ᓄᐃᑦᓯᓂᖅ ᐃᓄᑦᑎᑐᑦ ᐊᓪᓚᓂᐊᒐᕐᓂ ᖃᕆᐊᓕᒫᓄᑦ ᓄᓇᕕᒻᒥ

ᓄᓇᕕᒻᒥ, ᑭᖕᖒᒪᑦᓯᓂᖅ ᐃᓄᑦᑎᑐᑦ ᐊᓪᓚᓂᐊᒐᑦᓴᖃᕐᓂᖅ ᓄᐃᑕᓕᕐᑐᖅ ᐊᑯᓂᐊᓗᒃ. ᐱᓇᓱᖃᑎᖃᕐᓱᑕ ᓄᓇᕗᑦ ᐊᕐᑖᖅ ᑐᓴᕐᑎᓯᕕᖓᓂ, ᑲᑎᕕᒃ ᐃᓕᓴᕐᓂᓕᕆᓂᖅ ᓄᐃᑦᓯᓯᒪᓕᕐᖁᖅ 50 ᓂᑦ ᐳᕐᑐᓂᓕᓐᓂᑦ ᐊᓪᓚᓂᐊᒐᕐᓂᑦ ᐅᕕᒃᑫᑦ ᐃᓕᑦᓯᒍᑎᑦᓴᖏᓐᓂᑦ ᐃᑲᔪᕐᓯᒍᑎᑦᓴᖏᓐᓂᓗ ᖃᕆᐊᓂᑦ ᐊᑦᑐᐊᓂᖃᕐᓱᑎᒃ ᐃᓕᓐᓂᐊᑏᑦ ᐅᖃᐅᓯᖏᓐᓂᑦ ᓇᔪᕐᑕᖏᓐᓂᓗ.

ᑲᒻᒋᔭᖃᕐᓂᖅ ᑭᖕᖒᒪᒋᔭᐅᔪᒥᒃ ᐊᓪᓚᓂᐊᒐᓕᕆᓂᕐᒥᒃ ᖃᕆᐊᓂᑦ ᓄᓇᕕᓕᒫᕐᒥ

ᐃᓕᓐᓂᐊᑎᑦᓯᔨᓄᑦ ᓄᓇᕕᒻᒥ, ᐃᓚᑰᓂᖓ ᖃᐅᔨᒪᔭᐅᑦᓯᐊᖁᖅ. ᐊᔪᕐᓇᖏᓐᓂᓴᐅᓲᖅ ᕿᓂᕐᓱᓂ ᓱᓇᒐᓚᓐᓂᑦ ᖃᓗᓈᑎᑐᑦ ᐅᐃᒌᑎᑐᓪᓪᓗ, ᐃᑲᔫᑎᑦᓭᑦ ᐃᓄᒃᑎᑑᕐᑐᑦ ᐊᑦᑐᐊᓂᓖᑦ ᐃᓕᓐᓂᐊᑏᑦ ᐅᖃᓯᕐᖄᖏᓐᓄᑦ,ᐃᓗᕐᕈᓯᖏᓐᓄᑦ,ᖃᐅᑕᒫᓪᓗ ᐃᓅᓯᖏᓐᓄᑦ ᐊᑦᑐᐊᔪᓂᑦ ᐱᑕᖃᓪᓗᐊᖏᓐᓂᓴᐅᑦᓱᓂ.

