ᑐᓴᓚᐅᕐᓯᒪᔦᑦ ᑖᓐᓇ? ᐊᒥᓱᐃᖑᑦᓱᑎᒃ 25 ᐃᓕᓐᓂᐊᑏᑦ ᐃᒍᐊᕐᓯᕕᐅᑉ ᐃᓕᓐᓂᐊᕕᖓᓂᒃ ᓵᓚᖃᕐᓯᒪᑐᐃᓐᓇᖕᖏᑐᑦ ᐱᒋᐊᕐᑎᓯᓂᕐᒥᒃ ᑌᔭᐅᓂᓕᒻᒥᒃ ᓵᓚᖃᐅᑎᒥᒃ, ᐃᓚᒋᔭᐅᔪᖅ ᐃᐊᔅᓱᐊᕐ ᐃᓕᑕᕆᐅᑎᒃ ᐁᑦᑑᑏᑦ ᐊᕕᑦᑐᓯᒪᔪᖁᑎᖏᓐᓂ, ᑭᓯᐊᓂ ᑕᑯᒥᓇᕐᑐᓕᐅᑕᖏᑦ ᑕᑯᑦᓴᐅᑎᑦᓯᕕᒻᒦᒥᔪᑦ ᑯᐯᒃ ᓄᓇᓕᐸᐅᔭᖓᑕ ᑕᑯᒐᔭᕐᖃᕕᒃ ᑕᑯᒥᓇᕐᑐᐃᑦ-ᑕᑯᒥᓇᕐᑐᓕᐊᖑᒪᔪᑦ ᑯᐯᒃᒥ (MNBAQ) ᑎᑭᓪᓗᒍ ᔫᓂ 2, 2024.

ᑲᑎᓯᓚᐅᔪᒍᑦ ᐃᑭᑦᑐᓂᒃ ᐃᓚᐅᓪᓚᕆᓯᒪᔪᓂᒃ ᑖᑦᓱᒧᖓ ᐱᓇᓱᐊᕐᓂᐅᔪᒧᑦ ᑌᒫᒃ ᐅᖃᐅᔾᔨᒍᑎᒋᒍᓐᓇᓯᓚᕿᑦᓱᒍᑦ ᐃᓕᓐᓄᑦ.  ᑕᕝᕙᓂ ᑐᓴᐅᒪᖃᑎᖃᕈᒪᕗᒍᑦ ᑐᓴᕋᑦᓴᒋᐊᓪᓚᐅᔪᓂᒃ ᑕᒪᑦᓱᒪ ᑕᑯᓐᓇᒐᑦᓴᐅᔫᑉ ᒫᓐᓇ ᑕᕝᕙᓂ MNBAQ-ᒥ.

