Publications

ᓄᑖᖑᓂᕐᐹᓂᒃ ᑐᓴᕐᑎᓯᒍᑏᑦ ᓄᓇᕕᒻᒥ ᐃᓕᓐᓂᐊᕖᑦ ᐅᒃᑯᐊᓯᒪᓂᖏᓐᓂᒃ

2022 | 01 | 28

ᓄᑖᑦ ᑯᐯᑉ ᐃᓗᓯᓕᕆᔨᒃᑯᖏᑦᑕ ᒪᓕᒐᓕᐊᕕᓂᖏᑦ ᓄᓇᕕᒻᒥᐅᓄᑦ

ᓇᓕᕐᙯᑐᖅ 19, 2022-ᒥ, ᓄᓇᕕᒃ ᐃᓗᓯᓕᕆᓂᕐᒧᑦ ᐃᓅᓯᓕᕆᓂᕐᒧᓗ ᑲᑎᒪᔩᑦ ᐅᖃᓚᐅᔪᕗᑦ ᒪᓕᒐᕐᒥᑕ ᐊᓯᑦᔨᓯᒪᓂᕆᓕᕐᑕᖏᓐᓂᒃ  ᓄᓇᓖᑦ ᒪᓕᓐᓂᐊᑕᖏᓐᓂᒃ ᖃᓂᒪᓇᒧᑦ ᐊᐅᐸᕐᑐᒥᒃ ᐳᕐᑐᓂᓕᒻᒥᒃ ᐃᑉᐱᒍᓱᑦᓯᐊᕆᐊᖃᓂᐊᕐᑎᓗᒋᑦ.  ᐅᖃᓚᐅᔪᒋᕗᑦ ᓇᓕᕐᙯᑐᖅ 19, ᓄᓇᕕᒻᒥᐅᓕᒫᑦ ᐊᐅᐸᕐᑐᒥᑦ ᐳᕐᑐᓂᓕᒻᒥᒃ ᒪᓕᒋᐊᖃᕐᓂᐊᓕᕐᑎᓗᒋᑦ.

ᐃᓕᓴᕐᕖᑦ ᐃᓄᒻᒪᕇᓪᓗ ᐃᓕᓴᕐᕕᖏᑦ ᐅᒃᑯᐃᑕᐅᒋᐊᓪᓚᓂᖏᑦ

ᐅᑯᓂᖓ ᒪᓕᑦᓱᑎᒃ ᓄᑖᑦ ᑯᐯᒻᒥ ᐃᓗᓯᓕᕆᔨᒃᑯᑦ ᒪᓕᒐᓕᐊᕆᓯᒪᔭᖏᑦ, ᐃᓕᓴᕐᕖᑦ ᐃᓄᒻᒪᕇᓪᓗ ᐃᓕᓴᕐᕕᖏᑦ ᐅᒃᑯᐃᒋᐊᓪᓚᒍᓐᓇᓕᕐᖁᑦ  ᓄᓇᓕᓐᓂ ᐊᐅᐸᕐᑐᒥ ᐳᕐᑐᓂᓕᒻᒥ ᐃᑉᐱᒍᓱᑦᓯᐊᕋᓱᐊᕐᓂᒥᒃ ᒪᓕᓪᓗᑎᒃ. ᑌᒣᒻᒪᑦ, ᑲᑎᕕᒃ ᐃᓕᓴᕐᓂᓕᕆᔨᒃᑯᑦ ᐸᕐᓀᖃᑦᑕᖁᑦ ᐅᒃᑯᐃᓯᒋᐊᓪᓚᓂᕐᒧᑦ ᐃᓕᓴᕐᕕᓕᒫᓂᒃ ᐃᓄᒻᒪᕇᓪᓗ ᐃᓕᓴᕐᕕᖏᓐᓂᒃ ᓇᓕᕐᙯᑐᖅ 31, 2022-ᒥ.

