ᐅᒃᑑᐸ 2020-ᒥ, ᑲᑎᕕᒃ ᐃᓕᓴᕐᓂᓕᕆᓂᖅ ᑐᓴᕐᑎᓯᓚᐅᔪᕗᖅ ᓄᓇᕕᒻᒥᐅᓂᒃ ᐊᓯᑦᔨᓂᐅᒋᐊᓕᓐᓂᒃ ᐅᖃᕐᑕᐅᓯᒪᔪᓂᒃ ᑐᕐᖃᑕᕐᕕᒧᑦ ᐃᓕᓐᓂᐊᓂᓕᕆᓂᕐᒧᑦ ᕈᐯᑦᔨᒧᑦ ᐱᑦᔪᑎᓕᓐᓂᒃ ᖃᐅᔨᓴᕐᑕᐅᒍᑎᖏᓐᓂᒃ ᐃᓕᓵᑦ ᐅᕕᒐᕐᑐᑦ ᐃᓕᓴᕐᕕᖏᓐᓅᓕᖓᔪᑦ ᓄᓇᕕᒻᒨᓕᖓᖃᑕᐅᓚᖓᑎᓪᓗᒋᑦ.

ᐊᓯᑦᔨᓂᐅᒋᐊᖃᕐᒥᔪᑦ ᐅᖃᕐᑕᐅᓚᐅᔪᕗᑦ ᔭᓄᐊᕆᒥ ᕕᐳᐊᕆᒥᓪᓗ 2021-ᒥ, ᓄᓇᕕᒻᒨᓕᖓᖃᑕᐅᓚᖓᒻᒥᓱᑎᒃ. ᑖᒃᑯᐊ ᐅᓯᑦᔨᑐᐃᓃᑦ ᑐᕌᒐᖃᕈᑕᐅᔪᑦ ᓯᕗᓪᓕᐅᔭᐅᓂᖃᓚᖓᑎᓪᓗᒍ ᐃᓕᑦᓯᕙᓪᓕᐊᒋᐊᖃᕐᓂᖅ ᖃᐅᔨᓴᕈᑏᑦ ᓯᕗᓪᓕᐅᔭᐅᖕᖏᓂᕐᓴᐅᓚᖓᑎᓪᓗᒋᑦ. ᐃᓱᒪᒋᓕᐅᑎᔭᐅᓯᒪᑎᓪᓗᒋᑦ ᐃᓕᓐᓂᐊᓂᓕᕆᓂᑎᒍᑦ ᐱᒍᑦᔨᐅᑏᑦ ᐅᓚᐱᑕᐅᓯᒪᓂᕆᖃᑦᑕᑕᖏᑦ ᐃᓕᓵᑦ ᐃᓕᓴᕐᕕᒥᓪᓗ ᐱᓇᓱᑦᑏᑦ ᐊᑑᑎᒋᐊᖃᖃᑦᑕᑕᖏᑦ ᒫᑦᓯ 2020-ᒥᓂᑦ.

ᑕᑲᒃᑯᐊᑕᒐ ᐊᑑᑎᔭᐅᒋᐊᓖᑦ ᒪᓕᑦᑕᐅᒋᐊᓖᓪᓗ ᐊᑐᕐᓂᖃᓚᖓᔪᑦ ᑕᕝᕙᓂ ᐊᕐᕌᒍᒥ ᖃᐅᔨᓴᕐᑕᐅᒍᑎᖏᓐᓅᓕᖓᔪᑦ ᐃᓕᓵᑦ ᐅᕕᒐᕐᑐᑦ ᐃᓕᓴᕐᕕᖏᓐᓅᓕᖓᔪᑦ.