ᑕᑯᑦᓴᐅᑎᑦᓯᒍᑎᒃ ᑕᕐᕋᑑᑎᖅ | ᑌᒪ, ᒫᓐᓇᐅᔪᖅ ᓄᐃᑕᑎᑕᐅᔪᖅ ᑕᕝᕙᓂ ᑕᑯᒐᔭᕐᖃᕕᒃ ᑕᑯᒥᓇᕐᑐᐃᑦ-ᑕᑯᒥᓇᕐᑐᓕᐊᖑᒪᔪᑦ ᑯᐯᒃᒥ (MNBAQ), ᓲᖑᔪᒻᒪᕆᐅᑦᓱᓂ ᐆᑦᑐᕋᐅᑎᐅᔪᖅ ᐱᓇᓱᐊᖃᑎᒌᒍᓐᓇᓂᕐᒥᒃ ᑕᐅᕐᓯᑲᑦᑕᐅᑎᓂᕐᓗ ᐊᑑᑎᑦᓱᓂ ᑖᒃᑯᐊᓗ ᑕᕐᕋᒥᐅᑦ ᓯᕿᓂᕐᒥᐅᓗ.  ᓄᐃᑕᑎᑦᓯᒥᑦᓱᓂᓗᑦᑕᐅᖅ ᖃᓄᐃᓕᖓᓂᖓᓂᒃ ᐃᓱᒪᐅᒐᕐᓂᐅᔫᑉ ᐱᓇᓱᐊᕐᓂᖓᑕ ᑐᑭᒧᐊᕐᑎᑕᐅᑦᓱᓂ ᐃᒣᓪᓗᐊᑎᒋᔪᒥᒃ ᐊᕐᕌᒍᓂ ᐱᖓᓱᑲᓵᓂᒃ ᐃᑉᐱᓂᐊᕐᓂᖃᑦᓯᐊᑐᓄᑦ ᐱᓇᓱᐊᕐᑎᖁᑎᖏᑦᑕ ᓴᐅᕕ ᓕᐊᔅᓵᕐᑦ-ᓚᑖᖕᑎᕆᐊᔅ (ᓯᕗᓕᕐᑎᒋᔭᐅᔪᖅ ᑕᑯᒥᓇᕐᑐᓕᐅᕐᓂᒧᑦ ᖃᓄᐃᖕᖏᓯᐊᕐᓂᒧᓪᓗ ᐃᓱᒪᐅᒐᕐᓂᒧᑦ, MNBAQ-ᑎᒍᑦ ᐃᓱᒪᐅᒐᕐᓂᒧᑦ ᐱᓇᓱᐊᕐᕕᒃ) ᔭᔅᑕᓐ ᐳᓛᓰᓗ (ᑲᒪᔨᒻᒪᕆᒃᒃ ᖃᕆᑕᐅᔭᑎᒍᑦ ᐃᓕᓐᓂᐊᓂᕐᒥᒃ ᐃᓗᓕᓕᒃ, MNBAQ ᐃᓱᒪᐅᒐᕐᓂᒥᒃ ᐱᓇᓱᐊᕐᕕᒃ).

ᒪᓕᑦᑕᐅᓱᓂ ᐃᓕᓐᓂᐊᑎᑦᓯᔨ ᓈᑕᓕ ᑯᓘᑦ, ᐱᓇᓱᐊᖃᑎᖃᕐᓱᓂᓗ ᑖᑦᓱᒥᖓ MNBAQ-ᒥ, ᐃᓕᓐᓂᐊᑏᑦ ᐃᒍᐊᕐᓯᕕᐅᑉ ᐃᓕᓐᓂᐊᕕᖓᓂ ᐱᕕᑦᓴᖃᕐᑎᓯᕗᑦ ᖃᓄᐃᓕᖓᑎᑦᓯᓂᖃᒋᐊᓪᓚᓂᕆᒐᔭᕐᑕᒥᓂᒃ ᑖᒃᑯᓂᖓ ᖁᓖᑦ ᐱᓇᓱᐊᕐᓃᑦ ᑕᕝᕙᖓ ᑕᑯᔭᒐᖃᕐᕕᐅᑉ ᓄᐊᓯᒪᔭᖏᓐᓂᒃ.

