ᓴᐳᒻᒥᓂᖅ ᕿᑐᕐᖓᑎᓐᓂᒃ ᐃᓄᒃᑎᑑᕈᓐᓇᓯᐊᖁᓪᓗᒋᑦ
ᑰᑦᔪᐊᕌᐱᒃ, ᑯᐯᒃ (ᐆᒃᑑᐱᕆ 21, 2015) – ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐃᓕᓐᓂᐊᕕᖏᑦᑕ ᑭᒡᒐᑐᕐᑎᖏᑦ ᑲᑎᒪᒻᒪᑕ ᑕᒡᒐᓂ ᐱᓇᓱᐊᕈᓯᕐᒥ ᑰᑦᔪᐊᕌᐱᒻᒥ, ᑖᒫᓃᓐᓂᒥᓂ ᓄᓇᓕᒻᒥᐅᓄᑦ ᐅᖄᕕᖃᕐᓂᐊᑐᑦ ᐃᓄᒃᑎᑐᑦ ᐅᖃᐅᓯᐅᑉ ᐱᒻᒪᕆᐅᓂᖓᓂᒃ ᑭᖑᕝᕕᑐᐃᒍᑎᐅᔪᑦᓴᐅᓂᖓᓂᓪᓗ ᑭᖑᕚᖑᓛᕐᑐᓄᑦ ᐃᓄᓐᓄᑦ.
ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐊᖓᔪᕐᖄᖓ, ᐋᓚᓯ ᓈᓚᑦᑑᔭᖅ, ᑰᑦᔪᐊᕌᐱᒻᒥᐅᓄᑦ ᐃᓄᓐᓄᑦ ᑐᓴᕐᑎᒃᑰᓂᐊᕐᑐᖅ ᐅᓪᓗᒥ ᕿᑎᕋᓕᕐᐸᑦ ᓯᑕᒪᖓᓐᓂᓗ ᐊᓪᓓᑦ ᑐᓴᐅᑎᖓᒎᓛᕐᓱᓂ (ᕿᑎᕋᓕᕇᒥ). ᐅᖄᒍᑎᖃᕐᓗᓂ ᐃᓕᓐᓂᐊᓂᓕᕆᓂᐅᑉ ᐃᓕᓐᓂᐊᑎᑦᓯᒍᑎᖏᑦᑕ ᐅᖃᐅᓯᕐᑕᖏᓐᓄᑦ ᒪᓕᒐᕐᓂᒃ. ᑐᓴᕐᑕᐅᑎᑦᓯᓂᐊᕐᓱᓂᓗ ᐊᓪᓚᓂᐊᒐᐅᒍᓐᓇᑐᓂᒃ ᐊᑐᐃᓐᓇᑕᖃᕐᓂᖓᓂᑦ ᐊᖓᔪᕐᖄᖑᔪᓄᑦ ᐃᓕᓐᓂᐊᑎᑦᓯᕙᑦᑐᓄᓪᓗ ᖃᓄᖅ ᑲᒃᑲᓛᖅ ᐅᖃᐅᓯᕐᒥᒃ ᐃᓕᑦᓯᓲᖑᒻᒪᖔᑦ ᑐᑭᓯᑎᑦᓯᒍᑎᓂᒃ.
ᑖᒃᑯᐊ ᐊᑐᐊᒐᑦᓭᑦ ᓄᓇᓕᒻᒧᑦ ᐁᑦᑐᑑᑎᐅᓚᖓᔪᑦ ᑕᒡᒐᓂ ᐱᓇᓱᐊᕈᓯᕐᒥ ᐊᑐᐃᓐᓇᐅᓱᑎᓪᓗ ᑐᓴᐅᑎᒥ. ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᖃᕆᑕᐅᔭᒃᑯᑦ ᓴᕐᕿᔮᕐᑎᓯᕕᖓᓂ. ᑖᒃᑯᐊ ᐊᓪᓚᓂᐊᕋᑦᓴᖑᕐᑕᐅᓯᒪᔪᑦ ᐃᓕᓐᓂᐊᓂᓕᕆᓂᐅᑉ ᐱᒍᑦᔨᒋᐊᓪᓛᕕᖓᓄᑦ ᐱᓇᓱᐊᖃᑎᖃᕐᓱᑎᒃ ᓄᓇᕕᒻᒥ ᐃᓗᓯᓕᕆᔨᓂᒃ.
