ᑐᓴᕐᑎᓯᒍᑎ: ᐃᓕᓵᑦ ᐅᕕᒐᕐᑐᑦ ᐃᓕᓴᕐᕕᖏᓐᓅᓕᖓᔪᑦ ᖃᐅᔨᓴᕐᑕᐅᒍᑏᑦ

2022 | 01 | 26

ᐃᓕᓵᑦ ᐅᕕᒐᕐᑐᑦ ᐃᓕᓴᕐᕕᖏᓐᓅᓕᖓᔪᑦ ᖃᐅᔨᓴᕐᑕᐅᒍᑏᑦ

ᓯᑉᑎᒻᐱᕆ 9, 2021-ᒥ, ᑐᕐᖃᑌᔨ Minister Roberge-ᒧᑦ ᖃᐅᔨᑎᑕᐅᓚᐅᔪᒐᑦᑕ ᐊᓯᑦᔨᑐᓂᒃ ᐃᓕᓐᓂᐊᑏᑦ ᐃᓕᓐᓂᐊᕕᓐᓂ ᖃᐅᔨᓴᕐᑕᐅᒍᓯᖏᓐᓂᒃ ᓱᕐᕃᔪᓂᒃ.

ᑖᒃᑯᐊ ᐊᓯᑦᔨᑐᑦ, ᐱᒋᐊᕐᕕᖃᕐᓯᒪᔪᑦ 2021-2022-ᒧᑦ ᐃᓕᓐᓂᐊᓂᕐᒥ ᐱᔭᖃᑦᓯᐊᕈᑎᑦᓭᑦ ᐃᓂᕐᕋᓯᒋᐊᓪᓚᑎᑕᐅᓂᖏᓐᓄᑦ ᐸᕐᓀᒍᑎᒥᑦ:  ᐃᓕᓐᓂᐊᓂᖅ ᖃᓂᒻᒪᓯᐅᑉ ᓄᓇᕐᔪᐊᒥ ᐊᑑᑎᓂᖓᑕ ᑭᖑᓂᐊᒍᑦ, ᑐᕌᒐᓖᑦ ᐊᓯᑦᔨᑐᕐᑕᐅᒋᐊᖃᓚᕿᔪᓂᒃ ᖃᓂᒻᒪᓯᐅᑉ ᐊᑑᑎᓂᖓᑕ ᐱᔮᓄᑦ ᐊᓯᑦᔨᑐᐃᓂᕐᒥᒃ ᐊᒻᒪᓗ ᓄᓇᕕᒻᒥ ᐊᑐᕐᑎᑕᐅᓚᖓᒻᒥᓱᑎᒃ.

ᐊᒡᓚᓯᒪᔪᓂ ᐊᓪᓕᓂ ᑕᑯᓚᖓᕗᑎᑦ ᖃᓄᐃᓕᖓᓪᓗᑯᐊᐱᒍᓯᒋᓂᐊᕐᑕᖏᓐᓂᒃ ᑕᒡᒐᓂ ᐊᕐᕌᒍᒥ ᐊᑐᕐᑎᑕᐅᔪᓂᒃ ᐃᓕᓐᓂᐊᑏᑦ ᐃᓕᓐᓂᐊᕕᓐᓂ ᖃᐅᔨᓴᕐᑕᐅᓂᖏᓐᓅᓕᖓᔪᓂᒃ.