ᕖᐱ ᓭᖕ,ᐊᓪᓚᓂᐊᕆᐅᕐᓴᓂᕐᒥᒃ ᐊᓪᓚᒋᐅᕐᓴᓂᕐᒥᒃ ᐱᕙᓪᓕᑎᑦᓯᔨ ᑲᑎᕕᒃ ᐃᓕᓴᕐᓂᓕᕆᓂᖅ ᐃᑲᔪᕐᓯᕕᒻᒥ,ᕕᓂ ᐱᐊᕋᓐᓗ, ᐃᓕᓐᓂᐊᕈᑎᕆᔨ ᐃᓕᓐᓂᐊᓂᓕᕆᓂᕐᒥ, ᖃᐅᔨᓯᒪᓕᕐᖂᒃ ᓇᒻᒥᓂᖅ ᐃᓚᑯᓂᑦ. ᕕᓂ ᑖᑦᓱᒥᖓ ᐱᓇᓱᒐᕐᑖᓚᐅᕋᓂ 20 ᓂ ᐊᕐᕌᒍᓂ ᐅᖃᐅᓯᖃᕐᖄᓂᕐᒥᒃ ᐃᓕᓐᓂᐊᑎᑦᓯᔨᕕᓂᖅ. ᑌᑲᓂ ᐱᓇᓱᑦᓱᓂ, ᑕᑯᖃᑦᑕᑐᕕᓂᖅ ᓱᓇᖃᑦᓯᐊᖏᓪᓚᕆᓐᓂᖓᓂᒃ ᐅᕕᒃᑲᓄᑦ ᐃᓕᓐᓂᐊᑎᓄᑦ. “ᑭᖑᓂᑦᑎᓂ ᐃᓄᐃᑦ ᐊᓪᓚᓂᐊᒐᓕᐅᓲᕕᓃᑦ”, “ᑭᓯᐊᓂ ᐱᑕᖃᓪᓗᐊᖏᑦᑐᖅ, ᐃᑉᐱᒍᓱᑦᑐᒍᑦ ᐃᓚᒋᐊᕆᒋᐊᖃᓪᓚᕆᓐᓂᒥᒃ ᓄᐃᑕᒌᕐᑐᓂ ᑲᑎᕕᒃ ᐃᓕᓴᕐᓂᓕᕆᓂᕐᒥ.”

2018 2020 ᓗ ᓄᙳᐊᓂ, ᕕᓂᓗ ᑲᑎᕆᓐ ᑎᐊᓐᔅ ᓗ ᐱᓇᓱᐊᓚᐅᔫᒃ ᐊᒥᓱᓂᒃ ᓄᑖᓂᑦ ᐊᓪᓚᓂᐊᒐᓕᐅᕐᓱᑎᒃ, ᑲᑎᕕᒃ ᐃᓕᓴᕐᓂᓕᕆᓂᖅ ᐅᖃᕆᐅᕐᓴᐅᑎᖏᓐᓂᑦ, ᐊᓯᖏᓪᓗ ᐃᓚᐅᔪᑦ ᐅᖃᐅᓯᖄᓕᕆᓂᕐᒥᒃ ᓄᐃᑦᓯᕙᓪᓕᐊᓂᕐᒥᒃ ᐱᓇᓱᖃᑎᒌᑦ. 2020 ᒥ, 8 ᐊᕐᕚᖅ ᐱᕙᓪᓕᐊᔪᓕᕆᕕᖓᓂ ᐊᓪᓚᓂᐊᒉᑦ ᓄᐃᑕᐅᓕᕐᓂᖁᑦ ᑐᕌᖓᑎᑕᐅᑦᓱᑎᒃ ᐅᖃᐅᓯᖏᓐᓄᑦ ᓄᓇᓖᑦ ᐊᑐᓂ ᐊᑐᕈᓐᓇᓯᑎᑕᐅᑦᓱᑎᓗ ᖃᕆᑕᐅᔭᑎᒍᑦ ᐃᓕᓐᓂᐊᕖᑦ ᐅᒃᑯᐊᑕᐅᒪᑎᓪᓗᒋᑦ ᖃᓂᒪᓐᓇᔪᐊᖃᕐᑎᓗᒍ. ᑕᒃᑯᐊ 50 ᓄᑖᑦ ᐱᒋᐊᕐᑎᑕᐅᒪᓕᕐᑐᑦ ᓯᕗᓂᐊᒍᑦ ᐱᓇᓱᐊᕐᑕᐅᖃᑦᑕᓚᐅᕐᑐᓂ.

ᐃᓕᓐᓂᐊᑎᑦᓯᔩᑦ ᑭᓇᓕᒫᒃᑯᓄᑦ ᐃᓱᒫᓘᑎᒥᓂᒃ ᓂᓪᓕᖃᑦᑕᓚᐅᕐᐳᑦ ᐃᓄᑦᑎᑐᑦ ᐊᓪᓚᓂᐊᒐᖃᑦᓯᐊᖏᓐᓂᐅᑉ ᒥᑦᓵᓄᑦ. 2023 interview with Le Devoir, ᐃᓕᓐᓂᐊᕆᐊᖕᖓᑐᓂ ᐃᓕᓐᓂᐊᑎᑦᓯᔨ ᐃᓕᓴᐱ ᑲᓪᓚᒃ ᓂᓪᓕᓂᕐᒥᔪᖅ ᐱᐊᕃᑦ ᐅᖃᐅᓯᕐᒥᓂᒃ ᐊᓯᐅᔨᓕᕐᒪᑕ ᐃᓕᓐᓂᐊᕆᐊᕐᐸᓕᕐᓱᑎᓗ ᐊᑦᓱᕉᓚᓪᓚᕆᑦᓱᑎᒃ ᐃᓄᑦᑎᑐᑦ.

