ᒪᓐᑐᔨᐊᓪ, ᑯᐯᒃ (ᐆᒃᑑᐱᕆ 21, 2021) – ᐆᒃᑑᐱᕆ 19, 2021-ᒥ, ᑲᑎᕕᒃ ᐃᓕᓴᕐᓂᓕᕆᓂᕐᒥ ᐃᓕᓐᓂᐊᓂᕐᒥᒃ ᓄᓇᓕᓐᓂ ᑭᒡᒐᑐᕐᑏᑦ ᐳᕐᑐᓂᕐᓴᓂ ᑲᑎᖕᖓᔨᒥᓂᒃ ᐊᓯᑦᔨᒋᐊᕆᔪᕕᓃᑦ. ᐄᕕ ᖃᓕᖑ, ᐃᕗᔨᕕᒻᒥ ᑭᒡᒐᑐᕐᑎ, ᐳᕐᑐᓂᕐᓴᓂ ᑲᑎᖕᖓᔨᕈᕐᓱᓂ ᓂᕈᐊᕐᑕᐅᓚᐅᕐᑐᖅ. ᐄᕕ ᐃᓇᖐᔪᖅ ᒫᕐᑎᓐ ᓯᑳᑦᒥᒃ ᑲᑎᖕᖓᔨᐅᖏᓐᓇᑐᒥᒃ ᐃᓕᓐᓂᐊᓂᕐᒥᒃ ᓄᓇᓕᓐᓂ ᑭᒡᒐᑐᕐᑎᓂ, ᐊᐅᐸᓗᒻᒥᒃ ᑭᒡᒐᑐᕐᑎᐅᓱᓂ.
ᐳᕐᑐᓂᕐᓴᓂ ᑲᑎᖕᖓᔨᓂ ᑲᑎᖕᖓᔩᑦ ᐅᑯᐊ:
⦁ ᑲᑎᕕᒃ ᐃᓕᓴᕐᓂᓕᕆᓂᕐᒥ ᐊᖓᔪᕐᖄᖅ ᐊᒻᒪᓗ ᐳᕐᑐᓂᕐᓴᓂ ᑲᑎᖕᖓᔨ: ᓯᐊᔭ ᐋᓗᐸ (ᖁᐊᕐᑕᖅ)
⦁ ᑲᑎᕕᒃ ᐃᓕᓴᕐᓂᓕᕆᓂᕐᒥ ᐊᖓᔪᕐᖄᑉ-ᑐᖓᓕᖓ ᐊᒻᒪᓗ ᐳᕐᑐᓂᕐᓴᓂ ᑲᑎᖕᖓᔨ: ᐋᑕᒥ ᐹᓪᓚᔮᑦ (ᐃᓄᒃᔪᐊᒃ)
⦁ ᐳᕐᑐᓂᕐᓴᓂ ᑲᑎᖕᖓᔨ: ᓯᐊᔭ ᐳᐆᓐ (ᐳᕕᕐᓂᑐᖅ)
⦁ ᐳᕐᑐᓂᕐᓴᓂ ᑲᑎᖕᖓᔨ: ᐄᕕ ᖃᓕᖑ (ᐃᕗᔨᕕᒃ)
⦁ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᒃ ᑭᒡᒐᑐᕐᑎ ᐊᒻᒪᓗ ᐳᕐᑐᓂᕐᓴᓂ ᑲᑎᖕᖓᔨ: ᔨᐊᓂᕗ ᖃᓐᑐ (ᑰᒃᔪᐊᕌᐱᒃ)

ᑭᓇᒃᑰᓂᕗᑦ:
ᑲᑎᕕᒃ ᐃᓕᓴᕐᓂᓕᕆᓂᖅ, ᐃᓕᓐᓂᐊᓂᓕᕆᔨᒃᑯᑦ ᓄᓇᕕᒻᒥ, ᓄᐃᑕᐅᔪᕕᓂᖅ 1975-ᖑᑎᓪᓗᒍ, ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᒍᑦ (ᐊᖏᖃᑎᒌᓐᓂᖅ). 1978-ᒥᓂᑦ ᑲᑎᕕᒃ ᐃᓕᓴᕐᓂᓕᕆᓂᖅ ᑖᓐᓇᑐᐊᖑᑦᓱᓂ ᐱᑕᖃᕐᑎᓯᔪᖅ ᐃᓕᓐᓂᐊᓂᕐᒨᓕᖓᔪᓂᒃ ᐱᒍᑦᔨᐅᑎᓂᒃ ᓄᓇᕕᒻᒥᐅᓄᑦ. ᐃᓕᓐᓂᐊᓂᕐᒨᓕᖓᔪᑦ ᐱᓇᓱᐊᕐᑕᐅᔪᑦ ᐱᕙᓪᓕᐊᑎᓯᒪᔭᖏᑦ ᐃᓕᓐᓂᐊᓂᓕᕆᓂᐅᑉ ᐊᑐᐃᓐᓇᐅᑎᑕᐅᕗᑦ ᐃᓘᓐᓇᖏᓐᓂᑦ ᐃᓕᓐᓂᐊᕕᖏᓐᓂᑦ 14-ᓂᑦ ᓄᓇᕕᒻᒥ ᓄᓇᓕᓐᓂ, ᐃᓄᒃᑎᑑᕐᖄᓱᑎᒃ ᐅᖃᐅᓯᕐᖄᒥᓂᒃ ᐊᒻᒪᓗ ᐅᐃᒍᐃᑎᑐᑦ ᖃᓪᓗᓈᑎᑐᓪᓗ ᐁᑉᐱᐅᑎᖃᕐᑎᓪᓗᒍ ᐅᖃᐅᓯᖓ. ᐃᓕᓐᓂᐊᓂᓕᕆᓂᖅ ᐊᐅᓚᑦᓯᔪᖅ 17-ᓂᒃ ᐃᓕᓐᓂᐊᕕᓐᓂᒃ ᐳᒃᑭᓂᕐᓴᓂᒃ ᐳᕐᑐᓂᕐᓴᓂᓪᓗ ᐊᒻᒪᓗᑦᑕᐅ 6-ᓂᒃ ᐃᓄᒻᒪᕇᑦ ᐃᓕᓐᓂᐊᕕᖏᓐᓂᒃ. ᑐᑭᓯᒋᐊᑦᓯᐊᕕᑦᓴᖅ ᖃᕆᑕᐅᔭᒃᑯᑦ: kativik.qc.ca.

— 30 —

ᑐᑭᓯᒋᐊᑦᓯᐊᕈᒪᒍᕕᑦ, ᐅᒥᖓ ᐅᖄᕕᖃᕐᓗᑎᑦ:
ᔮᑦ ᑐᓯᓅ-ᐱᐊᕐᓃ
ᐅᖄᖃᑎᒌᓐᓂᒥ ᐊᑕᐅᑦᓯᑰᕐᑎᓯᔨ
publicrelations@kativik.qc.ca