ᐱᓇᓱᒐᕐᒥᒃ ᐱᒋᐅᕐᓴᐅᑏᑦ ᐱᑎᑦᓯᒍᑕᐅᕗᑦ ᐱᓇᓱᒐᓪᓗᑯᒧᑦ-ᐃᓕᖓᔪᓂᒃ ᐱᓪᓗᑯᒋᐊᓕᑎᒍᑦ ᐱᒋᐅᕐᓴᐅᑎᓂᒃ ᐊᒻᒪᓗ ᐱᕕᖃᕐᑎᓯᕗᑦ ᐃᓕᓐᓂᐊᑐᑦ ᐊᑐᐃᓐᓇᕈᑦᑎᓂᖓᓂᒃ ᐃᓕᓐᓂᐊᓯᒪᒋᐊᓕᒻᒧᑦ ᐱᓇᓱᒐᒻᒫᓴᖓᓄᑦ. ᐱᓇᓱᒐᕐᒥᒃ ᐱᒋᐅᕐᓴᐅᑏᑦ ᑐᕌᕈᑕᐅᒍᓐᓇᑐᑦ ᐱᔪᓐᓇᐅᑎᑖᕐᓂᒧᑦ ᐱᓇᓱᒐᕐᒥ ᓇᓪᓕᐊᓂ, ᐱᓇᓱᒐᑦᓴᔭᓂᒃ ᐃᓕᓐᓂᐊᓯᒪᓂᕐᓄᑦ ᐱᔭᕇᕈᓯᕐᑕᐅᒍᑎ (DVS) ᐊᒻᒪᓗ ᓱᓕᔪᒥᒃ ᐃᓕᓐᓂᐊᓯᒪᔫᕐᑕᐅᒍᑎᑖᕐᓗᓂ ᐱᓇᓱᒐᕐᓄᑦ ᐱᓪᓗᑯᒋᐊᓕᓐᓅᓕᖓᔪᓂᒃ (AVS).

ᐃᓄᒻᒪᕇᑦ ᐃᓕᓴᕐᕕᖓ, ᐳᕕᕐᓂᑐᖅ 

ᐱᓇᓱᒐᖃᕐᕕᐅᔪᓂᓗ ᐊᓂᕐᕋᕆᔭᐅᔪᓂᓗ ᑲᒪᔨᓂᒃ ᐃᑲᔪᕐᑏᑦ (DVS) .

ᓄᓇᕕᒻᒥ ᐱᒋᐅᕐᓴᕕᒃ ᐱᑦᔪᔨᕕᒃ, ᐃᓄᑦᔪᐊᖅ

ᐱᖕᖑᐊᑐᓕᕆᓂᕐᓂ ᓯᕗᓕᕐᑎᐅᓂᖅ ᓄᓇᕕᒻᒥ (DVS) .	ᕿᔪᓕᕆᓂᖅ (DVS) .	ᐃᒐᔨᐅᓂᕐᒥᒃ ᐱᔪᓐᓇᐅᑎᓖᑦ (DVS) .
ᓴᓇᔩᑦ ᓴᓇᕐᕈᑎᖏᓐᓂᒃ ᐊᐅᓚᐅᓯᐅᕐᓂᖅ (DVS) .	ᐃᓄᒻᒪᕇᑦ ᐃᓪᓗᖁᑎᖏᓐᓂ ᑲᒪᔨᒥᒃ ᐃᑲᔪᕐᓂᖅ (STC) .	ᓯᖁᒥᓯᒪᔪᕐᓂᐊᓂᖅ ᐊᖑᒪᑦᓯᓂᕐᓗ ᐅᕐᓱᐊᓗᑦᑐᑐᓂᒃ ᐱᐅᓕᓐᓂᐊᒐᕐᓚᓂᒃ (STC) .

ᖃᐅᓐᓇᖅ ᐱᑦᔪᔨᕕᒃ, ᓴᓪᓗᐃᑦ

ᓄᓇᒃᑰᔫᓂᒃ-ᓯᖁᒥᓯᒪᔪᕐᓂᐊᓂᖅ ᐱᒍᑦᔨᓂᕐᓗ (STC) .

ᑲᔪᓯᕕᒃ ᐱᑦᔪᔨᕕᒃ, ᑰᒃᔪᐊᖅ

ᑮᓇᐅᔭᓕᕆᐅᓰᑦ (DVS) .