ᑖᓐᓇ ᐅᖃᐅᓯᓕᕆᓂᕐᒥᒃ ᐅᖄᒍᑎᖃᕐᓂᐅᔪᖅ ᐃᓚᐅᒋᔭᐅᒻᒥᔪᖅ ᐃᓅᖃᑎᒃᑳ ᐅᖃᐅᓰᕐᓯᑌᓕᑕ ᑲᔪᓯᑎᑕᐅᓂᖓᓄᑦ, ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐱᒋᐊᕐᑎᓚᐅᔭᖓᓄᑦ ᓯᑦᑎᒻᐱᕆ 15,
2015-ᖑᑎᓪᓗᒍ. ᑖᓐᓇ ᖃᐅᔨᓵᕆᓂᖅ ᐱᒋᐊᕐᓯᒪᔪᖅ 2014-ᒥ ᐸᕐᓇᓯᒪᐅᑎᒃ ᑐᓴᕐᑎᓯᒍᑎᐅᔪᔨᓂᐅᑎᓪᓗᒍ ᐊᒻᒪᓗ ᐃᓪᓕᕆᔭᕗᑦ (ᐊᕙᑕᖅ 2012) ᑖᒃᑯᐊ ᑕᒪᒋᒃ ᐅᐃᒪᓇᕐᑑᓂᕃᓯᒪᒻᒪᓂᒃ ᐅᖃᐅᓰᕐᓯᑌᓕᓂᖅ ᐱᓇᓱᐊᕐᑕᐅᓴᐅᑎᒋᖁᑦᓱᒍ ᐃᓄᒃᑎᑐᑦ ᐅᖃᐅᓯᖅ ᓴᐳᒻᒥᓗᒍ ᓱᕋᕐᑕᐅᕙᓪᓕᐊᑐᐃᓐᓇᑎᑦᑌᓕᓗᒍ.
ᐅᕙᑦᑎᓅᓕᖓᔪᑦ:
ᑲᑎᕕᒃ ᐃᓕᓐᓂᐊᓂᓕᕆᓂᖅ ᐱᖕᖑᑎᑕᐅᓯᒪᔪᖅ 1975-ᒥ, ᔦᒥᓯ ᐯᑉ ᑯᐯᓪᓗ ᑕᕐᕋᖓᑕ ᐊᖏᖃᑎᒌᒍᑎᖏᑦ ᒪᓕᑦᓱᒋᑦ. 1978-ᒥᓂᑦ, ᓄᓇᕕᒻᒥᐅᓄᑦ ᐃᓕᓐᓂᐊᓂᕐᒥᒃ ᐱᒍᑦᔨᔨᑐᐊᖑᓲᖑᓕᕐᑐᖅ. ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐃᓕᓐᓂᐊᕈᑎᓕᐊᕕᓂᖏᑦ ᐃᓕᓐᓂᐊᕕᓐᓂ ᐊᑐᕐᑕᐅᓲᑦ ᓄᓇᓕᓕᒫᓂ ᓄᓇᕕᒻᒥ, ᐃᓄᒃᑎᑐᑦ ᐅᖃᐅᓯᕐᖄᒥ ᐃᓕᓐᓂᐊᑎᑦᓯᒍᑎᐅᑎᓪᓗᒍ ᐊᒻᒪᓗ ᐅᐃᒍᐃᑎᑐᑦ ᖃᓪᓗᓈᑎᑐᓪᓗ ᐅᖃᐅᓯᐅᑉ ᐁᑉᐱᐅᑎᖏᓐᓂ. ᑐᑭᓯᒋᐊᕐᕕᐅᕈᓐᓇᑐᖅ: www.kativik.qc.ca
— 30 —
ᑐᑭᓯᒋᐊᕈᒪᕈᕕᑦ, ᐅᖄᓚᕕᒋᓗᒍ:
ᔮᑦ ᑐᔅᓅ ᐱᐊᕐᓃ
ᑭᓇᒃᑯᑐᐃᓐᓇᓄᑦ ᑐᓴᐅᒪᖃᑎᒌᒍᑎᓕᕆᔨ
ᐆᒃᑑᐱᕆ 19-ᒥᑦ 23-ᒧᑦ (819) 929-3331
ᐆᒃᑑᐱᕆ 26 ᑭᖑᓂᖓᒍᑦ (514) 482-8220