐅᔨᒪᒋᑦ ᐱᐅᓂᕐᐸᐅᒐᕕᑦ ᖃᐅᔨᒪᑎᑕᐅᓗᑎᑦ ᕿᑐᕐᖓᐱᑦ ᖃᓄᐃᓕᖓᓂᖓᓂᒃ;

ᐃᓕᑕᕐᓯᒋᑦ ᖃᐅᔨᒪᓗᑎᑦ ᐱᔪᓐᓇᓂᕆᔭᖏᓐᓂᒃ; ᐃᑲᔪᕐᑐᐃᓗᑎᑦ ᕿᑐᕐᖓᓂᐅᕕᑦ ᐃᓕᓐᓂᐊᕕᒻᒥ ᐊᕐᕐᑯᑎᒋᓂᐊᕐᑕᖓᓂ. ᖃᐅᔨᒪᓂᕐᐸᐅᒐᕕᕐ ᕿᑐᕐᖓᓂᐅᕕᑦ.

ᐊᑐᓕᕐᑎᓯᑎᑦᓯᓂᖅ ᓇᓗᓇᐃᕐᑕᐅᓯᒪᔪᓂᒃ ᐃᑲᔪᕐᑐᐃᓂᕐᒧᑦ ᐱᔨᑦᓯᕋᐅᑎᓂᒃ ᐃᒣᑑᒍᓐᓇᑐᑦ:

• ᕿᑐᕐᙰᑦ ᐃᑲᔪᕐᓗᒍ ᐱᔪᓐᓇᕐᓂᓕᒫᖓᓄᑦ ᑎᑭᐅᑎᔪᓐᓇᖁᓪᓗᒍ ᐊᒻᒪᓗ ᐃᓕᓐᓂᐊᕐᓂᕆᔪᒪᔭᖓᓄᑦ ᑎᑭᐅᑎᔪᓐᓇᖁᓪᓗᒍ .
• ᐊᖏᓕᒋᐊᕐᓗᒍ ᕿᑐᕐᖓᐱᑦ ᐱᔪᒪᔭᖏᑦ ᐊᒻᒪᓗ ᐸᕐᓇᓯᒪᓗᒍ ᐃᑲᔪᕈᓐᓇᖁᓪᓗᒍ ᓄᓇᓕᖕᓂ ᐱᕙᓪᓕᐊᑎᑕᐅᓂᖓᓄᑦ .
• ᓴᕐᕐᑭᔮᕐᑎᓯᓗᑎᑦ ᓴᐱᓕᕐᑌᓕᒪᓂᕐᒥᒃ ᕿᑐᕐᖓᓄᑦ ᐊᒻᒪᓗ ᑫᓪᓗᐊᓗᑎᑦ ᐃᓕᓐᓂᐊᕆᐊᓪᓚᖁᓪᓗᒍ ᐳᕐᑐᓂᕐᓴᕆᐊᓪᓚᒧᑦ