ᑕᒪᓐᓇ ᓄᑖᖅ ᐱᔭᑦᓴᓕᐊᖑᓯᒪᔪᖅ ᐱᕈᕐᐸᓕᐊᔪᖅ ᐊᑦᔨᒌᑦᓯᐊᒥ ᐃᓅᓯᕐᒥ. ᐊᕗᖓᐅᓖᒋᐊᕐᓱᓂᓗ ᐱᓇᓱᒐᑦᓴᓂ ᐃᓕᓐᓂᐊᑎᑦᓯᔨᓄᑦ, ᐃᓕᓐᓂᐊᕈᑎᓕᕆᔩᑦ ᐱᓇᓱᖃᑎᒌᑦ ᐊᓯᖏᓪᓗ ᐱᓇᓱᑦᑏᑦ ᐃᓚᐅᔪᑦ ᓄᓇᕕᒻᒥ ᑖᑦᓱᒥᖓ ᐊᒥᓱᓂ ᐊᕐᕌᒍᓂ ᐱᓇᓱᐊᕐᓯᒪᓕᕐᑐᑦ. ᑐᕌᒐᖏᑦ: ᓄᐃᑦᓯᓂᖅ ᐱᒋᐊᕐᑎᓯᓂᕐᓗ ᐃᓕᓐᓂᐊᑎᓄᑦ.

ᓂᕈᐊᕐᓂᖅ ᐊᓪᓚᓂᐊᒐᕐᓂᑦ ᐱᐊᕃᑦ ᐃᓄᐃᑦ ᐃᓕᑕᕆᒍᓐᓇᕋᔭᕐᑕᖏᓐᓂᑦ

ᑲᑎᕕᒃ ᐃᓕᓴᕐᓂᓕᕆᓂᖅ ᐊᑦᑐᐊᓂᖃᓪᓚᕆᖃᑦᑕᖁᖅ ᓱᓀᑦ ᓲᖑᓂᕐᓴᐅᒪᖔᑕ ᐃᑲᔪᕐᓯᓂᕐᒥᒃ ᐊᓪᓚᓂᐊᕆᐅᕐᓴᓂᕐᒥᒃ ᐊᓪᓚᒋᐅᕐᓴᓂᕐᒥᓗ ᐃᓄᑦᑎᑐᑦ ᖃᓄᐃᓕᖓᒍᓐᓇᕋᔭᕐᒪᖔᑕ ᓄᓇᕕᓕᒫᕐᒥ. ᕕᓂ ᐅᖃᐅᑏᓯᒪᔪᖅ ᓇᓛᓃᑦᓯᐊᑐᒥ ᐊᓪᓚᓂᐊᕐᓂᖅ ᐱᓇᓱᐊᕋᑦᓴᓕᐊᖑᓯᒪᔪᖅ ᐊᑯᓂ ᐅᖄᔭᐅᕙᓕᕐᑐᖅ. ᖃᓂᖕᖏᑑᓪᓗᐊᖏᑦᑐᖅ ᐅᖄᔭᐅᕙᑦᑐᓂ ᐃᓕᑕᕐᓯᓂᖅ ᐱᓇᓱᐊᕋᑦᓴᓕᐊᖑᒐᓱᑦᑐᖅ ᑭᖕᖒᒪᑦᓯᒐᔭᕐᒪᑦ ᐃᑲᐅᕐᓂᓂ,ᐱᓇᓱᑦᑎᓂ ᐊᑌᓐᓇᑐᒥᓪᓗ ᐊᑐᓕᕐᑎᓯᓂᕐᒥᒃ.

