ᑲᔪᓯᕕᒃ ᐊᒻᒪᓗ ᓇᓯᕝᕕᒃ, ᑰᒃᔪᐊᖅ + ᑲᖏᕐᓱᔪᐊᖅ

ᐱᔭᕇᕈᑎᒃ ᐱᒋᐅᕐᓴᓂᕐᒥᒃ ᐱᔭᕇᕐᑐᓄᑦ (DVS)

1,800 ᐃᑲᐅᕐᓃᑦ
ᐃᓚᖃᕐᓱᓂ 120 ᐃᑲᐅᕐᓂᓂ ᐃᓕᓴᕐᒍᓗ ᐱᓇᓱᐊᕐᓂᓂᒃ

ᐃᓕᓴᕋᑦᓴᐅᑉ ᑐᑭᓯᓇᕐᑎᑕᐅᓂᖓ

ᓄᓇᒃᑰᔪᓕᐅᕐᑎᓂᒃ ᐊᓕᐊᒋᔭᖃᕐᐱᑦ? ᐊᐅᓚᐅᓯᕆᓗᑎᑦ ᑎᒥᓐᓄᓗ ᐱᓇᓱᐊᕐᓗᑎᑦ ᐊᒡᒐᓄᓪᓗ ᐱᓇᓱᐊᕐᕈᓐᓇᑐᐃᓐᓇᕆᐊᖃᕐᐳᑎᒃ!

ᐅᑯᓂᖓ ᐱᒋᐅᕈᓐᓇᐳᑎᑦ :

  • ᐊᐅᓚᐅᑎᑐᐃᓐᓇᓂᒃ ᐋᕐᖀᒋᐊᒍᓐᓇᓯᓗᓂ ᐋᑉᖀᓱᐃᒍᓐᓇᓯᓗᓂᓗ ᐊᐅᓚᐅᑎᐅᑉ ᐃᓗᒥᐅᑕᖏᓐᓂᒃ ᐅᕐᓲᐊᓗᑦᑐᑐᓂᒃ, ᐃᑲᒪᐅᑎᖏᓐᓂᒃ, ᐊᑦᔨᒌᖕᖏᑐᓂᒃ ᐊᐅᓚᐅᑎᐅᑉ ᓴᓇᒻᒪᖏᓐᓂᒃ ᑲᒪᒍᓐᓇᓯᓗᓂ, ᐃᑯᒪᐅᑎᒨᕐᓱᑎᒃ ᐃᓱᕐᕆᐅᑎᖏᓐᓂᒃ, ᐊᐅᓚᒍᑎᖓᓂᒃ, ᓄᕿᑦᑕᐅᑎᖓᓂᒃ, ᓄᖃᕐᑎᖏᓐᓂᒃ, ᓱᖒᐊᒍᑎᖏᓐᓂᓗ.

ᐃᓕᒐᓱᐊᕐᑑᑉ ᐱᒍᓐᓇᕆᐊᓕᖏᑦ

ᐃᓕᒐᓱᐊᕐᑐᖅ ᐅᑯᓂᖓ ᖃᐅᔨᒪᒋᐊᓕᒃ:

ᐃᓄᐃᑦ ᐳᕐᑐᓂᕐᓴᒥᒃ ᐃᓕᓐᓂᐊᕇᕐᓯᒪᓂᕐᒥᓄᑦ ᐱᔭᕇᕈᑎᑖᕐᓯᒪᔪᑦ ᐅᑉᕙᓘᓐᓃᑦ ᐃᓕᑕᕆᔭᒥᒃ ᓇᓕᕐᖁᐊᖓᓃᒋᐊᖓᓂᑦ, ᐆᑦᑐᕋᐅᑎᒋᓗᖑ, ᓇᓕᕐᖁᐊᖓᓂᒃ ᐳᕐᑐᓂᕐᓴᖅ 5-ᒥᒃ ᐱᔭᕇᕐᓯᒪᓂᕐᒥᒃ ᐅᖃᕐᑕᐅᓯᒪᓗᓂ, ᐅᑉᕙᓘᓐᓃᑦ ᐳᕐᑐᓂᕐᓴᒋᐊᓪᓚᒥᒃ ᐃᓕᓐᓂᕇᕐᓯᒪᓂᕐᒥᓄᑦ ᑳᓕᑦᔅ-ᓚᔭᒥ ᐃᓕᓐᓂᐊᑕᕕᓂᕐᒥᓂᒃ ᐅᑉᕙᓘᓐᓃᑦ ᐁᑉᐸᖃᖕᖏᑐᑦ ᐃᓕᑕᕆᔭᐅᒍᑎᖓᓂᒃ.