ᐊᕐᕌᒍ-ᐃᓱᓕᑦᑎᓗᒍ ᖃᐅᔨᓴᕐᑕᐅᒍᑏᑦ

ᑕᒡᒐᓂ ᐊᕐᕌᒍᒥ, ᑐᕐᖃᑕᕐᕕᑯᑦ ᐊᕐᕌᒍ-ᐃᓱᓕᑦᑎᓗᒍ ᖃᐅᔨᓴᕈᑎᖏᓐᓂᒃ ᖃᐅᔨᓴᕐᑕᐅᓛᕐᑐᑦ. ᐅᓄᕐᓂᒋᔭᐅᑎᑕᐅᓛᕐᑐᑦ ᑖᒃᑯᓄᖓ ᐊᑐᕐᑕᐅᒋᐊᓕᓐᓄᑦ ᖃᐅᔨᓴᕐᑕᐅᒍᑎᓄᑦ ᑭᖑᓪᓕᐹᖓᓂᒃ ᖁᕝᕙᕆᐊᕈᑎᑖᖓᑕ 10%-ᖓᓂᒃ ᐋᕐᕿᒋᐊᕐᑕᐅᓯᒪᒍᑎᖃᓛᕐᑐᐃᑦ.  ᐃᓘᓐᓇᖏᓐᓅᓕᖓᔪᑦ ᖃᐅᔨᓴᕈᑎᓄᑦ ᐅᓄᕐᓂᒋᔭᐅᑎᑕᐅᓛᕐᑐᑦ ᐋᕐᕿᒋᐊᕐᑕᐅᓯᒪᒍᑎᖃᓛᕐᑐᐃᑦ 20%-ᖓᓂᒃ ᑭᖑᓪᓕᐹᖓᓂᒃ ᖁᕝᕙᕆᐊᕈᑎᑖᖓᑕ.

ᐃᓕᓐᓂᐊᒐᖏᓐᓂᒃ ᑐᓴᕐᑎᓯᒍᑏᑦ

ᖃᐅᔨᓴᕐᑕᐅᓂᕕᓂᖅ ᐃᓕᓵᓄᑦ ᑐᓴᕋᑦᓴᐅᓕᕐᒥᔪᖅ ᐳᒃᑭᓂᕐᓴᓄᑦ ᑲᑎᕕᒃ ᐃᓕᓴᕐᓂᓕᕆᔨᒃᑯᑦ ᒪᓕᖃᑦᑕᑐᑦ ᐅᓪᓗᑕᒫᕐᓯᐅᑎᓂᒃ ᐊᖏᕐᑕᐅᔪᕕᓂᕐᓂᒃ ᑯᐯᒃ ᐃᓕᓐᓂᐊᓂᓕᕆᔨᒃᑯᖏᓐᓄᑦ.