ᐅᑕᕐᕿᑲᓪᓚᑐᐃᓐᓇᕈᓐᓀᓗᑎᒃ ᐊᖏᓂᕐᓴᒥ ᐱᓇᓱᐊᕋᑦᓴᒥ ᐃᓕᒣᓐᓇᓚᖓᔪᒥ, ᐱᓇᓱᖃᑎᖃᕐᓂᖅ ᐊᕐᕚᖅ ᐱᕙᓪᓕᐊᔪᓕᕆᕕᖓᓂ ᐱᒋᐊᓚᐅᔪᖅ ᐅᐃᒪᓇᕐᓂᓴᒥ ᐊᐱᕐᓲᑎᓕᒻᒥ: ᓇᓪᓕᖏᑦ ᓄᐃᑕᒌᕐᑐᑦ ᐊᓪᓚᓂᐊᒉᑦ ᐊᑐᓕᕐᑎᑕᐅᒍᓐᓇᖃᑦ ᐃᓕᓐᓂᐊᕕᓐᓂ? ᕖᐱ ᐃᓕᑦᓯᓚᐅᔪᖅ ᐊᕐᕚᖅ ᐱᕙᓪᓕᐊᑐᓕᕆᕕᖓ ᓄᐊᕗᒻᒦᑐᖅ ᓱᓇᐅᒻᒪᖔᑦ ᖃᐅᔨᓴᕐᕕᖃᓚᐅᑲᑦᑐᕕᓂᐅᑦᓱᓂ ᓄᓇᕗᑦ ᐃᓕᓐᓂᐊᓂᓕᕆᓂᖓᑕ ᐱᓇᓱᕝᕕᖓᓂ ᑐᑭᓯᒋᐊᕈᒪᑦᓱᓂ ᓱᓀᑦ ᓇᓛᓃᑦᓯᐊᒪᖔᑕ ᐊᓪᓚᓂᐊᕐᓂᒨᓕᖓᔪ. ᓄᓇᕗᒻᒥ ᐊᓪᓚᓂᐊᒉᑦ ᓄᐃᑕᐅᓯᒪᔪᑦ ᓇᓛᒎᕐᑎᑕᐅᑦᓱᑎᒃ ᑭᖕᖒᒪᒋᔭᐅᔪᓄᑦ ᓄᓇᕗᑦ ᐃᓕᓐᓂᐊᓂᓕᕆᓂᖓᑕ ᐱᓇᓱᐊᕋᑦᓴᓕᐊᕆᓯᒪᔭᖏᓐᓄᑦ. ᑌᑲᖕᖓᓂᑦ, ᓄᓇᕕᒻᒥ ᓄᐊᑕᐅᓯᒪᓕᕐᑐᑦ 50 ᐊᓪᓚᓂᐊᒉᑦ ᐃᓕᓐᓂᐊᕆᐊᖕᖓᑐᓄᑦ ᐊᕙᓗᓕᓐᓄᓗ 1ᒥ ᐃᓕᓐᓂᐊᑏᑦ ᐱᒋᐊᕐᐸᓕᐊᓯᓐᓂᖁᑦ ᐋᕐᕿᓱᐃᕙᓪᓕᐊᓂᕐᒥᒃ.

ᕕᓂ ᕿᒥᕐᕈᒋᐊᓪᓛᓯᓐᓂᖁᖅ ᓱᓀᑦ ᓄᓇᕕᒻᒥ ᐊᑐᐃᓐᓇᐅᒪᖔᑕ ᓂᕈᐊᖃᑦᑕᓕᕐᓱᓂᓗ ᐊᓪᓚᓂᐊᒐᕐᓂᑦ ᐊᑦᑐᐊᓂᖃᕈᓇᐅᓂᕐᐹᓂᑦ ᓄᓇᕕᒻᒥᐅᓄᑦ. ᐃᓱᒪᒋᔭᖓ ᓯᕗᒧᐊᕐᑎᓯᓂᕐᒧᑦ ᑐᕃᓐᓇᓯᐊᓚᐅᕐᔪᖅ: ᐊᓪᓚᓂᐊᒉᑦ ᑭᖕᖒᒪᑦᓯᓚᐅᔪᑦ ᐱᐊᕃᑦ ᐃᓕᑕᕆᒍᓐᓇᕋᔭᕐᑕᖏᓐᓄᑦ ᐱᑐᖃᑎᒋᒍᓐᓇᕋᔭᕐᑕᖏᓐᓄᓗ ᒪᓕᑦᓱᒋᑦ ᐃᓅᓯᖏᑦ ᐊᕙᑎᖏᓪᓗ. ᑌᒫᒐᓚᑐᐃᓐᓇᖅ ᓂᕈᐊᕐᑕᐅᓚᐅᔪᖕᖏᑐᑦ ᓄᐃᑕᒌᕐᓂᑯᒥᓄᑦ, ᐅᖄᒍᓐᓇᓯᐊᕐᓂᒧᑦ ᑭᓯᐊᓂ ᐱᐊᕋᕐᓄᑦ ᐊᓪᓚᓂᐊᕐᑕᐅᓕᕋᒥ.

