Publications

ᑕᑭᔪᖅ ᑌᔭᐅᒍᓯᖓ: ᐱᒍᑦᔨᓂᐅᑉ ᐅᐱᖑᓲᓯᕐᑕᐅᒍᑎᖓ: ᓯᐊᕐᔅ ᒧᓕᐁ ᐊᐱᕐᓱᑕᐅᔪᖅ

Photo: Joseph Denis-Pelletier
2021 | 12 | 9
ᐅᓂᒃᑳᑦ

ᐊᒥᕃᔭᐅᑦ ᓄᖕᖑᐊᓂ 2021ᒥ, ᑲᑎᓯᒋᐊᕐᑐᓚᐅᔪᕗᒍᑦ ᓯᐊᕐᔅ ᒧᓕᐁᒥᒃ ᐃᓱᒻᒪᓴᕐᕕᒃ ᐃᓕᓐᓂᐊᕕᒻᒥ/ᐃᓕᓴᕐᕕᒥ, ᖁᐊᕐᑕᒥ. ᐃᓕᓭᓯᒪᓕᕐᑐᖅ/ᐃᓕᓐᓂᐊᑎᑦᓯᓯᒪᓕᕐᑐᖅ ᐊᕐᕌᒍᐃᑦ 34 ᐅᖓᑖᓄᑦ ᓄᓇᕕᒻᒥ. ᐃᓕᑕᕆᔭᐅᓚᐅᔪᕗᖅ ᐱᒐᓱᐊᒻᒪᕆᓯᒪᓂᖓ ᑖᒃᑯᓇᓂ ᐊᕐᕌᒍᒐᓵᓗᓐᓂ,  ᓯᐊᕐᔅ ᒧᓕᐁ ᑐᓂᔭᐅᓚᐅᔪᕗᖅ ᐃᓕᓴᐱ ᑕᕐᕿᐊᐱᒻᒥᒃ ᓇᓗᓀᒃᑯᑕᓕᒃ.

ᑲᑎᒍᒪᓚᐅᔪᔭᕗᑦ ᓄᐃᑦᓯᒍᒪᑦᓱᑕ ᐊᖏᕐᓯᒪᑦᓯᐊᓂᖓᓂᒃ ᓄᓇᕕᒻᒥᐅᓄᑦ, ᑐᑭᓯᒋᐊᓪᓚᕈᒪᑦᓱᑕᓗ ᐱᓇᓱᒐᖓᓂ, ᑲᔪᖏᕐᓴᐅᑎᖏᓐᓂᒃ ᐊᒻᒪᓗ ᖃᓄᖅ ᐊᑯᓂᐊᓗᒃ ᐱᓇᓱᐊᓚᕿᒍᑎᖕᖏᓂᒃ ᐊᑯᓂᐊᓗᒃ ᐃᔨᕐᑐᐊᕆᑦᓱᒋᑦ.

 

ᑕᑭᔪᖅ ᑌᔭᐅᒍᓯᖓ: ᐱᒍᑦᔨᓂᐅᑉ ᐅᐱᖑᓲᓯᕐᑕᐅᒍᑎᖓ:  ᓯᐊᕐᔅ ᒧᓕᐁ ᐊᐱᕐᓱᑕᐅᔪᖅ

 

ᕗᔮᓐᔅᒥᐅᔭᐅᑦᓱᓂ (France), ᓯᐊᕐᔅ ᒧᓕᐁ ᐃᓐᓂᐊᓯᒪᔪᖅ ᐅᑭᐅᕐᑕᑐᒧᑦ ᑲᒃᑲᓛᒍᓂᓕᒫᕐᒥᓂ/ᐱᐊᕋᐅᓂᓕᒫᕐᒥᓂ ᐊᑐᕈᒪᓯᒪᔭᕐᒥᓂᒃ ᐊᑐᕐᓱᓂ.