ᓄᕐᖃᑎᑕᓯᒪᓂᖓ ᐊᕐᕌᒎᑉ ᐃᓱᓕᓂᖓᓂ ᑐᕐᖃᑕᕐᕕᑎᒍᑦ ᖃᐅᔨᓴᕐᑕᐅᒍᑎᐅᓲᑦ ᐃᓕᑦᓯᕙᓪᓕᐊᓂᖏᓐᓅᓕᖓᔪᑦ ᐃᓕᓵᑦ

ᔭᓄᐊᕆ 8, 2021 ᑯᐯᒃᒥ ᑐᕐᖃᑕᕐᕕᒃ ᐃᓕᓐᓂᐊᓂᓕᕆᓂᕐᒧᑦ ᑐᓴᕐᑕᐅᑎᑦᓯᕗᖅ ᓄᕐᖃᑎᑕᐅᓯᒪᓂᕆᓛᕐᑕᖏᓐᓂᒃ ᐊᕐᕌᒎᑉ ᐃᓱᓕᓂᖓᓂ ᑐᕐᖃᑕᕐᕕᑎᒍᑦ ᖃᐅᔨᓴᕐᑕᐅᒍᑎᐅᓲᑦ ᐃᓕᓵᑦ ᐅᕕᒐᕐᑐᐃᑦ ᐃᓕᓴᕐᕕᖏᓐᓅᓕᖓᔪᑦ, ᑕᕝᕙᓂ ᐃᓕᓴᕐᓇᐅᑉ ᐊᕐᕌᒍᖓᓂ. ᑕᒪᓐᓇᓗ ᓄᓇᕕᒻᒥ ᐊᑑᑎᔭᐅᒋᐊᖃᕐᒥᓱᓂ. ᑌᒣᒻᒪᑦ, ᐃᓕᓵᑦ ᑭᑎᑦᔪᑎᑖᕆᓛᕐᑕᖏᑦ ᐃᓕᓭᔨᒥᓂᑦ ᐃᓕᑦᓯᕙᓪᓕᐊᓂᕆᓯᒪᔭᒥᓄᑦ ᐃᓕᓴᕐᓇᐅᑉ ᐃᓱᓕᓂᖓᓂ ᐱᓯᒪᓛᕐᖁᑦ ᑕᕐᕿᓂ ᓯᕗᓪᓕᐹᓂ ᑕᕐᕿᓂᓪᓗ ᑐᖓᓕᖏᓐᓂ ᐃᓕᓴᕐᓂᕆᓯᒪᔭᖏᓐᓂᑦ ᐃᓕᑦᓯᕙᓪᓕᐊᓂᕆᓯᒪᔭᖏᑦᑕ.

ᐃᓕᓵᑦ ᐃᓕᑦᓯᕙᓪᓕᐊᓂᖏᓐᓂᒃ ᑐᓴᕐᑎᓯᒍᑏᑦ

ᑐᓴᕐᑎᓯᒍᑕᐅᓯᒪᒻᒪᑦ ᐅᒃᑑᐸ 2020-ᒥ, ᑕᕝᕙᓂ ᐊᕐᕌᒍᒥ ᐊᖓᔪᕐᖄᕆᔭᐅᔪᑦ ᒪᕐᕈᕕᑐᐃᓐᓇᓗᑎᒃ ᕿᑐᕐᖓᒥᑕ ᐃᓕᑦᓯᕙᓪᓕᐊᓂᖏᓐᓂᒃ ᑐᓴᕐᑎᓯᒍᑎᓂᒃ ᐱᑎᑕᐅᓛᕐᑐᑦ.

• ᕕᐳᐊᕆ 15, 2021-ᒥ ᓯᕗᓪᓕᐹᑦ ᐃᓕᓵᑦ ᐃᓕᑦᓯᕙᓪᓕᐊᓂᖏᓐᓂᒃ ᑐᓴᕐᑎᓯᒍᑏᑦ ᐊᑐᐃᓐᓇᐅᑎᑕᐅᓚᐅᔪᕗᑦ.
• ᔪᓓ 10, 2021 ᑭᖑᓂᖓᒎᖕᖏᑐᖅ ᑐᖓᓕᖏᑦ ᐃᓕᓵᑦ ᐃᓕᑦᓯᕙᓪᓕᐊᓂᖏᓐᓂᒃ ᑐᓴᕐᑎᓯᒍᑏᑦ ᐊᑐᐃᓐᓇᐅᑎᑕᐅᓛᕐᖁᑦ.
• ᐃᓕᓵᑦ ᑭᑎᑦᔪᑎᑖᖏᑦ ᐊᕐᕌᒎᑉ ᐃᓱᓕᓂᖓᓂᑦ ᐱᓯᒪᓛᕐᑐᑦ ᓯᕗᓪᓕᐹᒥᒃ ᐃᓕᓴᕐᓂᕕᓂᕐᒥᓂᑦ 35%-ᒥᑦ ᑐᖓᓕᖏᓐᓂᓗ ᐃᓕᓴᕐᓂᕕᓂᕐᒥᓂᑦ 65%-ᒥᑦ  (ᑐᕐᖃᑕᕐᕕᐅᑉ ᐃᓕᓐᓂᐊᓂᓕᕆᓂᕐᒧᑦ – ᑐᓴᕐᑎᓯᒍᑎᖏᑦ, ᕕᐳᐊᕆ 10, 2021-ᒥ).
• ᐱᒍᓐᓇᓯᔭᐅᒋᐊᓕᕕᓂᓕᒫᑦ ᐃᓕᓴᕋᑦᓭᑦ ᐊᑐᓂ ᖃᐅᔨᓴᕐᑕᐅᒍᑎᐅᖃᑦᑕᓛᕐᑐᑦ ᐃᓕᓴᕐᓇᐅᑉ ᐊᕐᕌᒍᒥ ᐊᕕᑦᑐᑕᐅᓯᒪᓂᖏᑦᑕ ᐃᓱᓕᓂᖓᑕ ᑕᒫᑦ.