ᖃᓄᐃᓕᖓᕚ ᐃᓄᑦᑎᑐᑦ ᓱᖏᐅᑎᕙᓪᓕᐊᓃᑦ ᖃᐅᑕᒫᑦ ᖃᕆᐊᓂ ᐊᑐᕐᑕᐅᔪᑦ

ᐊᓪᓚᓂᐊᒉᑦ ᓂᕈᐊᕐᑕᐅᒪᑕ, ᐱᓇᓱᐊᕐᑕᐅᔪᖅ ᓄᐃᑕᑦᓯᐊᓕᕐᓂᖁᖅ. ᕖᐱ ᓂᓪᓕᑐᕕᓂᖅ ᐱᓇᓱᖃᑎᒌᓐᓂᖅ ᐃᓕᑦᓯᓇᕐᑑᓚᐅᔪᒻᒪᑦ ᐱᓇᓱᖃᑎᓕᒫᖏᓐᓄᓗ. ᓱᖏᐅᑎᓭᓂᖅ ᐊᓪᓚᓂᐊᒐᕐᓂ ᓄᓇᕕᒻᒥ ᕿᒥᕐᕈᓯᐊᕆᐊᓕᐹᓗᓚᐅᔪᖅ ᐅᖃᐅᓯᖏᓐᓂᑦ, ᑕᑯᓐᓇᕋᑦᓴᖏᓐᓂᑦ ᐊᓪᓚᓯᒪᒍᓯᖏᓐᓂᓗ. ᐊᓱᐃᓛ, ᐊᓯᑦᔨᑐᐃᓯᒻᒥᓱᑎᒃ ᓇᐅᒃᑯᑐᐃᓐᓇᖅ ᐃᓱᕐᕆᐅᑎᖁᑦᓱᒋᑦ ᓄᑕᐅᓯᓕᕐᑕᐅᒍᑎᖏᑦ. ᐃᓕᓐᓂᐊᕈᑎᖃᕐᓂᖅ ᑌᒣᑦᑐᓂ ᑐᕌᒐᕆᔭᖃᕆᕗᖅ ᐊᑐᓕᕐᑎᓯᖁᓪᓗᒋᑦ ᓈᒻᒪᓈᑦᓯᐊᑐᒥ ᐊᓪᓚᓂᐊᕐᑏᑦ ᑐᑭᓯᒍᓯᖏᓐᓄᑦ.

ᐃᓄᑦᑎᑐᑦ ᖃᐅᓰᑦ ᐊᑦᔨᒌᖕᖏᑑᕗᑦ ᓄᓇᕕᒻᒥ, ᐊᑐᓂ ᓄᓇᓖᑦ ᓇᒻᒥᓂᖅ ᐃᒫᙰᕈᓯᖃᕆᕗᑦ. ᐃᑲᔪᕐᓯᔭᐅᑦᓱᑕ ᐃᓕᓐᓂᐊᕈᑎᓕᕆᔨᓄᑦ ᐃᓕᓐᓂᐊᓂᓕᕆᓂᕐᒥ, ᐊᓪᓚᓂᐊᒉᑦ ᓄᐃᑕᐅᓚᐅᔪᕗᑦ ᒪᓕᑦᓱᒋᑦ ᐅᖃᐅᓯᖃᕐᓃᑦ ᐊᑦᔨᒌᖕᖏᓂᖏᑦ. ᐊᓪᓚᓯᒪᒍᓯᖏᓪᓗ ᐊᓯᑦᔨᑐᕐᑕᐅᓱᑎᒃ ᐊᑐᕐᓂᓴᕆᓲᕗᓐᓄᑦ ᐃᓄᑦᑎᑐ ᐃᓕᓐᓂᐊᑎᑦᓯᓕᕋᑦᑕ ᐊᓂᐅᔮᕐᐯᑐᓂᑦ.

