ᑰᑦᔪᐊᖅ (ᐆᒃᑐᐱᕆ 16, 2017) – ᓂᕈᐊᕋᑦᓴᓂᒃ ᓇᓗᓀᕐᓯᓂᖅ ᓂᕈᐊᕐᓂᓴᕐᒧᑦ ᐃᓕᓐᓂᐊᕕᒻᒥ ᑭᒡᒐᑐᕐᑎᓴᒧᑦ ᑲᑎᕕᒃ ᐃᓕᓴᕐᓂᓕᕆᓂᕐᒧᑦ ᐊᑑᑎᓛᕐᖁᖅ ᓅᕕᒻᐱᕆ 7, 2017-ᖑᓕᕐᐸᑦ, ᓄᓇᓕᓕᒫᓂ ᓄᓇᕕᒻᒥ. ᓂᕈᐊᕐᓂᖅ ᐊᑑᑎᓛᕐᑐᖅ ᓅᕕᒻᐱᕆ 15, 2017-ᒥ, ᓄᓇᓕᓐᓂ ᓄᓇᕕᒻᒥ.

ᐃᓕᓴᕐᓂᓕᕆᓂᖅ ᑫᓪᓗᑐᐃᒋᐊᓪᓚᖁᖅ ᓄᓇᕕᒻᒥᐅᓂᒃ ᐃᓚᐅᑦᓯᐊᖁᔨᑦᓱᓂ ᓇᓗᓀᕐᓯᓂᕐᒧᑦ ᓂᕈᐊᕐᓂᒧᓪᓗ ᓄᓇᓕᑦᓯᓂ ᑭᒡᒐᑐᕐᑎᓴᒧᑦ ᓅᕕᒻᐱᕆ 15-ᒥ.

ᑕᑯᒋᐊᕈᓐᓇᖁᑎᑦ ᓂᕈᐊᕐᑕᐅᑎᒐᓱᐊᕐᑐᓂᒃ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᒍᑎᒃᑯᑦ ᐅᕘᓇ!

Facebook

Twitter

ᑭᓇᒃᑰᓂᕗᑦ:

ᑲᑎᕕᒃ ᐃᓕᓴᕐᓂᓕᕆᓂᖅ ᑎᒥᖕᖑᑎᑕᐅᔪᕕᓂᖅ 1975-ᖑᑎᓪᓗᒍ, ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᒍᑦ (ᐊᖏᖃᑎᒌᓐᓂᖅ). 1978-ᒥᓂᑦ ᐱᑕᖃᕐᑎᓯᔪᑐᐊᖑᓯᒪᕗᖅ ᐃᓕᓐᓂᐊᓂᕐᒨᓕᖓᔪᓂᒃ ᐱᒍᑦᔨᐅᑎᓂᒃ ᓄᓇᕕᒻᒥᐅᓄᑦ. ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᒍᑦ, ᐃᓕᓐᓂᐊᓂᓕᕆᓂᖅ ᐱᔪᓐᓇᓂᖃᕐᑎᑕᐅᔪᖅ ᐊᐅᓚᑦᓯᔨᐅᕕᖃᕐᑎᑕᐅᑦᓱᓂᓗ ᐃᓄᐃᑦ ᐃᓗᕐᕈᓯᖓᓂᒃ ᒪᓕᑦᓯᐊᑐᓂᒃ ᐃᓕᓐᓂᐊᕈᑎᑦᓴᓕᐅᕐᓂᒥ ᐃᓕᓐᓂᐊᑎᑦᓯᓂᕐᒥᓗ. ᐃᓕᓐᓂᐊᕈᑎᑦᓭᑦ ᑲᑎᕕᒃ ᐃᓕᓴᕐᓂᓕᕆᓂᕐᒧᑦ ᐃᓕᓐᓂᐊᕈᑎᓕᐊᑦ ᐃᓕᓐᓂᐊᑎᑦᓯᒍᑎᐅᕗᑦ ᐃᓘᓐᓇᖏᓐᓂᑦ ᑖᒃᑯᐊ 14 ᓄᓇᓖᑦ ᐃᓕᓐᓂᐊᕕᖏᓐᓂᑦ, ᐃᓄᒃᑎᑐᑦ ᐅᖃᐅᓯᕐᖄᖓᓂᒃ ᐊᒻᒪᓗ ᐅᐃᒍᐃᑎᑐᑦ ᖃᓪᓗᓈᑎᑐᓪᓗ ᐅᖃᐅᓯᐅᑉ ᐁᑉᐱᐅᑎᖓᓂᒃ. ᐃᓕᓐᓂᐊᓂᓕᕆᓂᖅ ᐊᐅᓚᑦᓯᔪᖅ 17-ᓂᒃ ᐳᒃᑭᓂᕐᓴᓂ ᐳᕐᑐᓂᕐᓴᓂᓪᓗ ᐃᓕᓐᓂᐊᕕᓐᓂᒃ ᐊᒻᒪᓗᑦᑕᐅᖅ 5-ᓂᒃᐃᓄᒻᒪᕇᑦ ᐃᓕᓐᓂᐊᕕᖏᓐᓂᒃ ᐳᕐᑐᓂᕐᓴᒋᐊᓪᓚᒨᓚᐅᕋᓂᓗ ᐃᓕᓐᓂᐊᕕᒻᒥᒃ. ᑐᑭᓯᒋᐊᓪᓚᕈᑎᑦᓭᑦ ᑕᑯᔭᐅᒍᓐᓇᑐᑦ ᐅᕙᓂ: www.kativik.qc.ca

— 30 —

ᑐᑭᓯᒋᐊᑦᓯᐊᕈᒪᒍᑦᓯ, ᐅᕗᖓ ᖃᐅᔨᓴᕐᓗᓯ:

ᔮᑦ ᑐᔅᓅ-ᐱᐊᕐᓃ

ᐊᑕᐅᑦᓯᑰᕐᑎᓯᔨ ᑐᓴᐅᒪᖃᑎᒌᕈᑎᓂᒃ

publicrelations@kativik.qc.ca