“ᐅᕕᒃᑲᐅᓱᖓ, ᔨᒻ ᑲᓇᑕ ᕿᒥᕐᕈᖑᐊᖏᓐᓂᒃ ᐊᓕᐊᒋᔭᖃᓪᓚᕆᑦᓯᒪᕗᖓ, ᐳᑭᕐᑕᓕᒻᒥᒃ ᐅᓂᒃᑳᑐᓂᒃ ᐊᕐᕕᑕᖃᑦᑕᑐᕕᓂᕐᒥ ᐅᑭᐅᕐᑕᑐᒥ ᕿᒧᑦᓯᓱᓂ. ᑕᒃᑯᐊ ᕿᒥᕐᕈᖑᐊᑦ ᐊᓯᐊᓂᕕᒋᕐᖃᔭᕐᓯᒪᑦᔭᖏᓪᓚᑲ!  ᐱᕕᑦᓴᖅ ᓄᐃᒻᒪᑦ, ᐃᓕᓭᔨᖕᖑᕋᓱᐊᓯᓚᐅᕐᓯᒪᕗᖓ/ᐃᓕᓐᓂᐊᑎᑦᓯᔨᖕᖑᕋᓱᐊᓯᓚᐅᕐᓯᓚᕗᖓ ᑲᑎᕕᒃ ᐃᓕᓴᕐᓂᓕᕆᔨᒃᑯᓄᑦ ᐅᑭᐅᕐᑕᑐᒥᐅᒍᒍᒪᓕᕋᒪ.

[…] ᐅᑭᐅᕐᑕᑐᒦᒍᒫᕐᓂᐊᓚᐅᔪᕗᖓ ᐊᕐᒑᒍᓕᒫᒥ ᑌᒪ… ᐊᑯᓂᓕᑦᓯᓱᖓ… ᖃᐅᔨᒪᕕᑦ ᖃᓄᖅ ᐅᒥᐊᕐᓗ ᐅᐃᐅᐃᓗ ᖃᓄᖅ ᐊᑦᔨᒌᖕᖏᑎᒋᒻᒪᖔᓐᓃᒃ?  ᐅᒥᐊᖅ ᐊᐅᓪᓚᑐᐃᓐᓇᕋᑕᓲᖅ.”

ᓱᓕᔪᒥᒃ, ᓯᐊᕐᔅ ᐊᐅᓚᑎᕆᐊᕐᓂᐅᔭᐱᕋᑕᑦᔭᖏᓪᓚᖅ. ᐊᕐᕌᒍᐃᑦ ᐊᕙᑏᑦ ᐊᓂᒍᕐᓯᒪᓕᕐᑎᓗᒋᑦ ᐃᓕᓭᔨᐅᑦᓱᓂ/ᐃᓕᓐᓂᐊᑎᑦᓯᔨᐅᑦᓱᓂ  ᐃᓄᑦᔪᐊᒥᒃ, ᐊᕐᕌᒍᓂ ᑕᓪᓕᒪᐅᔪᖕᖏᒐᕐᑐᓂ/ᖁᓕᐅᖕᖏᒐᕐᑐᓂ, ᐃᓕᓭᔨᓄᓪᓗ/ᐃᓕᓐᓂᐊᑎᑦᓯᔨᓄᓪᓗ ᐊᖓᔪᕐᑳᕆᔭᐅᑦᓱᓂ ᑰᑦᔪᐊᕋᐱᒻᒥ, ᓯᐊᕐᔅ ᐊᕐᕌᒍᓂ ᑕᓪᓕᒪᓂ ᐃᓕᓭᔨᓄᑦ/ᐃᓕᓐᓂᐊᑎᑦᓯᔨᓄᑦ ᐊᖓᔪᕐᖄᕆᔭᐅᓕᕐᑐᖅ ᐃᓱᒻᒪᓴᕐᕕᐅᑉ ᐃᓕᓴᕐᕕᖓᓂ/ᐃᓕᓐᓂᐊᕕᖓᓂ ᖁᐊᕐᑕᒥ.

ᑎᑭᑦᓱᖓ [ᐅᑭᐅᕐᑕᑐᒧᑦ],ᖃᓪᓗᓈᒍᓚᐅᔪᕗᖓ. ᐅᖃᐅᓯᒋᐊᓪᓚᑎᒍᑦ, ᐅᑭᐅᕐᑕᑐᒦᓚᐅᔪᕗᖓ ᐃᓕᓴᕐᓯᒪᓂᕋᓄᑦ/ᐃᓕᓐᓂᐊᓯᒪᓂᕋᓄᑦ ᑐᑭᓯᓯᒪᓂᕐᓅᕙᖓᓗ. ᐃᓗᕐᕈᓯᖓᓂᒃ ᐃᓕᑦᓯᓯᒪᓂᕋᓄᑦ ᐊᑐᐊᕐᓯᓯᒪᓂᕋᓄᓪᓗ. […] ᐊᕐᒑᒍᐃ ᐊᒥᓱᑦ ᐊᓂᒍᕐᑎᓗᒋᑦ, ᐃᓄᐃᑦ ᐃᓗᕐᕈᓯᖓᓄᑦ ᓯᑦᓯᑐᕐᑕᐅᓚᐅᔪᕗᖓ. ᑕᑯᑎᑎᑦᓯᓚᐅᔪᕗᑦ ᓱᓕᑦᓯᐊᑐᒥᒃ ᐃᓱᒣᓐᓇᕿᑦᓯᐊᓂᕐᒥᑦ ᐃᓅᓯᕐᒥᓗ ᓯᕘᕋᓇᑐᐃᓐᓇᕆᐊᖃᖕᖏᓂᕗᑦ ᐱᒻᒪᕆᐅᒋᐊᖓ ᑐᑭᓯᓚᐅᔪᕙᕋ.