ᐃᑉᐱᒍᓱᑦᓯᐊᓂᖅ ᐃᓗᓕᑦᑕᖏᓐᓂᑦ ᐊᑑᑎᖃᓪᓚᕆᒃᑯᖅ.  L’école au Nunavik: un système unique au Québec ᒥ, ᐃᑲᔪᕐᑎ ᑐᑭᒧᐊᑦᑎᓯᔨᒥ ᐃᓕᓐᓂᐊᓂᓕᕆᓂᕐᒥ ᐊᓚᑯ ᑯᓗᓛ ᓂᓪᓕᑐᖅ, “ᐊᑦᔨᐅᖏᑦᑐᒥ ᐃᓅᓯᖃᕐᑐᒍᑦ ᑕᒫᓂ, ᐊᕙᑎᑦᑎᓂ,ᐃᓕᑕᕐᓯᒋᐅᕐᓴᖃᑦᑕᕆᐊᖃᕐᑐᒍᑦ ᐊᐳᑎ ᖃᓄᐃᑦᑑᒪᖓᑦ ᓄᓇᓕᐊᕈᒪᑐᐊᕈᑦᑕ, ᐊᓐᓇᐅᒪᒐᓱᐊᕐᓂᐅᒪᑦ.” ᑕᒪᓐᓇ ᐱᓇᓱᖃᑎᒌᓐᓂᖅ ᐃᓘᓐᓀᓂᑦ ᑎᒍᓯᒐᓱᓐᓂᐅᔭᖏᓪᓚᖅ. ᑭᓯᐊᓂ, ᖃᓂᓪᓕᑎᕆᔪᖅ ᐃᓕᓐᓂᐊᑏᑦ ᐃᓕᑦᓯᒍᑎᑦᓴᖏᓐᓂᑦ ᓄᓇᕐᔪᐊᒥ ᖃᐅᔨᒪᒌᕐᑕᖏᓐᓄᑦ.

ᓴᓇᓂᖅ ᖃᕆᐊᓂᑦ ᐊᑐᐃᓐᓇᕈᕐᑎᕆᓂᕐᒥᒃ ᐃᓄᑦᑎᑐᑦ ᐊᓪᓚᓂᐊᒐᕐᓂᑦ ᐱᒋᐊᕐᓂᖏᓐᓂᑦ ᐅᓪᓗᐃᑦ

ᑕᒪᓐᓇ ᐱᓇᓱᐊᕐᑕᕗᑦ ᐊᓪᓚᓂᐊᒐᕐᓄᐊᓕᖓᑐᐃᓐᓇᖏᑦᑐᖅ. ᐱᒋᐊᖕᖓᓂᖓᓂ, ᐃᓱᒪᑦᓯᐊᕆᐊᖃᕐᓇᓚᕆᓚᐅᔪᖅ ᖃᓄᖅ ᐊᓪᓚᓂᐊᒉᑦ ᖃᕆᐊᒥ ᐊᑐᕐᑕᐅᒐᔭᕐᒪᖔᑕ. ᕕᓂ ᐋᕐᕿᓱᐃᖃᑦᑕᑐᖅ ᓱᖃᑦᓯᒐᑦᓴᓂᑦ ᐊᓪᓚᓯᒪᔪᓂᑦ ᒪᓕᑦᓱᓂ ᓱᓇᐅᓂᖏᓐᓂᑦ ᐊᓪᓚᓯᒪᔪᕐᑕᖏᓐᓂᓗ ᐊᑐᓂ. ᐆᒪᔪᖕᖑᐊᑦ,ᑕᐅᑦᑐᐃᑦ ᐃᓚᒌᓪᓗ ᐃᓅᓯᖏᑦ, ᑐᕌᒐᕆᔭᖃᕐᓱᓂ ᐃᓕᓐᓂᐊᑎᑦᓯᔩᑦ ᓄᐃᑕᑦᓯᐊᑐᒥᒃ ᐊᑐᐃᓐᓇᐅᓯᕐᑐᓂᓪᓗ ᐊᑐᖁᑦᓱᒋᑦ ᐃᓕᓐᓂᐊᑏᑦ ᐃᓕᑦᓯᒍᑎᑦᓴᖏᓐᓂᑦ, ᐃᓓᒋᐊᓪᓛᑌᓕᑦᓱᑎᓗ ᐱᓇᓱᒐᑦᓴᖏᓐᓄᑦ.

