ᒪᓐᑐᔨᐊᓪᒥᑦ, ᑯᐯᒃᒥ (ᓇᓯᐊᓕᐅᑦ 10 , 2021) – ᕿᑦᑌᖓᕈᑎᒋᓪᓚᕆᑦᓱᒍ ᑲᑎᕕᒃ ᐃᓕᓴᕐᓂᓕᕆᓂᖅ ᐱᒋᐊᕐᑎᓯᕗᖅ “ᐊᑕᐅᑦᓯᑯᑦ, ᓄᕐᖃᑎᓚᐅᕐᓚᕗᑦ ᐃᓚᒪᑦᓱᓂ ᐊᖁᑲᑦᑕᓂᖅ” ᓄᓇᕕᒻᒥ. ᐃᓄᒻᒪᕇᑦ ᐃᓕᓴᕐᓂᖓᑎᒍᑦ ᐱᓇᓱᒐᕆᓕᕋᔭᕐᓱᒍᓗ ᐱᔭᕆᐅᕐᓴᑕᐅᓂᒃᑰᑐᒥᒃ, ᑖᓐᓇ ᐱᓇᓱᐊᕐᑕᐅᔪᖅ ᓴᐳᑦᔨᓯᒪᒍᑕᐅᓚᖓᔪᖅ ᓄᓇᕕᒻᒥᐅᓂᒃ ᐊᖁᕈᓐᓇᐅᑎᒥᒃ ᐱᒃᑲᓂᕈᒪᔪᓂᒃ ᐊᑐᕐᖃᔦᕐᑎᑕᕕᓂᕐᒥᒃ ᐅᑉᕙᓘᓐᓃᑦ ᓄᖑᑎᕐᑕᐅᓱᓂ ᐊᖁᑦᑐᕕᓂᐅᓂᑯᒧᑦ ᐃᓚᒪᑦᓱᓂ ᐊᖓᔮᓐᓇᑐᓂᒃ ᐃᒥᐊᓗᒻᒥᓘᓐᓃᑦ.

ᐅᓇ ᐱᓇᓱᐊᕐᑕᐅᓯᔪᖅ ᖃᓄᐃᓗᖃᑎᖃᕐᓂᑯᑦ ᐱᕙᓪᓕᐊᓯᓚᐅᔪᔪᖅ ᓄᓇᕕᒻᒥ ᓄᓇᖃᕐᑐᓂᒃ ᐱᓇᓱᑉᕕᓂᓪᓗ. ‘ᖃᐅᔨᓯᒪᔪᒍᑦ ᑖᒃᑯᐊ ᐃᓄᐃᑦ ᓴᐳᑦᔨᒍᑎᑦᓭᓕᐅᒋᐊᖏᑕ ᖃᐅᔨᑦᔫᒥᒍᑎᑦᓴᓂᓪᓗ. ᓄᓇᕕᒻᒥ ᓄᓇᖃᕐᑐᖅ ᐊᒥᓱᑦ ᖃᐅᔨᒪᖕᖏᒪᑕ ᖃᓄᖅ ᐊᖁᕈᓐᓇᐅᑎᒥᒃ ᐱᒃᑲᓂᕋᓱᒋᐊᒥᒃ, ᑌᒣᓐᓂᑯᒧᑦ ᐊᕗᖓᐅᓕᔪᒥᒃ ᓱᕐᙯᒍᑕᐅᓯᒪᑦᓱᑎᒃ ᐱᓇᓱᑦᑎᒋᔭᐅᔪᓐᓇᓂᕐᒥᒃ. ᑕᒐᓗ ᐃᓚᐅᕐᖃᔭᖕᖏᐅᑎᒋᕙᒻᒥᓱᒍ ᐃᓚᖏᓐᓄᑦ ᐱᓇᓱᐊᕐᐸᒥᔭᑦᑎᓄᑦ, ᐆᑦᑐᕋᐅᑎᒋᓗᒍ ᓄᓇᒃᑰᔪᕐᓚᓂᒃ ᐊᖁᕆᐅᕐᓴᓂᕐᒧᑦ’ ᑕᒪᑐᒥᖓ ᐅᖃᐅᓯᖃᓚᐅᕐᑐᖅ ᒪᒪᑑ ᑏᐊᑉ, ᒫᓐᓇᓯᐅᑎᒥᒃ ᐊᐅᓚᑦᓯᔪᖅ ᐃᓄᒻᒪᕇᑦ ᐃᓕᓴᕐᓂᖓᓂᒃ ᐱᓇᓱᒐᕆᓕᕋᔭᕐᓱᒍᓗ ᐱᔭᕆᐅᕐᓭᓂᕐᒥᒃ ᑲᑎᕕᒃ ᐃᓕᓴᕐᓂᓕᕆᓂᕐᒥᒃ.