ᐳᒃᑭᓂᕐᓴᒦᑦᑐᐃᑦ, ᓱᒃᑫᑐᐊᐱᒻᒥᒃ ᐅᒃᑯᐃᒋᐊᓪᓚᕋᓱᐊᓛᕐᑐᐃᑦ ᐱᓇᓱᐊᕈᓰᑦ ᓯᑕᒪᑦ ᓈᕐᕋᑕᕐᑎᓗᒋᑦ. ᐅᓪᓗᑕᒫᕐᓯᐅᑎᖏᑦ ᐊᑦᔨᒌᓛᖕᖏᑐᐃᑦ ᓄᓇᓕᖓᑕ ᖃᓄᐃᓕᖓᓂᖓ ᒪᓕᓪᓗᒍ. ᑐᓴᐅᑎᒥᒃ ᓈᓚᖃᑦᑕᕆᑦᓯ ᐃᓕᓴᕐᕕᓯᓪᓗ Facebook-ᖓᓂᒃ ᑕᑯᒐᓱᐊᖃᑦᑕᓗᓯ ᑐᓴᐅᒪᒐᓱᐊᕐᓗᓯ.

ᐃᓕᓴᕐᕕᐅᑉ ᐊᓪᓚᕕᖓᓂ ᐱᓇᓱᑦᑎᓕᒫᑦ ᓯᕗᓪᓕᐸᐅᑦᔨᖁᔭᐅᓯᒪᕗᑦ ᐳᕐᑐᓂᓴᖅ 2 ᐃᓕᓴᕐᕕᓄᑦ ᐅᑎᕐᓂᓴᖓᓂᒃ. ᐃᑲᔪᕐᓯᒪᒐᓱᐊᕐᓂᐊᑎᓪᓗᒋᑦ ᐃᓕᓴᕇᕈᑎᑦᑕᐅᓂᑦᓴᖓᓂᒃ.

ᑕᒪᓐᓇ ᐅᒃᑯᐃᓯᒋᐊᓪᓚᓂᖅ ᐃᓱᒫᓗᓐᓇᑐᐃᓐᓇᕆᐊᖃᕋᓗᐊᕐᑎᓗᒍ, ᐃᑉᐱᒍᓱᑦᓯᐊᕋᓱᐊᒻᒪᕆᓚᖓᒻᒪᑕ ᒪᓕᒐᕐᓂᒃ ᒪᓕᑦᓯᐊᕋᓱᐊᕐᓗᑎᒃ ᐃᓱᒫᓗᓗᐊᕋᓯ ᐅᖑᒪᔭᐅᑦᓯᐊᓚᖓᒻᒪᑕ ᐃᓕᓵᖁᑎᓯ. ᑯᐯᒃᑯᑦ ᐃᓗᓯᓕᕆᔨᖏᑦᑕ ᒪᓕᒐᖏᑦ ᒪᓕᑦᑕᐅᕗᑦ ᐱᓇᓱᑦᑎᓕᒫᓄᑦ ᐊᐅᓚᖃᑦᑕᑐᓄᑦ ᓄᓇᕕᒻᒧᑦ ᐅᑎᕐᑐᓄᑦ, ᐃᓚᐅᑎᓪᓗᒍ ᐊᓂᑦᑌᓕᓂᖅ ᐊᓂᑦᑌᓕᒋᐊᖃᕈᑎᒃ.

ᐃᓘᓐᓇᑎᒃ ᖃᓄᐃᖕᖏᓯᐊᕋᓱᐊᕐᓃᑦ ᐊᑦᑕᓀᑦᑐᒦᑦᑎᓯᑦᓯᐊᕋᓱᐊᕐᓃᓗ ᒪᓕᑦᑕᐅᖃᑦᑕᓚᖓᔪᐃᑦ ᐃᓕᓴᕐᕕᓕᒫᓄᑦ ᐃᓄᒻᒪᕇᓪᓗ ᐃᓕᓴᕐᕕᓕᒫᖏᓐᓄᑦ. ᐅᑯᓂᖓ ᐃᓚᓖᑦ:

  • ᓀᒪᒌᒃᑯᓯᔭᕐᓃᑦ;
  • ᐅᖓᓯᑦᑕᖃᕐᓃᑦ;
  • ᐳᕐᑐᓂᕐᓴᒦᑦᑐᐃᑦ, ᑲᐱᔭᐅᒍᑎᕕᓂᕐᒥᓂᒃ ᑕᑯᔭᐅᑎᑦᓯᖃᑦᑕᕆᐊᓖᑦ ᐃᓕᓴᕐᓇᐅᒍᓐᓀᑎᓪᓗᒍ ᓱᖃᑦᓯᖃᑕᐅᖃᑦᑕᕈᒪᑐᐊᕈᑎᒃ.

