ᐱᕐᕈᓯᑐᖃᒃᑯᑦ ᑐᖕᖓᕕᖏᑦ, ᓄᑖᓂᒃ ᑐᓴᕐᓂᔮᕈᑎᓕᕆᐅᑏᑦ: ᑐᓴᕐᓂᔮᕐᓂᖅ ᔮᓂᒻᒪᕆᒃ ᐃᓕᓐᓂᐊᕕᒻᒥ

ᐱᓱᒍᕕᑦ ᔮᓂᒻᒪᕆᐅᑉ ᐃᓕᓐᓂᐊᕕᖓᑕ ᐱᓱᕝᕕᑯᑖᖓᒍᑦ ᑐᓴᒍᕕᑦ ᑯᑭᑕᐸᐅᑎᕙᓪᓛᒥᒃ, ᐃᓄᒃᑎᑐᑦ, ᓂᑦᔭᓗᑦᑖᑐᓂᒃ, ᐊᒻᒪᓗ ᐊᓇᐅᓪᓚᑐᓂᒃ, ᑕᑯᓕᕋᔭᕐᑐᑎᑦ ᓯᐊᔭ ᕋᓱᓪ ᐊᓕᐊᒋᔭᖓᓂᒃ.

ᐱᒍᑦᔨᓯᒪᓕᕐᑐᖅ ᐅᑭᐅᕐᑕᑐᒥ 12 ᐊᕐᕌᒍᐃᑦ ᐅᖓᑖᓄᑦ ᐱᓇᓱᐊᕐᓯᒪᓂᖃᕐᓱᓂ, ᓯᐊᔭ ᑕᑯᓯᒪᓕᕐᑐᖅ ᓂᑦᔭᓗᑦᑖᓂᐅᑉ ᐊᓯᑦᔩᓯᐊᕐᓂᖓᓂᒃ ᐃᓕᓐᓂᐊᑎᐅᑉ ᐊᑑᑎᓂᖓᓂᒃ. 2017-ᒥᓂᑦ, ᐃᓕᓐᓂᐊᑎᑦᓯᕕᒻᒥᓂᒃ ᓂᐱᓕᐅᕐᕕᓕᐅᕐᓯᒪᓕᕐᑐᖅ ᐊᒻᒪᓗ ᑕᑯᓐᓇᐅᒐᕐᕕᐅᓱᓂ, ᑕᒪᓐᓇ ᓄᐃᑦᓯᔪᖅ ᐅᖓᓯᑦᑕᕇᓐᓂᖏᓐᓂᒃ ᐃᓄᐃᑦ ᐱᐅᓯᑐᖃᖓᓂᒃ ᐊᒻᒪᓗ ᐅᓪᓗᒥᐅᔪᖅ ᑕᑯᓐᓇᐅᔮᕐᑕᐅᓂᖅ ᐊᑕᐅᑦᓯᑰᒍᓐᓇᓯᑎᒐᓱᐊᕐᓗᒋᒃ ᓇᕝᕚᒋᐊᖃᑦᓴᑐᐃᓐᓇᑐᖅ.