ᑖᓐᓇ ᐱᓇᓱᐊᕐᑕᐅᔪᖅ ᐃᓚᓕᒃ ᐃᒻᒥᑰᓈᕐᑎᓱᒋᑦ ᓄᓇᕕᒻᒥᐅᓂᒃ ᐊᖑᒻᒪᑎᑎᑦᓯᒋᐊᕈᑕᐅᔪᓂᒃ ᐊᓪᓗᕆᐊᑲᑦᑕᐅᑎᖃᕈᒪᑉᐸᑕ ᐱᒃᑲᓂᕋᓱᓐᓂᒧᑦ ᐊᖁᕈᓐᓇᐅᑎᒥᓂᒃ. ᐃᓗᓕᕐᓗᑐᖃᕐᓱᓂ ᐊᕐᖁᑎᒥ ᐋᑦᑕᓈᕿᑦᑌᓕᕐᓂᒧᑦ ᐃᓕᓴᕈᑎᑦᓴᒥᒃ, ᓄᓇᕕᒻᒥᓗ ᒪᓂᔭᐅᒪᑦᓯᐊᓚᖓᑦᓱᓃᕐᑐᖅ ‘ᑖᓐᓇ ᐱᓇᓱᐊᕐᑕᐅᓯᔪᖅ ᐱᕙᓪᓕᐊᕌᐱᓕᑌᓐᓇᑐᖅ’ ᑏᐊᑉ ᐅᖃᕐᑐᖅ. ‘ᐆᒥᖓᓕ ᐊᑯᓂᕆᓚᖓᔪᒥᒃ ᓄᐃᑦᓯᒐᓱᒃᑯᒍᑦ ᐃᓕᓴᕈᑕᐅᓚᖓᑦᓱᓂ, ᑕᒪᑐᒧᖓᓗ ᐊᑐᕐᓂᐊᑐᓂᒃ ᑮᓇᐅᔭᖃᕐᑎᑕᐅᒍᑎᓂᒃ ᐊᑕᐅᒐᕐᑐᒥᒃ ᐱᒐᓲᑎᒋᓚᖓᑦᓱᒍ. ᓄᓇᕕᒻᒥ ᑎᒥᐅᔪᓂᒃ ᐱᓇᓱᖃᑎᖃᓪᓚᕆᒋᐊᖃᕐᑐᒍᑦ ᐱᕙᓪᓕᐊᓕᑌᓐᓇᑎᓪᓗᒍ, ᐱᓇᓱᑉᕕᐅᔪᐃᓐᓇᐅᕋᑦᑕ, ᐱᕙᓪᓕᕋᔭᕐᑐᐃᓐᓇᐅᕗᒍᑦ ᑕᒃᒐᖓᑦ ᐱᓇᓱᐊᕐᑕᐅᔪᒥ,’ ᐅᖃᓚᐅᕆᕗᖅ.
ᑕᕐᕿᓂ ᙯᔪᓂ, ᐃᓈᑦ ᒪᔅᖑᔪᒪ, ᐱᕙᓪᓕᐊᑎᑦᓯᔪᖅ ᐱᓇᓱᐊᕐᑕᒥᒃ, ᓄᓇᕕᒻᒥ ᓄᓇᓕᓕᒫᓄᑦ ᐊᕐᕕᑕᓛᕐᓂᐊᑐᖅ ᖃᐅᔨᑎᒋᐊᕐᑐᓗᒋᑦ ᐃᓚᐅᕈᒪᒐᔭᕐᓂᐊᖒᕐᑐᑦ ᑎᒥᐅᔪᓪᓗ ᐱᓇᓱᐊᕐᑕᐅᔪᖅ ᐱᓪᓗᒍ ᐊᒻᒪ ᖃᓄᖅ ᐊᓪᓗᕆᐊᑲᑦᑕᕈᓐᓇᒪᖔᑕ ᐃᒻᒥᑯᐊᕐᑎᑐᑦ ᐱᒃᑲᓂᕈᒪᕋᔭᕐᑐᑦ ᐊᖁᕈᓐᓇᐅᑎᒥᓂᒃ.

ᖃᐅᔨᒋᐊᒃᑲᓂᕈᓐᓇᐳᑎᑦ ᓄᓇᓕᑦᓯᓂ ᐃᓕᓴᕐᓂᐅᓛᕐᑐᓂᒃ, ᐅᖃᓕᒪᕕᒋᓗᑎᒍᑦ ᐅᕙᓂ 1 800 361-2244 ext.: 515. ᒪᑯᓇᓂ ᖃᓄᐃᓘᖃᑎᒌᕈᑕᐅᔪᓕᒫᓂ ᐃᓚᐅᓚᖓᔪᓄᑦ ᓯᓚᑐᒐᓱᓐᓂᖅ ᐊᑐᕐᑕᐅᓚᖓᔪᖅ ᐊᓪᓚᖁᑎᖏᑕᓗ ᐊᐅᓚᑕᐅᓂᖓᓄᑦ.