ᐊᓪᓚᑎᐅᓂᕐᒥᒃ ᐃᓕᓐᓂᐊᑎᑕᐅᒍᑏᑦ (DVS) .

ᓄᓇᒃᑯᔫᓂᒃ ᐊᐅᓚᐅᓯᐅᕐᑎ (DVS) .

ᐃᓄᒻᒪᕇᑦ ᐃᓕᓐᓂᐊᑎᑕᐅᕕᖓᑦ ᐱᑦᔪᔨᕕᒃ, ᑲᖏᕐᓱᔪᐊᖅ

ᐱᕙᓪᓕᐊᑎᑦᓯᒍᑎᖃᕐᓂᖅ ᐱᓇᓱᒐᕐᒥᒃ (AVS) .

• ᐃᓄᐃᑦ ᐳᕐᑐᓂᕐᓴᒥᒃ ᐃᓕᓐᓂᐊᕇᕐᓯᒪᓂᕐᒥᓄᑦ ᐃᓕᑕᕆᔭᐅᑦᔪᑎᑖᕐᓯᒪᔪᑦ ᐅᕝᕙᓘᓐᓃᑦ ᓇᓪᓕᖁᐊᖓᓃᑦᑐᓂᒃ ᐃᓕᑕᕆᔭᐅᑦᔪᑎᖃᕐᓗᑎᒃ, ᐆᑦᑐᕋᐅᑎᒋᓗᒍ’ ᐳᕐᑐᓂᕐᓴᖅ ᑕᓪᓕᒪᖓᓐᓂ ᓇᓪᓕᖁᐊᖓᓃᑦᑐᓂᒃ ᐃᓕᓐᓂᐊᓯᒪᓂᕃᒍᑎ, ᐅᕝᕙᓘᓐᓃᑦ ᐳᕐᑐᓂᕐᓴᐅᑉ ᑭᖑᓂᖓᒍᑦ ᐃᓕᑕᕆᔭᐅᑦᔪᑎᑖᕐᓯᒪᒍᓂ ᓲᕐᓗ ᐃᓕᓐᓂᐊᕕᒻᒪᕆᐅᓂᕐᓴᒥ ᐃᓕᓐᓂᐊᓯᒪᓂᕐᒧᑦ ᐃᓕᑕᕆᔭᐅᑦᔪᑎᒥᒃ ᐅᕝᕙᓘᓐᓃᑦ ᐃᓕᓐᓂᐊᕕᕐᔪᐊᒥ ᐱᓯᒪᔭᒥᓂᒃ ᐊᓂᒍᐃᒋᐊᖓᐅᑎᐅᓂᕋᕐᑕᒥᒃ

⇓
ᐅᕝᕙᓘᓐᓃᑦ

• ᐃᓄᐃᑦ ᒪᑯᐊ 16-ᓂᒃ ᐅᑭᐅᓖᑦ ᐃᑭᓐᓂᐸᐅᑎᓪᓗᒋᑦ ᐅᑭᐅᖏᑎᒍᑦ ᐊᒥᕃᔭᐅᑦ 30-ᒥ ᐃᓕᓐᓂᐊᓇᐅᑉ ᐊᕐᕌᒍᖓᓂ ᐱᔭᒋᐅᕐᓴᑕᐅᕕᑦᓴᖓᑕ ᐱᒋᐊᕐᕕᒋᒋᐊᓕᖓᓂ ᐊᓂᒍᐃᓯᒪᑐᐊᕐᐸᑕᓗ ᐳᕐᑐᓂᕐᓴᖅ ᓯᑕᒣᖓᓐᓂᒃ ᐱᓯᒪᒋᐊᓕᖕᒥᓂᒃ ᐅᖃᐅᓯᕐᓂᒃ ᐃᓕᓐᓂᐊᓂᕐᒥᒃ, ᐅᖃᐅᓯᑐᖃᕐᒥᑕ ᑐᓪᓕᐅᑎᖓᓂᒃ ᓈᓴᐅᑎᓕᕆᓂᕐᒥᓗ ᐃᓕᓐᓂᐊᕋᑦᓴᐅᓂᐊᕐᑎᓗᒋᑦ ᓄᐃᓯᒪᔭᓂᒃ ᒥᓂᔅᑕᒧᑦ, ᐅᑉᕙᓘᓐᓃᑦ ᐱᑎᑕᐅᓯᒪᓐᓂᕈᓂ ᐃᓕᑕᕆᔭᐅᑦᔪᑎᒥᒃ ᓇᓕᕐᖁᐊᖏᓐᓃᑐᓂᒃ ᐃᓕᓐᓂᐊᓯᒪᓂᕐᒥᓄᑦ