ᐱᒋᐅᕐᓴᓂᖅ, ᑲᔪᓯᑦᓯᐊᓂᖅ, ᐱᕙᓪᓕᐊᖒᔭᕐᓂᓗ

ᓯᐊᔭ ᑐᓴᕐᓂᔮᕐᑎᓯᓂᕐᒥᒃ ᑕᑯᓐᓇᑐᖅ ᐃᓕᓐᓂᐊᑎᑦᓯᒍᓐᓇᓂᖓᓂᒃ ᐊᑯᓃᕐᑐᒥᒃ ᐱᓇᓱᐊᕐᓂᒧᑦ. ᐊᒥᓱᐃᑦ ᐱᖕᖑᐊᕈᓰᑦ ᐱᖕᖑᐊᑐᓂᒃ ᓂᕆᐅᒋᔭᖃᕈᓐᓇᕕᖃᒐᓗᐊᕐᑎᓗᒋᑦ ᐅᓪᓗᒥ, ᐊᓕᐊᓱᓲᖅ ᐱᐊᕃᑦ ᐱᓇᓱᐊᕐᓂᖏᓐᓂᒃ ᐱᖕᖑᐊᓂᖃᕐᑎᓗᒋᑦ. “ᐱᒋᐅᕐᓴᒍᒪᓂᖃᕐᓗᓂ ᑲᔪᓯᒍᒪᓂᖃᑦᓯᒋᐊᖃᑐᐃᓐᓇᑐᖅ ᓯᐊᔭ ᐅᖃᕐᑐᖅ. “ᐆᑦᑐᕋᖕᖏᑯᕕᑦ, ᓇᒧᖕᖓᕙᓪᓕᐊᖏᑦᑐᑎᑦ. ᐆᑦᑐᒍᕕᑦ ᐱᒍᓐᓇᓯᑦᓴᐅᑎᒋᖕᖏᑲᓗᐊᕈᕕᑦ, ᑕᒐᓕ, ᐱᒋᐊᖕᖓᐅᑎᑦᓯᐊᖑᕗᖅ.”

ᐃᓕᓐᓂᐊᑎᑦᓯᕕᐅᑉ ᓂᐱᖏᑦ ᐅᐊᕈᑎᖃᓯᓲᖑᕗᑦ ᐊᑦᔨᒌᖏᓱᓂᒃ ᐅᑭᐅᕐᑕᑐᒥ. ᐅᓪᓗᐃᑦ ᐃᓚᖏᓐᓂ, ᐃᓕᓐᓂᐊᑏᑦ ᐱᒋᐅᕐᓴᑐᐃᓐᓇᕆᐊᓖᑦ ᑯᑭᑕᐸᐅᑎᐊᐱᒻᒥᒃ ᓃᓂᕋᕐᒥᓘᓐᓃᑦ; ᑭᖑᓂᖓᓂ, ᓂᐱᓕᐅᕆᔪᑦ ᐃᓕᓐᓂᐊᕕᓕᒫᒧᑦ ᓂᑦᔭᓗᑦᑖᕈᑎᒥᒃ ᐱᐊᕋᓕᒫᑦ/ᑲᒃᑲᓛᓕᒫᑦ ᐱᒻᒪᕆᐅᕗᑦ ᓚᔪᒥᒻ ᐱᓇᓱᐊᕐᑕᐅᔪᒥᒃ ᐊᑐᕐᓱᑎᒃ ᖃᕆᑕᐅᔭᒃᑯᑦ ᓂᐱᓕᐅᕈᑎᒥᒃ.

ᓯᐊᔭ ᖃᐅᔨᒪᑦᓯᐊᕋᓱᐊᖃᑦᑕᑐᖅ ᑐᓴᕐᓂᔮᕐᓂᖅ ᑐᖕᖓᕕᙯᓐᓇᓪᓗᒍ ᓄᓇᓕᓐᓂ. ᑲᑎᖕᖓᓂᐅᔪᓂ, ᖃᐃᖁᔨᖃᑦᑕᓚᐅᕐᑐᖅ ᐃᓕᓐᓂᐊᑎᓂᒃ ᐳᕐᑐᓂᕐᓴᒥᒃ ᐱᒋᒋᐊᖕᖓᑐᓂᒃ ᐃᓄᐃᑦ ᕿᓚᐅᑦᔭᑎᖏᓐᓂᒃ ᓯᕗᓕᖁᓗᒋᑦ. “ᐱᐊᕃᑦ ᓈᓚᓐᓂᓴᐅᓲᑦ ᐃᓄᑦᑎᑑᕐᕕᐅᑐᐊᕋᒥ,” ᐅᖃᕐᑐᕕᓂᖅ.