ᐃᓄᐃᑦ ᐅᑭᐅᖃᑦᓴᓚᐅᕐᐸᑕ 16-ᓂᒃ ᐊᒥᕃᔭᐅᑦ 30-ᒥ ᐃᓕᓐᓂᐊᓇᐅᑉ ᐊᕐᕌᒍᖓᓂ ᐃᓕᓐᓂᐊᓂᖓ ᐱᒋᐊᕐᓂᐅᔭᓕᕐᑎᓗᒍ ᐳᕐᑐᓂᕐᓴᖅ 4-ᒥ ᖁᑉᕙᒋᐊᕈᓯᕐᑕᓯᔭᐅᓯᒪᓗᓂ ᐃᓕᓐᓂᐊᑎᑦᓯᔨᐅᑉ ᐅᖃᐅᓯᖓᒍᑦ, ᐁᑉᐱᐅᑎᒥ ᐅᖃᐅᓯᕐᒥ ᑭᓯᑦᓯᑎᓐᓂᐊᓂᕐᒥᓗ ᐃᓕᓐᓂᐊᑕᐅᔪᑦᓴᓕᐊᖑᓯᒪᔪᓂ ᑐᕐᖃᑕᐅᕕᐅᑉ ᒥᓂᔅᑕᖓᓄᑦ, ᐅᑉᕙᓘᓐᓃᑦ ᐃᓕᑕᕆᔭᐅᒍᑎᑖᕐᓯᒪᒍᓂ ᓇᓕᕐᖁᐊᖓᓃᑦᑐᒥᒃ ᐃᓕᓐᓂᐊᓯᒪᓂᕐᒥᓄᑦ.

ᐃᓄᐃᑦ 18-ᓂᒃ ᐅᑭᐅᖃᓚᐅᕈᑎᒃ ᐃᓕᓐᓂᐊᓚᖓᔪᓄᑦ ᐃᓚᐅᓯᒍᑎᒃ ᐱᓇᓱᐊᕈᑎᒋᔪᓐᓇᓗᒋᑦ ᐊᑐᕈᓐᓇᒋᐊᓕᓂ: ᐊᓂᒍᐃᑦᓯᐊᓯᒪᒋᐊᓕᒃ ᐃᓘᓐᓃᓄᐊᖓᔪᒥᒃ ᐃᓕᓐᓂᐊᓯᒪᓂᕐᒧᑦ ᖃᐅᔨᓴᕐᑕᐅᒍᑎᒥᒃ, ᐅᑉᕙᓘᓐᓃᑦ ᓇᓕᕐᖁᐊᖓᓂᑦ ᐃᓕᓐᓂᐊᓯᒪᓂᕐᒥᓄᑦ.

ᐱᓇᓱᐊᕈᑎᒋᔪᓐᓇᒋᐊᓕᖓ ᐊᑐᕈᓐᓇᓗᒍ:


  • ᐃᓕᓐᓂᐊᑎᑦᓯᔨᐅᑉ ᐅᖃᐅᓯᖓ

ᐃᓄᒻᒪᕇᑦ ᐃᓕᓐᓂᐊᓂᖓ: 3101-2 + 3102-2 or 3070-3
ᐅᕕᒃᑲᓂ ᐃᓕᓐᓂᐊᓂᖓ: 632-306


  • ᑭᑎᑦᔪᑎᓐᓂᐊᓃᑦ

ᐃᓄᒻᒪᕇᑦ ᐃᓕᓐᓂᐊᓂᖓ: 3053-2 OR 3016-2
ᐅᕕᒃᑲᓂ ᐃᓕᓐᓂᐊᓂᖓ: 063-306  563-306


ᐃᓄᐃᑦ ᐳᕐᑐᓂᕐᓴᖅ 3-ᒥ ᖁᑉᕙᒋᐊᕈᓯᕐᑕᓯᔭᐅᓯᒪᔪᑦ ᐃᓕᓐᓂᐊᑎᑦᓯᔨᐅᑉ ᐅᖃᐅᓯᖓᒍᑦ, ᐁᑉᐱᐅᑎᒥ ᐅᖃᐅᓯᕐᒥ ᑭᓯᑦᓯᑎᓐᓂᐊᓂᕐᒥᓗ ᐃᓕᓐᓂᐊᑕᐅᔪᑦᓴᓕᐊᖑᓯᒪᔪᓂ ᑐᕐᖃᑕᕐᕕᐅᑉ ᒥᓂᔅᑕᖓᓄᑦ ᑲᔪᓯᒋᐊᓖᑦ ᐃᓘᓐᓃᓄᐊᖓᔪᒥᒃ ᐃᓕᓐᓂᐊᓂᕐᒥᓂᒃ, ᐊᑕᐅᑦᓯᑰᖃᑕᐅᑎᓪᓗᒍ ᐱᓇᓱᒐᕐᑖᕆᓇᔭᕐᓗᒍ ᐃᓕᓐᓂᐊᓂᕐᒥᓂ, ᐱᒍᑎᒋᓇᔭᕐᓗᒍ ᐳᕐᑐᓂᕐᓴᖅ 4-ᒥ ᖁᑉᕙᒋᐊᕈᑎᓄᑦ ᐃᓄᕐᓴᕈᑎᕕᓂᕐᒥᓂᒃ ᐃᓕᓐᓂᐊᓱᓂ ᐃᓕᓐᓂᐊᑎᑦᓯᔨᐅᑉ ᐅᖃᐅᓯᖓᒍᑦ, ᐁᑉᐱᐅᑎᒥᒃ ᐅᖃᐅᓯᕐᒥ ᑭᓯᑦᓯᑎᓐᓂᐊᓂᕐᒥᓗ ᐃᓕᓐᓂᐊᑕᐅᔪᑦᓴᓕᐊᖑᓯᒪᔪᓂ ᒪᓂᔅᑕᒧᑦ.