⇓
ᐅᕝᕙᓘᓐᓃᑦ

• ᐃᓄᐃᑦ 18-ᓂᒃ ᐅᖓᑖᓄᓪᓗ ᐅᑭᐅᖃᓚᐅᕈᑎᒃ ᐃᓕᓐᓂᐊᖃᑕᐅᓚᖓᓯᒍᑎᒃ ᒪᑯᓂᖓᓗ ᐊᑐᕈᓐᓇᓗᓂᒋᑦ ᑐᑭᓯᒪᔭᕆᐊᓕᖕᒥᓂᒃ: ᐊᓂᒍᐃᑦᓯᐊᓯᒪᒋᐊᓕᒃ ᐃᓘᓐᓀᒍᑦ ᐱᕙᓪᓕᐊᒐᓲᑎᑦᓴᒥᒃ ᖃᐅᔨᓴᕐᑕᕕᓂᐅᓗᓂ (ᑕᑯᓗᒋᑦ ᐆᑦᑐᕋᐅᑏᑦ), ᐅᕝᕙᓘᓐᓃᑦ ᐃᓕᑕᕆᔭᐅᑦᔪᑎᑖᕐᓯᒪᓗᓂ ᓇᓕᕐᖁᐊᖏᓐᓃᑐᒥᒃ ᐃᓕᓯᒪᓂᕐᒥᓂᒃ.

⇓
ᐅᕝᕙᓘᓐᓃᑦ

• ᐃᓄᐃᑦ ᐳᕐᑐᓂᕐᓴᖅ 3-ᒥ ᖁᕝᕙᕆᐊᕈᑎᓂᒃ ᐱᓯᒪᒍᑎᒃ ᐅᖃᐅᓯᕐᒥᒃ ᐊᑐᕐᓱᑎᒃ ᐃᓕᓐᓂᐊᑕᒥᓂ, ᐅᖃᐅᓯᑐᖃᕐᒥᑕᓗ ᐁᑉᐱᐅᑎᑦᓴᖓᓂᒃ ᓴᓇᑦᑐᓴᐅᑎᓕᕆᓂᕐᒥᓗ ᐃᓕᓐᓂᐊᕋᑦᓴᓕᐊᖑᓯᒪᔪᒃᑯᑦ ᑐᕐᖃᑕᕐᕕᑯᓐᓄᑦ ᐃᓘᓐᓀᓄᐊᖓᔪᒥᒃ ᐃᓕᓐᓂᐊᓂᕐᒥᒃ ᐊᑑᑎᖃᑕᐅᒋᐊᓖᑦ, ᐊᑕᐅᑦᓯᑰᖃᑕᐅᑎᓪᓗᒍ ᐱᓇᓱᒐᖕᖑᓚᖓᔪᓂᒃ ᐃᓕᓐᓂᐊᓂᕐᒥᓄᑦ, ᐱᓚᕿᐅᑎᒋᓂᐊᕋᒥᐅᒃ ᐳᕐᑐᓂᕐᓴᖅ 4-ᒥ ᖃᑉᕙᒋᐊᕈᑎᑦᓴᓂᒃ ᐅᖃᐅᓯᕐᒥ ᐃᓕᓐᓂᐊᓂᕐᒥᓂ ᑭᖕᖒᒪᕆᓐᓂᒍᓂᐅᒃ, ᐅᖃᐅᓯᑐᖃᕐᒥᑕ ᑐᓪᓕᐅᑎᑦᓴᖓᓄᑦ ᓴᓇᑦᑐᓴᐅᑎᓕᕆᓂᕐᒧᓗ ᑐᕐᖃᑕᕐᕕᑯᑦ ᐃᓕᓐᓂᐊᕋᑦᓴᐅᓂᐊᕐᑎᓗᒋᑦ ᐱᑕᖃᕐᑎᑕᖓᒍᑦ.