ᐱᓇᓱᐊᕐᓃᑦ ᓴᓇᔭᐅᒪᔪᑦ ᐃᓕᓐᓂᐊᑎᓄᑦ ᓂᕕᖕᖓᑕᐅᒪᔪᑦ ᑕᕝᕙᓂ ᐱᐊᕐ ᓚᔅᓲᓐᑦ ᑕᑯᔭᒐᖃᕐᕕᖓᓂ ᐃᑎᕆᐊᕐᕕᖓᑕ ᐃᓪᓗᐊᓘᑉ ᐹᖓᓂ.  ᐊᕙᓂᒋᐊᕌᐱᑐᐃᓐᓇᖅ, ᑕᑯᑦᓴᐅᔪᑦ ᓄᐃᑎᑕᐅᒋᐊᓕᕐᕿᓯᒪᑦᓱᑎᒃ ᐱᓪᓗᑯᑦᑐᑎᒍᑦ ᓴᓇᔭᐅᒪᑦᓱᓂ ᓄᐃᑦᑕᑎᑦᓯᕕᐅᔪᒃᑯᑦ. ᑕᒫᓂ, ᐃᕗᔨᕕᐅᑉ ᐃᓕᓐᓂᐊᑎᖓ ᕕᓕᓯ ᐋᑕᒻᔅ ᓄᐃᑦᓯᓯᒪᔪᖅ ᐊᒥᓱᐃᓂᒃ ᖃᕆᑕᐅᔭᑎᒍᑦ ᐊᔾᔨᖑᐊᓂᒃ ᓄᐃᑕᑎᑦᓯᔪᓂᒃ ᐹᕐᓯᖓᐅᑎᔪᓂᒃ ᑖᒃᑯᐊᓗ ᐳᔪᕐᓗᒃ ᑌᒫᒃ ᓱᕐᕃᒪᑦ ᐅᑭᐅᕐᑕᑑᑉ ᐊᕙᑎᖓᓂᒃ ᑌᑦᓱᒪᓂᑕᙯᓪᓗ ᖃᓄᐃᓘᕐᓂᐅᔪᑦ ᐃᓄᐃᑦ ᐊᑑᑎᓲᖏᑦ ᓄᓇᒦᓕᕋᒥᒃ.

ᑖᑦᓱᒪ ᓲᕕ ᓓᓵᕐ-ᓛᑖᖕᑎᕆᐊᔅ, ᑕᑯᑦᓴᐅᑎᑦᑕᐅᓂᖏᑦ ᐱᓇᓱᐊᕐᑕᐅᒪᔪᑦ ᑖᒃᑯᓄᖓ ᐃᓅᓱᒃᑐᐃᑦ/ᐅᕕᒃᑫᑦ ᐃᓄᐃᑦ ᓇᐅᓕᒫᓄᑦ ᐃᓂᒋᔭᐅᔪᒥ ᐃᒫᒃ ᑕᑯᔭᒐᖃᕐᕕᒃ ᑭᒡᒐᑐᐃᒻᒪᑦ ᓱᖑᔪᒻᒪᕆᒻᒥᒃ ᓴᓇᕐᕈᑎᒥᒃ ᐱᒐᓱᐊᕐᓂᒧᑦ ᓄᐃᑕᑎᑦᓯᓂᕐᒥᒃ ᑕᒣᓐᓄ ᐃᓄᓐᓂᒃ ᑕᑯᔭᒐᖃᕐᕕᑎᓐᓂᓗ.

ᑯᐯᒃᒦᒍᕕᑦ ᑖᒃᑯᓇᓂ ᐱᓇᓱᐊᕈᓯᓐᓂ ᙯᔪᓂ, ᑕᑯᓂᐊᑫᓐᓇᓛᕐᖁᑎᑦ ᑕᕝᕗᖓ MNBAQ-ᒧᑦ. ᑕᑯᑦᓇᑕᐅᒐᑦᓴᖅ ᑕᕐᕋᑑᑎᖅ | ᑌᒪ ᑕᑯᑦᓴᐅᕕᒻᒦᑎᑕᐅᓚᖓᔫᒃ ᔫᓂ 2, 2024 ᑎᑭᓪᓗᒍ.

ᑲᑎᓗᒍ ᐃᓕᓐᓂᐊᑎᑦᓯᔨᒃ ᑐᑭᒧᐊᕐᑎᓯᓚᐅᕐᑐᖅ ᑖᑦᓱᒥᖓ ᐱᓇᓱᐊᕐᓂᐅᔪᒥᒃ ➔

ᖃᐅᔨᓗᒋᑦ ᑕᑯᒥᓇᕐᑐᓕᐊᕕᓃᑦ ᓇᕝᕚᓗᒋᓪᓗ ᓱᓇᓂᒃ ᐃᓕᓐᓂᐊᑏᑦ ᓇᒻᒥᓂᖅ ➔