ᐃᓂᖅ ᐱᕈᕐᐸᓕᐊᓂᕐᒧᑦ

ᑕᒪᓐᓇ ᓄᓇᓕᓐᓂᑦ ᑕᑯᓐᓇᕐᓂᖅ ᑐᕌᖓᕙᑉᐳᖅ ᐊᕐᕌᒍᑕᒫᑦ ᐱᔪᓐᓇᓂᖃᑐᓄᑦ ᑕᑯᓇᐅᒐᕐᑎᓯᓂᖃᕐᓂᐅᔪᒧᑦ, ᑕᑯᑦᓴᐅᑎᑦᓯᓱᑎᒃ ᓱᓇᓕᒫᓂᒃ ᖃᕆᑕᐅᔭᒃᑯᑦ ᐊᓪᓚᖑᐊᕐᑕᐅᔪᕕᓂᕐᓂᒃ ᐊᒻᒪᓗ ᐱᖕᖑᐊᑎᒻᒪᕆᓐᓂᒃ ᑐᓴᕐᓂᔮᕐᑎᓯᔨᓂᒃ ᓂᑦᔭᓗᑦᑖᓱᑎᒃ ‘Hotel California’-ᒥᒃ ᐱᓇᓱᑦᑏᑦ ᐃᑲᔪᕐᑎᓗᒋᑦ ᐱᒍᓐᓇᓯᐊᕐᑐᒥᒃ ᐃᓕᓐᓂᐊᑎᒥᒃ ᑯᒃᑭᑕᐸᑦᑎᒥᒃ.

ᐱᐅᓯᕆᔭᐅᖏᓐᓇᓲᒥᒃ ᓚᖓᔪᖅ ᓱᓕ ᓂᕆᐅᖕᖏᑑᑎᓪᒋᑦ ᑕᑯᓐᓇᑎᑦᓯᓂᖅ ᐳᕐᑐᓂᕐᓴᓂ 6-ᒥ ᐃᓕᓐᓂᐊᑏᑦ ᐱᔭᕇᕈᓯᕐᑕᐅᓂᖏᓐᓄᑦ. ᓯᐊᔭ ᐊᑑᑎᔭᕕᓂᖏᓐᓂᒃ ᐅᖃᕐᑐᖅ: “Beyoncé ‘Texas Hold ’Em’ ᐃᖕᖏᕈᓯᖓ ᑎᒍᑦᓱᒍ ᓇᒻᒥᓂᓕᐊᕆᓚᐅᔭᕗᑦ. ᐊᓪᓚᕆᐊᑦᓯᐊᓱᒋᑦ ᐃᖕᖏᕈᓯᖏᑦ ᐱᖓᓱᓂᑦ ᐅᖃᐅᓯᕐᑖᑎᑦᓱᒋᑦ ᐅᐊᕈᑎᒌᓂ ᐃᓄᑦᑎᑐᑦ, ᐅᐃᒍᐃᑎᑐ ᖃᓪᓗᓈᑎᑐᓪᓗ, ᓄᑲᕐᓰᑦ ᐃᓕᓐᓂᐊᑏᑦ ᐱᓇᓱᑦᑏᓗ ᓄᐃᑕᑎᑦᓯᕕᖃᕈᓐᓇᓚᐅᕐᑐᑦ ᐃᓕᓐᓂᐊᕕᒻᒥ ᐱᔭᕇᕈᓯᕐᑐᓄᑦ ᑐᕌᕐᑎᓯᑦᓱᑎᒃ.” ᓯᐊᔭᒧᑦ, ᓂᑦᔭᐅᓯᔭᕐᓃᑦ ᐱᐅᓯᕆᔭᐅᓕᕐᑐᑦ — ᐊᑕᐅᓯᖅ ᓂᐱᒃ, ᐊᑕᐅᓯᖅ ᕿᓚᐅᑦᔭᓂᖅ, ᐊᑕᐅᕐᒥᓗ ᓄᑖᒥᒃ ᐊᑑᑎᖃᑦᑕᓂᖅ”.

ᐱᓇᓱᑦᑎᖃᕐᖁᒍᑦ ᐊᔪᐃᓐᓇᒪᕆᑦᓱᑎᒃ ᑐᓂᒪᒍᑎᖃᑦᓯᐊᑐᓂᒃ.
ᑲᑎᓯᒋᑦ ᐊᑯᓂ ᐱᓇᓱᑦᑎᖁᑎᒋᒻᒥᔭᕗᓐᓂᒃ ᐅᕙᓂ ➔