ᑖᓐᓇ ᐱᓇᓱᐊᕐᑕᐅᔪᖅ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᖏᓐᓂᒃ ᑮᓇᐅᔭᖃᕐᑎᑕᐅᔪᑦᓯᐊᖅ.

ᐅᕙᑦᒍᑦ ᓱᓇᓱᐊᕐᓂᑎᓐᓄᑦ:
ᑲᑎᕕᒃ ᐃᓕᓴᕐᓂᓕᕆᓂᖅ, ᐃᓕᓴᕐᓂᓕᕆᔪᖅ ᓄᓇᕕᒻᒥ, ᓄᐃᓚᐅᕐᓯᒪᔪᖅ 1975-ᒥ, ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒋᓐᓂᖓᒎᕐᑐᒥᒃ (JBNQA). 1978-ᒥᓂᑦ, ᑖᓐᓇᑑᑦᔨᓱᓂ ᐃᓕᓴᕐᓂᓕᕆᐅᑎᓂᒃ ᐱᒍᑦᔨᒍᑎᓕᒃ ᓄᓇᕕᒻᒥ ᓄᓇᖃᕐᑐᓕᒫᓄᑦ. ᐊᖏᖃᑎᒋᓐᓂᒥᒃ, ᐃᓕᓴᕐᓂᓕᕆᓂᖅ ᐱᓇᓱᐊᓲᖑᒻᒥᔪᖅ ᑎᒥᐅᔪᑐᑦ ᐊᑐᓕᑭᑕᕐᑕᐅᖏᑦᑐᓂᒃ ᐱᔪᓐᓇᓂᖃᕐᓱᓂ ᐊᐅᓚᑦᓯᕕᓂᒐᓴᒃ ᑐᕌᕐᑕᓕᓐᓂᒃ ᓴᐳᒻᒥᓂᕐᒧᑦ ᐱᕙᓪᓕᐊᑎᑦᓯᓂᕐᒧᓗ ᐃᓄᐃᑦ ᐅᖃᐅᓯᖓᓐᓂᒃ, ᐃᓕᕐᕈᓯᖓᓂᒃ, ᐃᓅᓯᑦᓴᔭᖓᓂᓪᓗ, ᐱᑕᖃᕐᑎᓯᓂᕐᒥᒍᑦ ᑖᒃᑯᓄᖔᓕᖓᓪᓗᑐᕐᑐᒥᒃ ᐃᓕᓴᕐᓂᓕᕆᐅᑎᑎᒍᑦ ᐱᒍᑦᔨᒍᑎᓂᒃ ᐱᓇᓱᐊᕐᑕᓂᓪᓗ. ᒪᑯᐊ ᐃᓕᓴᕐᓂᒧᑦ ᐱᓇᓱᐊᕐᑕᐅᑎᑕᖏᑦ ᐋᕐᕿᓱᕐᓯᒪᑦᓱᓂᒋᑦ ᐃᓕᓴᕐᓂᓕᕆᓂᐅᑉ ᐊᑐᕐᑕᐅᑎᑕᐅᕙᑦᑐᑦ ᐃᓕᓴᕐᕕᓕᒫᓄᑦ 14-ᓂ ᓄᓇᕕᒻᒥ ᓄᓇᓕᓐᓂ, ᐃᓄᑦᑎᑑᕐᓂᖅ ᐅᖃᐅᓯᕐᖄᕆᑦᓱᒍ ᑌᒪᓗ ᐅᐃᒍᐃᑎᑐᑦ ᖃᓪᓗᓈᑎᑐᓪᓗ ᐁᑉᐱᐅᑎᒋᔭᖓᓂ ᐅᖃᐅᓯᕐᒥᓄᑦ. ᐃᓕᓴᕐᓂᓕᕆᓂᖅ ᐃᖏᕐᕋᑎᑦᓯᕙᑦᑐᖅ 17-ᓂᒃ ᐃᓕᓴᓕᕋᑖᓂᑦ ᐳᕐᑐᓂᕐᓴᓄᑦ ᐃᓕᓴᕐᕕᓂᒃ ᐃᓚᖃᕐᑎᓗᒋᒐᓴᒃ 6-ᓂᒃ ᐃᓄᒻᒪᕇᑦ ᐃᓕᓴᕐᕕᖏᓐᓂᒃ. ᖃᐅᔨᒋᐊᒃᑲᓂᕈᒪᒍᕕᑦ, ᐅᐸᒍᒃ www.kativik.qc.ca.

— 30 —

ᑐᑭᓯᓴᕈᒪᒍᕕᑦ, ᖃᓄᐃᓕᒍᒃ:
Jade Duchesneau-Bernier – ᔩᑦ ᑐᓯᓅ-ᐱᐊᕐᓃ
Communications Coordinator – ᑐᓴᐅᒪᕈᑎᓕᕆᓂᕐᒥᒃ ᐊᖓᔪᕐᖄᖅ
514-797-8220 ext. 309
publicrelations@kativik.qc.ca