TSAL ᐱᓇᓱᐊᒐᑦᓴᓕᐊᕆᔭᐅᓯᒪᓂᖓ ᐋᕐᕿᓱᕐᑕᐅᓯᒪᓂᖃᕐᖁᑦ ᐳᕐᑐᓂᕐᓴᒥ ᐃᓕᓐᓂᐊᕕᒻᒥ ᐃᓕᓐᓂᐊᑎᖏᓐᓄᑦ ᐃᒣᓕᖓᓂᓕᓐᓄᑦ:

• ᑎᒥᒥᒍᑦ ᐱᒍᓐᓇᓂᖃᑦᓯᐊᖏᒍᑎᓕᓐᓄᑦ ᐅᕝᕙᓘᓐᓃᑦ ᐃᓱᒪᒥᒍᑦ ᐱᕐᖃᔭᑦᓯᐊᖏᑦᑐᓄᑦ
• ᖃᕆᑕᕐᒥᒍᑦ ᐃᓕᕐᖁᓯᕐᓱᓯᐊᖕᖏᑑᒍᑎᓕᓐᓄᑦ ᐅᕝᕙᓘᓐᓃᑦ ᐱᕈᕐᐸᓕᐊᓂᕐᒥᒍᑦ ᐊᔪᕈᑎᓕᓐᓄᑦ
• ᐃᓅᓯᓕᓐᓄᑦ ᐃᓱᒪᒥᒍᑦ ᐊᑦᓱᕉᑎᓕᓐᓄᑦ
• ᐅᑭᐅᖃᓚᐅᕈᑎᑦ 15-ᓂᒃ
• ᐱᖓᓱᓂᒃ ᐊᕐᕌᒍᕐᓂᒃ ᐱᔭᕇᒋᐊᕕᑦᑐᓄᑦ ᐃᓕᓐᓂᐊᓂᕐᒥᓂᒃ

• ᐃᓕᓐᓂᐊᑏᑦ:
  ᐅᖃᓕᒪᒍᑎᓕᕕᓂᐅᓗᑎᑦ ᐃᓚᐅᒍᒪᓂᕐᒥᓂᒃ, ᐋᕐᕿᓱᐃᓯᒪᓗᑎᑦ ᓇᒻᒥᓂᖅ ᑐᕌᒐᕆᒍᒪᔭᕐᒥᓂᒃ, ᐊᐅᓚᑦᔭᒋᐊᕐᓯᒪᓂᖃᕐᓗᑎᓗ ᐃᓚᐅᒍᒪᓂᕐᒥᓂᒃ ᐱᓇᓱᐊᒐᑦᓴᐅᑎᑕᐅᔫᑉ ᓱᖃᑦᓯᐅᑎᒋᔭᖏᓐᓂᒃ.

• ᐊᖓᔪᕐᖄᕆᔭᐅᔪᑦ ᑲᒪᒋᔭᐅᔪᐃᓪᓘᓃᑦ:
  ᐃᓚᐅᖃᑦᑕᓗᑎᑦ ᑲᑎᒪᓂᐅᔪᓂᒃ, ᐱᓇᓱᖃᑎᖃᖃᑦᑕᓗᑎᑦ ᐃᓕᓐᓂᐊᕕᐅᑉ ᐱᓇᓱᑦᑎᖏᓐᓂᒃ, ᐃᑲᔪᕐᓯᓯᒪᓗᑎᓗ ᐱᐊᕋᕐᒥᓂᒃ ᐊᓂᕐᕋᓯᒪᓗᕈᑎᑦ.

• ᐃᓕᓐᓂᐊᕕᒻᒥ ᐱᓇᓱᑦᑏᑦ:
  ᑐᑭᒧᐊᕐᑎᓗᒋᑦ ᐱᓇᓱᐊᕈᑕᐅᓂᕐᒥᒃ, ᖃᐅᔨᒪᖃᑎᖃᖃᑦᑕᓗᑎᑦ ᐃᓚᒌᓂᒃ ᐱᓇᓱᖃᑎᐅᔪᓂᓪᓗ, ᐃᑉᐱᒋᓗᒋᓗ ᐃᓕᓐᓂᐊᑎᐅᑉ ᐱᕙᓪᓕᐊᓂᕆᔭᖓ.

ᐋᕐᕿᓱᑦᓯᐊᓯᒪᓂᓕ TSAL ᐱᓇᓱᐊᒐᑦᓴᐅᑎᑕᐅᓂᖓ ᑐᕌᒐᖃᕐᖁᖅ ᒪᑯᓂᖓ:

• ᐱᕕᑦᓴᖃᕐᑎᓯᐊᕐᓗᒋᑦ ᐱᒍᑦᔭᐅᒍᑎᖏᑦᑕ ᑲᔪᓯᐅᑦᔭᐅᓂᕆᒋᐊᓕᖏᑦ ᐃᓕᓐᓂᐊᕕᒻᒧᑦ ᐃᓄᒻᒪᕆᐅᓂᕐᒧᓗ ᐃᓅᓯᕐᒧᑦ ᐃᓕᖓᔪᑦ
• ᖁᕝᕙᑎᒋᐊᖃᑦᑕᓗᒋᑦ ᐱᓇᓱᐊᖃᑎᒌᓐᓂᖏᑦᑕ ᐃᑲᔪᖃᑎᒌᓐᓂᖏᑦ ᐃᓕᓐᓂᐊᕕᒻᒧᑦ, ᐃᓚᒌᓄᑦ, ᓄᓇᓕᒻᒧᓗ
• ᐅᖑᒪᓗᒋᑦ ᐊᓯᐅᔨᑎᑦᓯᑕᐃᓕᓂᒃᑯᑦ ᐱᒍᓐᓇᓂᕐᑖᕆᓯᒪᔭᖏᓐᓂᒃ ᑐᓂᓯᖃᑦᑕᓂᒃᑯᑦ ᑐᑭᖃᑦᓯᐊᑐᓂᒃ ᓱᖃᑦᓯᑎᑦᓯᐅᑎᓂᒃ
• ᑐᓂᓯᓂᖅ ᐃᒻᒥᓄᐊᓕᖓᔪᓂᒃ ᐃᓕᓐᓂᐊᓂᕐᒧᑦ ᐊᕐᖁᑎᓕᐅᕐᓯᒪᓂᕐᒥᒃ ᑐᖕᖓᕕᖃᕐᑎᓗᒋᑦ ᐃᓕᓐᓂᐊᑎᐅᑉ ᓇᒻᒥᓂᖅ ᑐᕌᒐᕆᔭᖏᓐᓄᑦ

ᑕᒪᓐᓇ ᑐᓂᓯᒍᓐᓇᑐᖅ ᐱᕕᑦᓴᖃᕐᑎᓯᒍᑎᑦᓴᓂᒃ ᒪᑯᓂᖓ:

• ᓇᓗᓀᕐᓯᓂᒃᑯᑦ ᐃᓕᓐᓂᐊᑎᐅᑉ ᐱᒍᒪᒐᔭᕐᑕᖏᓐᓂᒃ
• ᐸᕐᓇᓂᒃᑯᑦ ᖃᒻᒥᒨᓕᖓᔪᓂᒃ-ᐊᒻᒪᓗ-ᖃᒻᒥᑰᖕᖏᓂᕐᓴᓂᒃ ᑐᕌᒐᑦᓴᕆᔭᐅᒐᔭᕐᑐᓂᒃ
• ᖃᐅᔨᓴᖃᑦᑕᓕᐅᒥᔮᕐᓂᑯᑦ ᐃᓕᓐᓂᐊᑎᐅᑉ ᐱᕙᓪᓕᐊᓂᖏᓐᓂᒃ

ᑕᒪᓐᓇ ᐱᕕᑦᓴᖃᕐᑎᓯᓚᖓᔪᖅ ᐃᓕᓐᓂᐊᑎᓂᒃ ᒪᑯᓂᖓ:

• ᕿᓈᔭᕈᓐᓇᓂᒥᒃ ᐊᑦᔨᒌᖕᖏᑐᓂᒃ ᐱᓇᓱᕝᕕᐅᔪᓂᒃ ᐊᕙᑎᖏᑎᒍᑦ
• ᐱᕙᓪᓕᐊᑎᑦᓯᓂᒃᑯᑦ ᐃᓅᖃᑎᒌᑎᒍᑦ, ᓄᓇᓕᑦᑎᒍᑦ, ᐱᒍᓐᓂᖃᓪᓚᕆᓐᓂᐅᓗ ᐱᒍᓐᓇᓯᑎᑕᐅᒍᑎᖏᓐᓂᒃ

ᑖᑦᓱᒪᐅᑉ ᐱᖓᓱᓂᒃ-ᐊᕐᕌᒍᕐᓂᒃ ᐱᓇᓱᐊᒐᑦᓴᐅᑎᑕᐅᔪᒥᑦ, ᐃᓕᓐᓂᐊᑏᑦ ᐱᕕᑦᓴᖃᕈᓐᓇᑐᑦ ᒪᑯᓂᖓ:

• ᐃᓅᖃᑎᒋᔭᐅᓂᒃᑯᑦ, ᐱᖕᖑᐊᖃᑕᐅᒍᓐᓇᓯᓂᒃᑯᑦ, ᐊᒻᒪᓗ ᓄᓇᓕᒻᒥ-ᑐᖕᖓᕕᓕᓐᓄᑦ ᓱᖃᑦᓯᐅᑎᖃᕐᑎᑕᐅᓂᒃᑯᑦ
• ᐱᒋᐅᕐᓵᖑᒍᓐᓇᓯᑎᑕᐅᓂᒃᑯᑦ ᐊᑭᓕᕐᑐᑕᐅᒍᓐᓀᓗᑎᑦ ᐱᕕᑦᓴᖃᕐᑎᑕᐅᒍᓐᓇᓯᓂᒃᑯᑦ
• ᐅᐱᕐᖔᑯᑦ ᐱᓇᓱᒐᕐᑖᒍᓐᓇᓯᓂᒃᑯᑦ