Serge Molière Principal at Isummasaqvik school

ᐊᒻᒪᓗ, ᐊᕐᒑᒍᐃᑦ ᐊᒥᓱᑦ ᐊᓂᒍᓕᕐᑎᓗᒋᑦ, ᓯᐊᕐᔅ ᐃᓚᒋᔭᐅᓲᒍᕗᖅ ᐊᒥᓱᐃᓄᑦ ᐱᔭᑦᓴᓄᑦ: ᐅᓛᕈᒥᑕᕐᓇᓄᑦ, ᐊᐅᔭᒥ/ᐅᐱᕐᖔᒥ ᐊᑐᐊᕐᓯᒋᐅᕐᓴᓂᕐᓄᑦ, ᐱᕈᕐᓭᓯᐊᕋᓱᐊᕆᐅᕐᓴᓂᕐᓄᑦ ᐃᙯᓕᓴᕐᓂᓄᑦ (Lü Gym), ᐊᓯᖏᓐᓄᓗ ᐊᒥᓲᐃᓄᑦ. ᓯᐊᕐᔅ ᓯᕗᓂᕐᒥᑦ ᑕᑯᓐᓇᕋᓱᐊᖕᖏᓇᓲᒍᕗᖅ, ᓯᓚᑐᒐᓱᐊᕐᓱᓂ, ᐱᔭᑦᓴᓂᒃ ᐃᓱᒪᒐᓱᐊᖏᓐᓇᕋᒥ:

“ᖃᐅᔨᒪᑦᓯᐊᕋᒪ ᐃᓱᒪᖃᓕᑐᐊᕋᒪ… ᑐᖕᖓᓱᑦᑎᑕᐅᑦᓯᐊᓂᐊᕆᐊᒥᒃ ᑎᒍᔭᐅᑦᓯᐊᓗᑎᓗ ᐃᓱᒪᒋᔭᒃᑲ ᓄᑖᑦ ᐊᕐᓱᕈᓐᓇᓂᐊᕋᓗᐊᕐᑎᓗᒋᑦ ᐊᓯᑦᔨᐅᑎᐅᕋᑖᑦ ᐊᓯᑦᔨᑐᐃᓲᒍᕗᖓ. ᐊᓯᑦᔨᒍᑕᐅᔪᑦ ᓱᖏᐅᑎᔭᐅᒐᓱᐊᓲᒍᒻᒪᑕ, ᑭᓯᐊᓂ ᐊᓯᑦᔨᓃᑦ ᓱᖏᐅᑎᔭᐅᖏᖃᔭᖕᖏᑕ.”

 

ᐊᐱᕐᓱᑎ: ᑕᑯᓐᓈᕋᒃᑭᑦ ᓱᓕᑦᓯᐊᕋᕕᑦ  ᐅᖄᓕᑐᐊᕋᕕᑦ, ᑭᐅᒍᓐᓇᖏᐅᒪᓂᐊᕐᖂᕋᕕᑦ ᐊᐱᕐᓲᑎᒐᓂᒃ, ᑭᓯᐊᓂ ᑭᐅᒍᓐᓇᐸᒻᒪ ᖃᖓ ᐃᒻᒥᓂᒃ ᐅᐱᒋᓪᓚᕆᓐᓂᒪᖔᕐᐱᑦ ᐃᒻᒥᓂᒃ?