ᕖᐱᓗ ᕕᓂᓗ ᑕᒪᕐᒥᒃ ᑕᒪᑦᓱᒥᖓ ᑕᑯᓐᓇᖂᒃ ᐊᑯᓂᒋᐊᓪᓚᖅ ᐊᑐᕐᑕᐅᓚᖓᑎᓪᓗᒍ. ᕖᐱ ᑕᒪᑦᓱᒥᖓ ᑕᑯᓐᓇᑐᖅ ᐃᓂᓕᐅᕆᒋᐊᓪᓛᑎᓪᓗᒍ ᓄᓇᕕᒻᒥᐅᑦᓂᑦ,ᐃᓚᐅᑎᓪᓗᒋᑦ ᓄᓇᓕᒻᒥ ᐊᓪᓚᓂᐊᒐᓕᐅᕐᑏᑦ, ᓄᓇᓕᒻᒥ ᓴᓇᖕᖑᐊᑏᑦ ᐅᓂᒃᑲᐅᓰᓪᓗ ᓄᓇᕕᒻᒧᐊᓕᖓᔪᑦ. ᕕᓂ ᐊᐱᕐᓲᑎᑦᓴᖃᕐᒥᔪᖅ ᖃᓄᖅ ᐊᓪᓚᓂᐊᒐᓕᐅᕈᑏᑦ ᕿᑲᕈᓐᓇᒪᖔᑕ ᐱᑐᑦᓯᒪᖃᑎᒌᓐᓂᒥᒃ ᐃᓕᓐᓂᐊᑎᓄᑦ ᐃᓚᐅᖁᓗᒋᑦ ᖃᕆᑕᐅᔭᑎᒍᑦ.

L’effritement de l’inuktitut chez les jeunes ᒥ, ᒥᓂ ᐋᓇᖃᑕᒃ, ᑲᔪᓯᒃᑫᔨᐅᓚᐅᔪᖅ ᑲᑎᕕᒃ ᐃᓕᓴᕐᓂᓕᕆᓂᕐᒥ, ᐃᑲᔪᕐᓯᓂᖃᖁᔨᒐᔭᕐᖁᖅ ᐃᓄᑦᑎᑐᑦ ᐅᓪᓗᒥ ᑕᑯᓐᓇᓯᐊᕋᓱᓪᓗᑕᓗ ᖃᓄᐃᑦᑐᓂᒃ ᐅᕕᒃᑫᑦ ᑕᑯᓐᓇᐅᔮᕐᐸᒪᖔᑕ ᖃᕆᑕᐅᔭᒃᑯᑦ. ᑖᒃᑯᐊ ᐊᓪᓚᓂᐊᒉᑦ ᑭᒡᒐᑐᕐᑐᑦ ᐊᖏᔪᐊᓗᒻᒥᒃ ᓱᒋᐊᕐᓂᒥᒃ ᑎᒍᒥᐊᕋᓱᓐᓂᑯᑦ ᐅᖃᐅᓯᑦᑎᓂ ᐱᐊᕃᑦ ᐃᓕᑦᓯᕕᒋᓚᖓᔭᖓᓂ,ᐊᓪᓚᓂᐊᕐᕕᒋᓗᒋᑦ ᐱᕈᕐᕕᒋᓗᒋᓗ.

ᓯᕗᒧᐊᕐᑎᓯᕙᓪᓕᐊᓂᖅ ᐃᓄᑦᑎᑐᑦ ᐅᖃᐅᓯᓕᓐᓂᑦ ᐊᓪᓚᓂᐊᒐᖃᕐᓂᒥᒃ ᓄᓇᕕᒻᒥ.

ᐱᓇᓱᖃᑎᖃᕐᓂᖅ ᐊᕐᕚᖅ ᐱᕙᓪᓕᐊᔪᓕᕆᕕᖓᓂ ᐃᓚᒋᕆᓯᒪᕗᖅ ᐱᓇᓱᐊᕐᑕᐅᔪᓂᑦ ᐃᓕᓐᓂᐊᕕᓐᓂ ᓄᓇᕕᒻᒥ. ᑲᔪᓯᑎᑦᓯᕗᖅ ᐊᔪᐃᓐᓇᕙᑦᑕᖏᓐᓂᑦ ᐃᓕᓐᓂᐊᑎᑦᓯᔩᑦ ᐊᒥᓱᓂᑦ ᐊᕐᕌᒍᕐᓂᑦ, ᐃᓕᓐᓂᐊᕈᑎᓕᕆᔨᓂᑦ ᐊᓯᖏᓐᓂᓗ ᐱᓇᓱᑦᑎᓂᑦ, ᐃᓚᑰᖃᑦᑕᕋᓗᐊᕐᒪᑕᓗ ᐱᓇᓱᐊᕐᑕᖏᑦ ᑌᒣᑦᑐᓯᐊᓪᓗᑯᐊᐱᐅᒋᐊᖃᕐᐸᓱᑎᓪᓗ ᖃᕆᐊᑦ ᐃᓗᐊᓂ. Le Devoir article ᒋᐊᓪᓚᒥᒃ, ᔮᔅᒥᓐ ᓴᕌᕋ, ᐃᑲᔪᕐᑎᐅᓚᐅᕐᓯᒪᔪᖅ ᐃᓕᓐᓂᐊᕈᑎᓕᕆᕕᒻᒥ ᑐᑭᒧᐊᕐᑎᓯᔨᒥ ᐅᓂᒃᑳᖁᖅ ᑲᑎᕕᒃ ᐃᓕᓴᕐᓂᓕᕆᓂᖅ ᐃᒣᑦᑐᕕᓂᐅᒋᐊᖓ ” ᐃᓘᓐᓀᒍᑦ ᐃᓕᓐᓂᐊᓂᓕᕆᓂᐅᑦᓱᓂ,ᑐᕐᖃᑕᕐᕕᐅᓱᓂ ᐅᓂᒃᑲᐅᓯᑦᓴᓕᐅᕐᕕᐅᓱᓂᓗ.”