ᒫᓐᓇᐅᔪᖅ ᐃᓕᓐᓂᐊᕖᑦ ᐅᒃᑯᐊᑕᐅᒪᓂᖓ(ᖏᑦ)

  1. ᐃᓄᒃᔪᐊᒃ: ᓄᓇᓕᖓ ᐅᒃᑲᐊᑕᐅᒪᔪᖅ ᓯᕗᓕᕐᑎᖓᓄᑦ. ᐃᓕᓐᓂᐊᕕᓕᒫᑦ ᐊᒻᒪᓗ ᐃᓄᒻᒪᕇᑦ ᐃᓕᓐᓂᐊᕕᖓ ᐅᒃᑯᐊᓯᒪᔪᑦ ᕕᕗᐊᕆ 25-ᑎᑭᓪᓗᒍ. ᐅᕕᑲᖃᐅᑎᒥ/ᐃᓅᓱᑦᑐᖃᐅᑎᒥ, ᐃᓕᓐᓂᐊᕖᑦ ᐅᒃᑯᐃᔪᑦᓴᒫᑦ ᕿᑲᑫᓐᓇᐅᓲᒥ ᒫᑦᔨᒥ ᑭᖑᓂᖓᓂ, ᐱᒋᐊᕐᓗᒍ ᒫᑦᔨ 14, 2022. ᐃᓄᒻᒪᕆᖃᐅᑎᒥ, ᐃᓄᒻᒪᕇᑦ ᐃᓕᓐᓂᐊᕕᖏᑦ ᐅᒃᑯᐃᔪᑦᓴᒫᑦ ᕕᕗᐊᕆ 28, 2022.

 

ᖃᕆᑕᐅᔭᕐᑎᒍᑦ ᐱᑐᑦᓯᒪᐅᑎᕗᓐᓄᑦ ᑕᑯᒐᓱᐊᓗᑭᖃᑦᑕᕆᑦ ᐃᓕᓴᕐᕖᑦ ᐅᒃᑯᐊᓯᒪᓂᖏᑦ ᖃᓄᐃᓕᖓᓕᕐᒪᖔᑕ ᐅᕗᖓ: https://www.kativik.qc.ca/en/nunavik-school-closures-update/

ᓄᓇᕕᒃ ᐃᓗᓯᓕᕆᓂᕐᒧᑦ ᐃᓅᓯᓕᕆᓂᕐᒧᓗ ᑲᑎᒪᔩᑦ ᖃᕆᑕᐅᔭᕐᑎᒍᑦ ᐱᑐᑦᓯᒪᐅᑎᖓᓄᑦ ᑕᑯᒐᓱᐊᕈᓐᓇᒥᔪᑎᑦ ᑯᐯᒃᑯᑦ ᐃᓗᓯᓕᕆᔨᖏᑦ ᖃᓄᐃᓕᖓᓕᕐᒪᖔᑕ, ᐊᑐᕐᑕᐅᒋᐊᓖᑦ ᒪᓕᒉᑦ ᐃᓕᓴᕐᕕᓄᑦ ᐃᑉᐱᒋᔭᐅᑦᓯᐊᕋᓱᐊᕆᐊᓖᓪᓗ ᐳᕐᑐᓂᖏᑦ ᓄᓇᕕᐅᑉ ᓄᓇᓕᖏᓐᓄᑦ ᑕᑯᒐᓱᐊᕈᓐᓇᒥᔭᑎᒃ ᐅᕗᖕᖓᓗᑎᑦ: http://nrbhss.ca/en/nunavik-map