ᓯᐊᕐᔅ ᒧᓕᐁ: ᐅᓪᓗᑕᒫᑦ! […] ᐅᓪᓗᐃᑦ ᐃᑭᑦᑐᐊᐲᑦ ᐊᓂᒍᕐᓯᒪᓕᕐᖁᑦ ᐱᓇᓱᐊᕆᐊᓕᕋᒪ ᐊᓕᐊᓇᓚᐅᕐᓯᒪᖕᖏᑐᐃᑦ, ᑲᒃᑲᓛᓂᒃ/ᐱᐊᕋᕐᓂᑦ ᑕᑯᓕᕋᒪ. ᖃᓂᒪᓇᖃᕋᓗᐊᕐᑎᓗᒍ ᑲᒃᑲᓛᕋᐱᑦ/ᐱᐊᕋᐲᑦ ᑕᑯᓲᒍᐃᓐᓇᖁᑦ ᐅᕙᓐᓂᒃ ᐊᕐᐸᓯᕙᑦᓱᑎᒃ ᐅᕙᓐᓄᑦ ᐃᕿᑦᓯᒋᐊᕐᑐᓱᑎᒃ. ᑕᒪᓐᓇ ᐃᓚᓪᓚᕆᐊᓗᖓ ᐱᔫᒥᐅᑎᒻᒪ. […]ᑌᒃᑯᐊ…ᑌᒃᑯᐊ ᐊᖏᔪᐊᓗᒻᒥᒃ ᙯᑦᓯᓲᑦ. ᐁᑦᑐᑎᒋᒐᔭᕐᑕᒪ ᐅᖓᑖᓄᐊᓗᒃ. ᐊᖏᔪᐊᓗᒻᒥᒃ ᐃᓕᑦᓯᕕᒋᓯᒪᔭᒃᑲ ᐃᓕᓴᕋᔭᕈᒃᑭᑦ.

ᐊᖑᑎᒃ ᑕᐅᑦᑐᓄᑦ ᑕᑕᑦᑐᖅ, ᓀᑦᑑᑎᓂᒃ ᑐᓴᕈᒥᓇᕐᑐᓂᒃ ᐅᓂᒃᑲᐅᓯᑦᓴᖃᕐᓱᓂ, ᐊᑑᑎᓯᒪᔭᖏᓪᓗ ᐊᒥᓱᐃᒍᑦᓱᑎᒃ ᖃᐅᔨᓴᕐᓯᒪᑦᓱᓂᓗ ᐊᐅᓚᔨᔭᖏᑦ ᑐᓴᕐᓱᒋᑦ, ᓯᐊᕐᔅ ᐅᖃᐅᓯᖃᕐᒥᔪᖅ ᓯᓚᑐᓂᕐᒥᒃ ᐃᓕᓭᔨᐅᕙᓐᓂᐊᑐᓄᑦ/ᐃᓕᓐᓂᐊᑎᑦᓯᔨᐅᕙᓐᓂᐊᑐᓄᑦ ᓯᕗᓂᕐᒥ:

ᐅᖃᐅᑎᓲᒃᑲ, ᑐᖕᖓᕕᖃᖁᑦᓱᒋᑦ ᒪᓕᓗᒍ ᐊᓐᓇᐅᒪᒐᓱᐊᕐᓂᒧᑦ ᐅᑭᐅᕐᑕᑐᒥ. ᐱᖁᔭᖃᕐᓗᑎᒃ ᐃᒻᒥᓂᒃ ᐅᖃᐅᔨᓂᕐᒥᒃ ᐱᖓᓱᕕᓪᓗᑎᒃ “ᕿᓄᐃᓵᕆᑦ” ᓚᖃᑦᑕᓗᑎᒃ ᐊᒻᒪᓗ ᑌᒪᑦᓭᓇᖅ ᐃᒻᒥᓂᒃ ᐅᖃᐅᔨᓂᕐᒥᒃ ᐱᖓᓱᕕᓪᓗᑎᒃ “ᐅᖃᕆᐊᑦᓯᐊᕆ” ᓚᖃᑦᑕᓗᑎᒃ

 

ᐊᐱᕐᓱᑎ: ᖃᖃᖃ! ᐃᖃᐅᒪᒐᓱᐊᕆᐊᒥ ᐱᔭᕆᐊᑑᒍᖕᖏᑐᖅ ᑕᒪᓐᓇ.

ᓯᐊᕐᔅ ᒧᓕᐁ: ᐱᔭᕆᐊᑑᒍᖕᖏᑑᒐᓗᐊᖅ ᑭᓯᐊᓂ ᐊᑐᕐᓂᖃᑦᓯᐊᑐᖅ!