ᑌᒣᒐᓗᐊᕐᑎᓗᒍ, ᐆᒻᒪᑎᖓ ᕿᑲᖏᓐᓇᑐᖅ ᖃᕆᐊᓂᑦ. ᑲᑎᕐᓱᑕᐅᓯᒪᔪᑦ 50 ᐊᓪᓚᓂᐊᒉᑦ ᐋᕐᕿᒋᐊᕐᑕᐅᕙᓪᓕᐊᔪᑦ ᐅᕕᒃᑲᓄᑦ ᐃᓕᓐᓂᐊᑎᓄᑦ ᐃᓱᒪᒋᔭᐅᑦᓱᑎᒃ. ᓂᕈᐊᕐᑕᐅᓱᑎᒃ ᐊᑑᑎᖃᕐᓂᖏᑦ, ᐊᑐᓂᓪᓗ ᓴᓇᔭᐅᑦᓱᑎᒃ ᐱᐊᕃᑦ ᐊᓂᕐᕋᓯᒪᔫᔮᖁᓪᓗᒋᑦ. ᓄᐊᑕᐅᓯᒪᔪᑦ ᓄᐃᑦᓯᓚᖓᕗᑦ ᐃᓄᑦᑎᑑᖏᓐᓇᓂᕐᒥᒃ ᖃᕆᐊᓂᑦ. ᐃᓕᓐᓂᐊᑎᓂᑦ ᑐᓂᓯᒋᐊᓪᓛᓱᓂᓗ ᒪᑐᐃᕐᓯᒍᓐᓇᓯᓂᕐᒥᒃ ᐊᓪᓚᓂᐊᒐᕐᓂᑦ ᓇᕝᕚᕈᓐᓇᓗᑎᓗ ᒪᑉᐱᕋᕐᓂ ᓇᒻᒥᓂᖅ ᐃᓅᓯᖏᓐᓅᓕᖓᔪᓂᑦ.

ᖃᐅᔨᒋᐊᓪᓚᕈᒪᕖᑦ ᑖᑦᓱᒥᖓ ᐅᓂᒃᑳᑕᐅᔪᒥᒃ? ᐅᑯᐊ ᐊᓕᐊᒋᒐᔭᕐᖂᑕᑎᑦ ᐊᓪᓚᓂᐊᕐᓗᒋᑦ:

ᓱᓇᐅᕚ ᐱᐊᕋᕐᓄᑦ ᐃᓅᓯᓕᕆᔨ? ➔
ᐊᐱᕐᓱᑕᐅᔪᖅ ᕕᓂ ᐱᐊᕋᓐ ᐃᓕᓐᓂᐊᑎᑦᓯᔨᐅᒋᐅᕐᓴᓂᕐᒥᒃ ➔

ᐱᓇᓱᑦᑎᑖᕈᒪᔪᒍᑦ, ᐃᓱᕐᕆᐅᑎᑦᓴᓂᓪᓗ ᑐᓂᓯᒍᓐᓇᓱᑕ !
ᐃᓚᐅᓚᐅᕆᑦ ᐱᓇᓱᖃᑎᑦᑎᓄᑦ, ᐅᓪᓗᒥ ᐱᒐᓱᒍᓐᓇᖁᑎᑦ.

ᐱᓇᓱᒐᑦᓴᓂᑦ ᕿᒥᕐᕈᕕᒃ ➔
ᐃᓱᕐᕆᐅᑎᑦᓴᓂᑦ ᕿᒥᕐᕈᕕᒃ ➔