  • ᒪᕐᕈᐃᑦ ᑐᓴᕐᑎᓯᐅᑏᑦ ᑐᔫᑕᐅᒍᒫᕐᓂᐊᑐᑦ ᐊᖓᔪᕐᖄᕆᔭᐅᔪᓄᑦ ᐃᓕᓴᕐᓇᐅᑉ 2021-2022 ᐊᕐᕌᒍᖓᑕ ᐃᓗᐊᓂ. ᓯᕗᓪᓕᖅ ᑐᓴᕐᑎᓯᐅᑎᕕᓂᖅ ᑐᔫᑕᐅᓚᐅᔪᕗᖅ ᓇᑦᔪᐃᔭᕐᕕᒃ 2021-ᒥ ᑐᖓᓕᐊᓂ ᑐᓴᕐᑎᓯᐅᑎᒃ ᑐᔫᑕᐅᓛᕐᒥᔪᖅ ᑎᕆᓪᓗᓕᐅᑦ 22, 2022 ᐅᖓᑖᓅᖏᑐᖅ. ᓄᓇᓕᓐᓂ ᐃᓕᓴᕐᕕᒥᓂᒃ ᐅᒃᑯᐊᓯᒪᔨᐊᓕᕕᓂᕐᓂ ᖃᓂᒪᓇᖅ 19 ᐱᑦᔪᑎᒋᑦᓱᒍ ᐅᑯᓇᓂ ᑕᕐᑭᓂ  ᐅᑭᐅᓕᕉᑦ,  ᓇᑦᔪᐃᔭᕐᕕᒃ ᐊᒻᒪᓗ ᐋᕐᔪᓕᐅᒥ ᐊᖓᔪᕐᖄᕆᔭᐅᔪᐃᑦ ᑐᓴᕐᑎᑕᐅᒻᒣᑑᑐᐃᓐᓇᕆᐊᓖᑦ ᑐᓴᕐᑎᓯᒋᐊᖕᖓᐅᑎᖃᕐᑐᕕᓂᐅᑎᓪᓗᒍ.
  • ᒪᕐᕈᐃᑦ ᐃᓕᓴᐅᑎᕕᓃᑦ ᑐᓴᕐᑎᑕᐅᒍᑎᖏᑦ ᑐᔫᑕᐅᓛᕐᑐᐃᑦ ᐊᖓᔪᕐᑳᕆᔭᐅᔪᓄᑦ ᑕᕝᕙᓂ ᐊᕐᕌᒍᒥ. ᐃᓕᓴᐅᑎᕕᓂᕐᓂᒃ ᑐᓴᕐᑎᓯᒋᐊᖕᖓᐅᑎᒃ ᑐᔫᑕᐅᓚᕐᑐᖅ  ᐊᕕᓐᓂᑎ 11, 2022 ᐅᖓᑖᓅᖏᑐᖅ. ᑐᖓᓕᐊᓂ ᐃᓕᓴᐅᑎᕕᓂᕐᓂ ᑐᓴᕐᑎᑕᒍᑎᒃ ᑐᔫᑕᐅᓚᕐᑐᖅ ᑐᕓᔮᕈᑦ 10, 2022 ᐅᖓᑖᓅᖏᑐᖅ.
  • ᐃᓕᓐᓂᐊᓇᐅᑉ ᐊᕐᕌᒍᖓ ᐊᒡᒍᑕᐅᓯᒪᒍᓯᖃᓚᖓᔪᖅ ᒪᕐᕈᐃᖑᓗᑎᒃ ᐊᕕᑦᑐᓯᒪᓂᒋᒃ, ᑖᒃᑯᐊ ᐅᓄᕐᓂᖃᕐᑎᑕᐅᑎᓪᓗᒋᒃ ᖃᐅᔨᓴᕈᑎᓄᑦ 40% ᓯᕗᓪᓕᒧᑦ ᐊᕕᑦᑐᓯᒪᓂᖓᓄᑦ ᐃᓕᖓᔪᑦ ᐊᒻᒪᓗ 60% ᑐᖓᓕᐊᓄᑦ ᐊᕕᑦᑐᓯᒪᓂᕐᒧᑦ ᐃᓕᖓᔪᑦ, ᓱᕐᖁᐃᓯᒍᑎᐅᑎᓪᓗᒋᑦ ᑭᖑᓪᓕᐹᓂᒃ ᖁᕝᕙᕆᐊᕈᑎᑖᖏᑦᑕ ᑎᑭᐅᑎᔭᖏᓐᓂᒃ. ᐃᓕᓵᑉ ᐊᓂᒎᑎᒐᓱᐊᕐᓂᖓ ᖁᕝᕙᕆᐊᕈᑎᒥᒃ ᑭᑎᑦᔪᑎᑎᒍᑦ ᐋᕐᕿᒋᐊᕐᑕᐅᓛᕐᑐᐃᑦ ᐃᓕᓵᖅ ᖃᐅᔨᓴᕐᑕᐅᖃᔭᕐᑐᕕᓂᐊᖕᖏᐸᑦ ᐅᑭᐊᑦᓴᐅᓚᐅᕐᑐᒥ, ᐃᓕᓴᕐᕖᑦ ᐅᒃᑯᐊᓯᒪᓂᑯᕕᓂᖏᓐᓄᑦ.
  • ᐊᑐᓂ ᐃᓕᑦᓯᔨᔭᐅᓯᒪᒋᐊᓕᒃ ᖃᐅᔨᓴᕐᑕᐅᒍᑎᑕᖃᕆᐊᓕᒃ ᐃᓕᓐᓂᐊᓇᐅᑉ ᐊᕐᕌᒍᖓᑕ ᐊᕕᑦᑐᓯᒪᓂᖓᑕᒫᖅ.